لعنة هوسي ( جزء الثاني من عشقي لمغربية )مكتملة

الحلقة 26

مهران كيحاول يلطف الجو: مالكم تصدمتوو
المى كتحاول حتى هي : دخلوو مرحبا بيكم
علي باستهزاء : ماعندي ماندير في هذا الدار ( غوت ) مع اكبر اعدائي
اوس غوت :احتااارم رااسك
علي : شنو غادي ندير في دار سحارة بحال مرتك اللي خلاتك تقلب على عائلتك و تنسا خير مك ( طلع وهبط في المى ) سحااارة
اوس ماتحملش اهاناتو جا بغا يمشي لعندو وهو يشدو مقداد اللي براسو معصب من هادشي اللي كيخرج من فم علي
مهران قدر يفهم حقيقة ان اوس عمو ديجا عاودات ليه ماماه على قصتهم ..تنهد بعصبية نهار قلبو حب الكره بين العائلتين غادي يوقف في طريقو ولكن الحاجة الوحيدة اللي كيفكر فيها عمرو يتخلى على انيرا
المى عينيها تغرغرو :عفااك اعلي راك فاهم كلشي غلط جلس باش نعاودو ليك الحقيقة الموضوع مايستاهلش الخصام لهذا الدرجة
علي  غوت: لهذا الدرجة ؟؟؟ معلووووم حيتاش الرجل اللي كتبغي ماقتلش ليك واليديك باش دوي هاكا
ياسمين شداتو في معصمو : عفااك اعلي تهدن راه الاعصاب ممزيانينش ليك
انيرا الفوق كتسمع الغوات خلعها هادشي وقررات تنزل وخا ماماها قالت ليها بقاي حتى نصيفط ليك الخدامة
نزلات انيرا ...وهو يبان ليها الغوات و الصداع و الجو متوتر
انيرا بخوف: شنو واقع هناا ؟
علي شافها و من التاج استنتج انها العروسة: هادي هي اللي بغيتي تزوج بيها ببنت اكبر عدو لية هادشي عمرني نسمح بيه سمعتيني ( دفل )هذا الدار عمرني نعتبها لا انا لا عائلتي
اوس غوت بصوتو : عاااااالي حتارم راسك سمعتيني
أماليا في القنت مع شامة كيوشوشو 
شامة : اويلي مال هاذو دغيا تسيفو
أماليا : مانعرف ولكن باينة شي مشكيلة
شامة :هذا ختك ماعندها زهر مالقات شكون تبغي غير ولد العدو ديال باها
اماليا خنزرات فيها :هادشي مكيضحكش
شامة : ياك نتي كنتي سيونس ماط واحلي هذا المعادلة
اماليا تنهدات:مانقدش نتحمل الانكسار تاع ختي ضروري يكون شي حل ضروري
انيرا :شنو واقع هنااا
علي :اووووه مخبي فضيحتك على عائلتك انا نعاود ليكم
ياسمين كتبكي : علي براكة ضروري يكون شي غلط
علي :مغنسكتش سمعتيني براكة مدافعي على صاحبتك ( شاف فيها ) باباك اللي هو خويا بقا مع المرأة اللي قتلات ماماه او ماما وبقا معاها تعميتي لهذا الدرجة كيفاش قديتي هضااااار تخلي المجرمة اللي حرماتني من ماما متعاقبش
انيرا كتبكي : عمي ثيقني راك فاهم كلشي غلط اعمي عفااك ( شافت في مهران كتبكي ) قول شي حاجة
مهران حدر عينيه عارف أكثر موضوع كيجرح باباه هو هذا ماعرف ما يدير
شامة حالة فمها : ويلي ويلي استغفر الله
اماليا تفكرات نهار عاودات ليها انيرا على المشكلة: الله فاهم كلشي غلط
شامة : كيفاش كلشي غلط
اماليا : حتال من بعد ونعاود ليك
علي : يالله نمشيو من هنا
مشا علي تابعاه ياسمين بعدما شافت في عينين المى و نجمة و تفكرات صداقتهم و غاع اللي عاشوه  ومهران مشا وكيفكر شي حل لهذا المصيبة هاذي...المى طاحت كتبكي و معاها نجمة كتواسيها ..انيرا كتبكي طلعات لبيتها و كتردد في وذنها جملة ماعندي زهر ...اوس خرج معصب كون ماكان خوه كون قتلو ...مقداد مشا عند انيرا واماليا تنهدات وتبعاتو ..
انيرا تلاحت كتبكي في ناموسيتها كتشوف راسها غادي تفرق مع حبيبها ..حتى حل مقداد الباب بعدما دق
مقداد:نقد ندوي معاك
انيرا كتبكي : فاش غادوي معاية ماعندي زهر اهئ اهئ الدري اللي كنبغي غادي نتفرق معاه بسباب عداوة بين العائلتين
مقداد مشا حتال حداها و هو يشدها من كتافها و ضورها عندو بانو ليه عينيها عامرين بالدموع و خناينها دايزين وكتشهق
مقداد تنهد : غادي نشوف شي حل و تزوجي باللي كتبغي
انيرا لمعو عينيها كثيق في مقداد : بالصح 
مقداد : ختي الصغيرة مغاديش نسمح لشي واحد يأديها و يقيسها واللي بغاتها نجيبها ليها
تلاحت عنقاتو عارفة مقداد كيحل مشاكيل دول بقا غير يحير في هادشي
اماليا كطل عليهم من الباب عمرها شافت الجانب الحنيني من مقداد حتال دابا ابتاسمات و غتشوف كيفاش غادي ينفذ وعدو
صونا التيلي تاع انيرا. ...بدات كتقلب عليه دغيا غير شافت سميتو فرحات وهي تجاوب
انيرا: الوو
مهران بحب :انيرا
انيرا مني سمعات صوتو بدات كتبكي : مهرااان بغاو يفارقونا شفتي اش وقع
مهران بجدية: ماعرفتش اش غادي يوقع مستقبلا ولكن الحاجة الوحيدة اللي متأكد منها انه عمري نسمح بهادشي يوقع انكي  تبعدي علية وخا نعرف نخطفك
انيرا ابتاسمات قلبها كيشطح الصامبا : بالصح
مقداد ضور عينيه بتافف هذا جالس كيتعنب ليه على ختو قدامو خاد من عندها التيلي ( غتصيفط ليك ختي انيرا نمرة تيليفوني وجمع راسك )
قطع عليه و لاح ليها التيلي...شاف اماليا في الباب وزاد ممعبرهاش
اماليا : عندو مناعة من الرومنسية الله يحفظ
دخلات عند ختها اللي شافتها فرحانة 
انيرا: عرفتي مقداد واعدني غادي يلقا الحل
اماليا مرضاتش و بتكبر : حتى انا عندي الحل 
انيرا : بالصح اشنو في بالك
أماليا : قبل خاص نبالي بنادين وها انا معااك
انيرا بعدم فهم :نادين على مالها ؟؟؟
اماليا   : شي حاجة بيناتنا و في نفس الوقت نفكر فشي حل لمصيبتك
انيرا : في نضرك غادي يتحل المشكل
أماليا باطمئنان : غيتحل غيتحل عمر الدم يولي ماء غيتحل
انيرا تفكرات   : بلاتي ( صيفطات نمرة مقداد لمهران )
مقداد في بيتو حتى جاه اتصال وجاوب: غدا نطلاقاو في كافي تاع الاوطيل دابا نصيفط ليك العنوان( وقطع عليه )
مهران تصدم ماجا يستوعب كلامو حتى قطع عليه
مهران  باستغراب :مال هذا  ؟؟
دخلات لعندو ياسمين وشافتو مدهشر ومشات لعندو
ياسمين :مال حبيبي ( دوزات بايديها على وجهو ) كلشي غيكون لباس دابا تنساها وتكمل حياتك
مهران بصراحة مكيخبي والو على مو : صراحة مانكذبش عليك مستحيل نتخلى عليها
ياسمين  :كيفاش مابغيتكش تحط بين البنت اللي كتبغي وبين باباك
مهران : متخافيش ضروري يكون شي حل مهران قال لية كاين الحل
ياسمين بحب : كبر تبارك الله مني هو قاليك كاين الحل فتايقة فيه من صغرو ذكي غير تبع اشنو غادي يقوليك
مهران :داكشي غادي ندير
....
في الليل
المى كتبكي تفكرات الماضي وغاع الجروح اللي عاشت ...دخل عندها او ماتحملش دموعها ..وهو يمشي مسح دموعها
اوس :شششش مانقدش نشوف دموعك
المى كتبكي :وقفت في سعادة بنتي ااوس مانقدش والله انا وياك مجربين فراق جوج كيبغيو بعضياتهم
اوس عنقها :كلشي غيكون مزيان
في الصباح
انيرا و اماليا ناعسين حدا بعضياتهم ...حتى دقات عليهم عليهم شامة زربانة ..
شامة : نوووضوووو نووووضوو
فاقو كيحكو عينيهم
اماليا  :شامة مالك على الصباح ( شافت في الساعة ) السبعة هادي وحنا في العطلة
شامة :على كتعرفي مقداد كيفيق معطل
اماليا رجعات نعسات : وحنا مالنا فيه
شامة :ايوى راه غادي يمشي يطلاقا بمهران باش يشوفو الحل
انيرا حلات وذنيها بحالة مكانتش ناعسة ضربات اماليا لحنكها وناضت :فيقي فيقي
بغات تمشي للطواليت شافت الساعة ودارت بلاش ...
انيرا :نوضي نوضي تمشي معاية
أماليا : اويلي ماعندي فين نمشي طلقي خليني نعس الليل كولو ونتي كتخنخني مخليتينيش نعس
انيرا غوتات :نووووووضي
ناضت اماليا : يااااخ تفووو
جراتها نزلو للتحت بان ليها مقداد غادي ...دازو من حدا طبلة تاع الماكلة..وانيرا كتجر في أماليا اللي مشات هزات كرواسون عاد زادو خلفة للباركينغ حلو الكوفر وركبو فيه
أماليا كتوشوش : واش نتي حمقة مركبانا هنا
انيرا كتزاوك فيها : عفاااك سكتي
مقداد ركب وبقا سايق. ومرة مرة كيسمع الحس اللور وهو ممتأكدش كيقول غير كيتخايل ليه ...حتى وصل للاوطيل ونزل في حالو
أماليا :ها هووو نزل يالله نزلي قريب نتخنق
انيرا : راك مكتعرفيش خويا في اي لحضة يحل علينا الكوفر
وهو يتحل الكوفر  كيشوف فيهم مخنزر ...كيشوف حالتهم البيجامة كلها نازلة و المكياج عند انيرا ممسوحش مزيان وشعرهم مشعكك
مقداد :اش هذا الحالة
اماليا مرضاتش تبان هاكاك قدام الكراش
انيرا كتبلحس : عفاااك بغيت نشوف مهران عفااااك اخويا ونلقاو حل مجموعين
مقداد:نزلوو
نزلو وهما كيحاولو يقادو حالتهم ..دخلو  للاوطيل و اللي داز كيشوف فيهم ...
مهران شاف مقداد وشير ليه .و تصدم شكون دوك جوج بنات اللي معاه.. مقداد جلس لاسلام معاه و انيرا و أماليا جلسو حتى هما
مهران تحرج مني ماسلمش عليه و دازو المفيد : شنو الخطة اللي في بالك
انيرا : انا متأكدة خويا غيصلح الوضع
مهران بتعجب: صوتك بحال انيرا
انيرا:راها نيت انا
مهران تخلع :مالك دايرة في راسك هذا الحالة
اماليا كتصحح ليه: دارت فينا هذا الحالة البارح كولو  كتخنخن فارقونا ( كتقرص فيها انيرا ) صحاب راسها في فيلم تركي
مقداد بدون مايطول : خاص اولا يتحل المشكيلة اللي بيناتهم وبهادشي خاص نثبتو براءة الواليدة قدام علي و من بعد نحسسوه بتأنيب الضمير ونصالحوه مع اوس
مهران وانيرا بتسأل :كيفاش نديرو لهادشي ؟؟؟
اماليا باستهزاء :نعيطو على العرابة تاع سندريلا بالعصا السحرية ديالها تحل المشكلة
مقداد  خنزر فيها : خليو الموضوع علية