لعنة هوسي ( جزء الثاني من عشقي لمغربية )مكتملة

الحلقة الثالتة

قعدو كيتعشاو مجموعين حتى سالاو و رجعو للقصر .. اوس شاد ايدين المى و باسها
اوس : ثيقيني هذا المرة قريب نلقا بنتي
المى بعيون لامعة : احسن حاجة توحشتها بزاااف مكرهتهاش ترجع لحياتنا 
اوس : صغيرتنا غادي ترجع لحضننا انا متأكدة
وصلو و نزلو و كلها مشا لغرفتو .. داز النهار هاكاك حتى جاء صباح جديد .. انيرا وصلها الشيفور حتال المدرسة هي و غسان و نزلات حتى كتشوف اماليا و مشات لعندها
انيرا ببتسامة  : سلام
اماليا ببتسامة : اهلا اهلا
انيرا :صراحة ماعرفت عليك والو و اشمن شعبة دايرة
اماليا كتهضر و هما غادين كيتمشاو : صراحة كنت سيونص ماط في الباك جيت الاولى على مستوى الجهة و صافي جيت لهذا الجامعة كنقرا الطب
انيرا :مزيان انا بغيت نقرا على تصميم الازياء بحال طاطة نجمة
اماليا : شكون هذا طاطا نجمة ؟
انيرا : صاحبة ماما بحال ختها
اماليا كتشوف بحزن ان انيرا عندها عائلة زوينة و طرحات بتساؤول : باباك فاش خدام
انيرا : بابا هو اوس العمراني عندو شركة خاصة بيه و ماما حتى هي عندها ماركة تاع المكياج و نتي ؟؟
اماليا بتوتر :بابا جراح كبير عندو مستشفى خاصة بيه و ماما حتى هي طبيبة تلاقاو و ولدوني انا بوحدي ( بحزن كتمنى كون كذبتها كانت حقيقة ) انا هي المفششة تاع الدار اللي بغيتها كنلقاها
انيرا بضحكة طفولية : حتى انا لدرجة غير بالضحك قلت لبابا مني كانت عندي 12العام بغيت هليكوبتير و جابها لية
بدات انيرا كتهضر على حياة عائلتها وكمية الحب اللي بيناتهم و اماليا كتشوف فيها ببتسامة حزن على الحياة اللي مادارت ليها والو باش تأديها بهذا الطريقة و تخلي مها و باها يموتو في سن صغيرة مخليين طفلة يتيمة مليوحة في الزنقة...
انيرا : يالله نخليك خاص نمشي نقرا ( مدات ايديها ) اصدقاء
اماليا ببتسامة :اصدقاء
مشاو البنات كل وحدة لقسمها و اماليا كتحاول تتناسى على حزنها حتى سالات و مشات تمشات حتى وصلات للطوبيس ركبات فيه و زاد بيها حطها حدا القهوة.. دخلات كتخدم و كتسربي من هنا و من هنا حتى عيط ليها الشاف ديالها
الشاف :اماليا خلي داكشي اللي في ايديك و اجي
مشات عندو اماليا
الشاف :سيري سربي الفوق في الجناح 16 كاين واحد الكليان مهم ..مشا الشاف و  عوجات اماليا فمها كتقلدو: سيري سربي كاين كليا مهم
طلعات اماليا و هي دق من بعد دخلات .. حتى لتافت ليها كيشوف فيها بشوفات بحال الصقر و هو يزير على قلبو ..اماليا ضورات عينيها بيناتهم كلهم حتى شافت فيه كيشوف فيها بحيرة و هي تحس بقلبها حتى هي تزير و سرطات ريقها كتشوف عينيها كيشبهو لعينيه بشكل كبير.. تقدمات اماليا لعندهم و بدات كتاخد طلب كل واحد منهم حتى وصلات لعندو
اماليا : سيدي بغيتي شي حاجة ؟؟
اوس بشوفات بحال الصقر : بغيت قهوة كحلة قاسحة
اماليا توترات :وخا اسيدي
كان احدهم كيشوف فيها بشهوة و هو يقيس رجليها حتى تفزعات اماليا و رجعات اللور حابسة البكية كتحس بالحغرة  و ماتقدش تدوي حيتاش غادي تقطع باب رزقها الوحيد .. اوس شاف المنضر و تعصب ماعرفش علاش و ناض كيقاد في كوستيمو و هو يشد كاس تاع الماء حداه سخون و خواه عليه حتى تشوط ليه وجهو و رجعات اماليا اللور مخبية بضهر اوس بحالة كطلب منو يحميها
الرجل كيغوت مغمض عينيه :ااااااااع اش درتي واش حماقيتي
اوس باستهزاء :بانو ليك بنات الناس تفلية بغيتي تلعب سير لعب في جهة خرى ( قرب لعندو و لوا ليه ايديه حتى طرطقات )و قاد معاية هذا المرة اسلوب هضرتك و لا غادي تشوف شي حاجة متعجبكش و لا عرفتي شنو ( غوت) : يوووووسف
دخلو الغارد حانيين راسهم
اوس :ديو علية هاذة .. تمو جارينو و كلشي اللي في الاجتماع خايف .. حتى تم داخل الشاف تاع اماليا و هو يمشي و بدا كيغوت عليها
الشاف : نتي مطرودة من هنا سمعيتيني ( لاوس ) سمح لينا اسيدي هذا الخطأ مبقاش غادي يتكرر و الاجتماع تقد تنضمو مرة خرى عندنا مجانا
اماليا شافت فيه بحقد و لكن محتاجة للخدمة و لا مغاديش تلقا باش تصرف على راسها حتى دوا اوس : لا طردتيها نتا اللي غادي تطرد في بلاصتها البنت غادي تبقا سمعتيني في خدمتها و مانشوفش بحال هذا التصرفات تاع التحرش سمعتيني
اماليا شافت في حب انساني  باوس اللي دافع عليها و حماها كانت دائما كتشوف في الزنقة يا نضرات شهوة و لا شفقة عمرها عاملها شي واحد على انها انسان ..
زاد اوس فحالو حتى سمعها قالت ليه
اماليا بصوت خافت : شكرا
مشا اوس بلا مايتسوق ليها كيحاول يتجنب الاحساس اللي حس بيه مني شافها .. اما اماليا بقات كتبتاسم حسات ان الحياة كتضحك ليها و انه كاينين ناس زوينين في الحياة .. كملات خدمتها تحت تخنزيرات الشاف اللي ماقدش يدوي معلوم راه اوس هذاك وصا عليها..
رجعات اماليا لبراكتهم و بقات جالسة مع شامة اللي كطيب كسكسو
اماليا :الله شحال توحشت كسكسو تاعك
شامة :ايه جمعت شوية البركة باش نطيبو كسكسو
اماليا كتقلب في الثلاجة : ما ديريش فيها اللفت تنصحابو بطاطة
شامة : ايه الالة اماليا اش حب الخاطر اخور
اماليا مشات لعندها كتبوسها من عنقها و حناكها و  كضحك: احححح عليك الحب واش هذا الزين مكيشوفوهش
شامة : اماليا هداااي هههههههه
اماليا :وايلي باقة لافيشور عندك خدامة صحابني تبلوكات
شامة : لهلا يحييك راه كنت انا تيتيزة في دوارنا
اماليا باست ليها ايديها  :ايه نتي الزين
شامة بحب : نشأالله نشوفك طبيبة و توصلي حيتاش تستاهلي كتقراي و تخدمي و دمري
اماليا : نشأ الله احبيبتي نشأ الله و شكرا حيتاش صبرتي معاية و ربيتيني في الوقت اللي تخلا علية كلشي ( قالتها بعينين دامعين )
شامة كتحاول تحبس دموعها : اووووف على هذا الدراما الزايدة سيري لفوق التلفزة حاطة شي حاجة
مشات اماليا كضحك و هي تلقا الف درهم
اماليا :اي اي اي ترفحنا
شامة : سيري تيقتي راسك هادوك تاوع الصير تاع الشهر راه فيه فلوس الكراء و فلوس الماكلة
اماليا:اححح لاش عطيتيهوم لي
شامة :واا سيري طرطقيهم غتخلصي نصو في الكراء و النص لاخور  تمشي تجيبي الفرماج اتاي و الزبدة ز الزيت و السكر
اماليا :و الشكلاط ياك
شامة :جيبي الشكلاط تاع ربعة دريال
اماليا بحزن  :شامة
شامة :اشنو باش يالله تشبعي
اماليا كتنكر : قالت ليك الشكلاط تاع ربعة دريال على الاقل تقول لية غير ماروخة و لا حبي ميلكا
تحط داك كسكسو و بداو كياكلو .. في جهة اخرى .. كان اوس متراس الطبلة حداه المى و من الجنب لاخور كاينة انيرا اللي حداها غسان كياكلو في كسكسو
المى : معيطيش لمقداد باقي في امريكا
اوس : اممم باقي في امريكا عندو شي خدمة
غسان كحب مني تجبدات سيرتو و انيرا صفارت  .. اوس شاف فيهم بالجنب ببتسامة جانبية:هو اللي كيعرف ليكم
..... في المدرسة
كانت اماليا كتشوف في لوحة مدرسية معلقة حتى وقفات عليها نادين معها شيماء و يسرى
نادين: هاااي اماليا
اماليا ببتسامة صفرة :هااي
نادين: خارجين للشوبينغ انا و البنات و قلنا نديوك معانا و حتى انيرا تمشي
اماليا فهمات انها بغات تقرب من انيرا على طريقها:لا ماقديتش صراحة خاص نمشي نعاون بابا فشي حاجة في المستشفى تاعو
نادين :اممم غير يالله ( جروها البنات )شوبينغ اهم و لا بغيتي انا نشري ليك الحوايج ماعندي مشكيل ( و بداو كيضحكو حتى تزيرات اماليا )
اماليا :ممحتاجاش عندي كارط بونكير تاع بابا
مشاو حتى وصلو عند انيرا اللي شافت اماليا معاهم
نادين :انيرا يالله معانا غادين نديرو الشوبينغ
انيرا شافت معاهم اماليا و هي تبعهم موكلة امرها لله ... ركبو في طموبيلة نادين .. حتى وصلو للمول بقاو كيضورو و يدخلو للبوتيكات و اللي بانت ليهم كيشريوها من غير انيرا و اماليا .. انيرا مارتاحتش اصلا باش دير معاهم الشوبينغ و اماليا ماعندهاش اللعاقة ..شافت اماليا في واحد الكسوة عجباتها غير شافا الثمن خرجات عينيها 3000 درهم وخا نكون باغة غنلبس اللويز
نادين شافتها اش ختارت و هضرات:اويلي حتى هاديك لبسة يختاروها الناس متأكدة عندك الذوق
اماليا :غير بغيت نشوف
نادين : يالله نمشيو للمحل ديالنا اللي مولفين
خرجو و دخلو لبوتيك راقية و كبيرة ... بداو كيهزو بالعرارم و حتى انيرا معاهم عجبها ذاك البوتيك ...اماليا مرضاتش و بدات كتهز و تقيس حتى هي حتى طاحت على كسوة في الاحمر جاتها واعرة ..
انيرا :ميمكنش خاصك تاخدي هادي جاتك واعرة
اماليا:اه
نادين بالسم حيتاش اماليا زوينة عليها : اه جاتك زوينة
بقات اماليا كتشوف كيدير للفلوس مينين غادي تجيبهم حتى شافت واحد الشخص و تصدمات
كانت شامة كتجفف الارض و كتشوف فيها بشوفات كون كانو قرطاس كون قتلوها
توترات اماليا وشامة بدون قصد منها جات بغات تهز السطل و تخوى على سباط نادين
نادين : ااااااع ممربياش اش هذا الزبل اش هذا الويل نتي حمارة نتي مريضة في راسك والله هييي عيطو  المدير اش هذا الخدامة اللي جايب لينا هنا حشارة بحالك ( باشمئزاز ) هذا الصباط ماتشريهش حتى وخا تخلصي حياتك
شامة بحزن حسات باللي كرامتها تهانت بدات كتبكي في صمت و اماليا كتشوف فيها بعينين حمرين اما انيرا تصدمات عاد عرفات علاش كيعاودو على نادين بالخايب ... شيماء و يسرى بداو كيضحكو من منضر شامة و هي تخرج نادين معصبة تابعينها البنات و انيرا بقات كتشوف و هي تعيط للشيفور تاعها و خرجات اما اماليا تقدمات عند شامة كتبكي و عنقاتها
اماليا بعينين حمرين و الغضب عاميهم :و بمعزتك عندي مغاديش نساها ليها سمعتي ( و شامة مستمرة ببكاها )
انيرا وصلات للقصر و الحزن طاغي عليها حتى تلقات ليها المى
المى شافت ملامح انيرا حزينين : بنتي مالك
انيرا بحزن :حضرت لواحد المنضر بقا فية الحال واحد البنت كتقرا في نفس مدرستي ممربياش بقات كتغوت على امراة قد امها و ماخلات ماقالت ليها و المراة مكانتش قاصدة
المى : كاينين ناس مافقلبهم رحمة و صافي سيري تنعسي و ماتشطنيش راسك بهادشي مانبغيش اميرتي تكون مقلقة
انيرا بتاسمات ليها و مشات نعسات ..