لعنة هوسي ( جزء الثاني من عشقي لمغربية )مكتملة

الحلقة 13

شيماء : شنو مصلاحتك في هادشي
اماليا :عادي كنكرههم و بغيت ننتاقم منهم
شيماء : مابغيتش (جات بغات ترجع )
اماليا : موثقاش في راسك؟؟؟ شنو زعما اوس غيخلي الشباب و الجمال و غيتبع المى اللي شارفة ؟؟
* بس المى يالله عندها 41 عام واوس 52 عام
شيماء : ولكن راها زوينة محافضة على راسها تعطيها عشرين عام
اماليا: هاديك غير هضرة عندي خطة غادي دمر عائلة العمراني واوس اللي ميلياردير غيولي ديالك بوحدك
شيماء سمعات الفلوس تحلو وذنيها :شنو الخطة
اماليا ببتسامة شر : غادي يخون اوس المى ..
في المساء
مجموعين كياكلو
المى: مقداد مشا لامريكا بلا مايقولها لية ولا كيغبر علية بزاااف بحالة مابقيتش كنعرفو
اوس:ولدك كبر وعندو الخدمة ضروري مايمشي يسافر
انيرا رتاحت تقد دير مابغات هي و و غسان ...
في امريكا *** كان عندهم الصباح
مقداد كيطل من النافذة اللي شادة الحيط كولو .. كان في مركز  الانتربول الدولي
مقداد بحقد : عمرني نسيتو ولا نسااااه
سوزي : الشيخ عمر متقدم بزاااف قدر يستوطن بسرعة على نصف من  العراق و يتقدم الجيش الارهابي  تاعو
مقداد : اغلب الخطط اللي منفد هما خططي وبيما انني عارفة حركتو المقبلة بسرعة نقد نقضي عليه
سوزي : الانتربول كولو ضد اش كيوقع في العراق ضروري مانوقفو الضلم اللي كيوقع تماك الحرب عمرها وصلات لشي حاجة وهادشي وصلو ليه الدوال الكبار الحرب مامنها فائدة وللاسف العرب باقين واحلين مع الفقر و التهميش
مقداد كيشوف بعيد : غنحاول ننهي كلشي ونقدي بكل سهولة على عمر وخا نعرف نعطي حياتي على قبل هادشي ..
في المغرب...
اماليا مع شامة ..
اماليا : فراسك مقداد مشا لامريكا
شامة غمزاتها : شفتك وليتي داياها فيه ياكما خطتك ولات حقيقة؟؟؟
اماليا:اشمن خطة الله يهديك هدفي فقط الانتقام حيتاش خلاوني وعايشين الحياة ( تنهدات )كون ماعمرني عشت العذاب
دخلات المى شافت في اماليا
المى طلعاتها و هبطاتها و بامر : اماليا جيبي معاك المشروبات عندي الضياف في الصالون
مشات المى و اماليا حذرات راسها
اماليا : شفتيها كيفاش كتعاملني
شامة :واانتي مابغيتيش تقوليها ليها اش بغيتيها دير ليك كون انا كون مشيت لعندها خاصة عارفاهم كيقلبو عليك
اماليا: ارااااي و كااان ذاك العصير
مشات اماليا دات ليهم العصير...لقات نجمة و المى و سيدة اعمال اخرى
نجمة :فرحت ليك بزاااف مني لقيتي بنتك
المى :الحمد لله اللي شفتها قبل مانموت
السيدة اللي سميتها ثورية
ثورية :ماكرهتش كون كنا نساب
المى كضحك : خليني بعدا غير نشبع منها ( شافت اماليا كتسترق السمع )
المى بحدة: اماليا تقدي تمشي ..
مشات اماليا معصبة دخلات للذيك الكوزينة حطات الصينية معزفة
اماليا بغيرة :قالت ليك نشبع منها  
خرجات اماليا كتسقي الورد وهي تسمع صوت وراها
اوس :اعتاني بذاك الورد مزيان
اماليا ببتسامة :من ديما كيعجبني
اوس : ههههه ماشي بحال مرتي نهار جبت ليها الورد قالت لية لاش جايبو  نطيب بيه
اماليا: الورد كيعني الحب و الحنان اسمى حاجة تعبر بيها على حبك للاخر
اوس : اش كيعني ليك الورد الاحمر
اماليا:في نضري (شافت فيه بتأمل ) كيعني لية الجرح و الدم
اوس : فايتة تجرحتي ؟؟؟
اماليا تفكرات حقيقة انه باباها : مرة وحدة
اوس : عجبني النقاش معاك ( شاف في الورد ) سقيهم مزيان 
مشا و اماليا نزلو دموعها
اماليا شادة في قلبها : علااااش تخليييتو علية علااااااش ابابا علااااااش
اوس حس بقلبو كيضرب بحالة كان كيهضر مع جزء المفقود منو طرد دوك الافكار و دخل للقصر
في الجامعة ..
بداو الاختبارات ... كلشي في المدرسة كيدوزهم من الابتدائي للي في الجامعة
اماليا وخا المشاكيل قرايتها ركزات فيها في بلاصة ماتخلي المشاكيل يشتتو تركيزها في  القراية اعتابراتهم فراغ فاش تخوي الطاقة السلبية ( كونو بحالها )..خدمات مزيان قدات تجاوب على كلشي وكلشي جاها ساهل خاصة في الطب كل  سيمانة كيكون امتحان عاد امتحان شامل في نهاية سوميستر كيكونو موجدين مزيان ....
سالات وخرجات كتسنا في انيرا اللي شافتها و كانت مع صحاباتها دارت ليها السلام و ممشاتش عندها..و اماليا بقا فيها الحال ... زيرات على راسها بالمونطو باش تسخن حيتاش الشتاء دخلات و سالة الصيف و الخريف ..اللي عاشت فيه بزاف تاع الأحداث
في القصر
المى :توحشتك بزاااف اولدي
مقداد خدام في شركتو : حتى انا غنسالي شي يامات ونزل للمغرب
المى:ماتعطلش قلب الام كيفرح غير مني تشوف ولادها مجموعين
مقداد :شنو تبغي نجيب ليك أمريكا
المى:عارفني كنموت على الشكلاط
مقداد ضحك ضحكة خفيفة :ايه الالة ماخفتيش تموتي من الحلاوة
المى:ناري كيعجبني تعنابك نخاف غير لايسمعنا قباض الرواح
اوس : هاااهو
المى تخلعات وقطعات على مقداد و شدات في قلبها :خلعتيني
اوس :اش جالسة كديري مع ولدك
المى:هااانتا قلتيها ولدي حبيبي
اوس بغيرة : رجع لقاعدتو يتعنب عليك؟؟؟
المى: الله يهديك حتا نتا شحال كتزيد فيه
غادين متوجهين لبيتهم وهما مناغرين ..
اماليا دقات الباب باش تحل ليها انيرا ..حلات ليها ولقاتها مبرزطة مع الحوايج
انيرا : اماليا شنو نلبس خارجة مع البنات
اماليا: مالك بعدا شفتيني و طنشتيني
انيرا:والله يهديك اغلب الوقت كندوزو معاك في الدار و صحاباتي يالله كنشوفهم مرة في شحال
اماليا: لبسي ديك الغوزية
هزات انيرا كسوة في الغوز
انيرا : زوينة
اماليا: بزاااف هادشي على البنات
انيرا: حفلة فيها صحاب الجامعة ( تفكرات ) اه يالله معاية
اماليا بنفي : بلاااش نخليك دابا ( بحذر )ماتعطليش
انيرا بدون ماتنتابه اش قالت: وخا ختي الكبيرة
اماليا بتاسمات و عينيها مدمعين خرجات سادة الباب ..تمشات خارجة للجردة ... شافت في القمر...
اماليا بحيرة  : واااش غندم لا نتاقمت ؟؟؟؟
جبدات تيليفونها صيفطات ميساج لشيماء عطاتها فيه معالم الخطة ... و رجعات التيليفون
اماليا : من الاحسن نمشي من هنا مني نسالي انتقامي من الاحسن لكم كاملين أ اماليا ...
اوس ناعس حداه المى
اوس : شي مرات كنحس ان بنتي كتعذب
المى باستغراب :علاااش كتقول هذا الهضرة و هي معانا
اوس باس راسها :ماديريش في بالك
.....
في الصباح
بعدما فطرو...اوس توجه للمكتب تاعو ...بقا خدام حتى كتحل شيماء الباب و على غير العادة لابسة جريئ
شيماء باغراء : تفضل موسيو اوس قهوتك ..
اوس ملاحضش لباسها حيتاش ممسوقش ليها ... شيماء حطات كاس القهوة و هي تجلس فوق رجلين اوس و يالله بغات تبوسو في فمو قد اوس يبعدها و يلوحها لبعيد ..
اوس بغا ينفاجر  حمار بالاعصاب :كيفاااااش تقدي دووووي كيفاااااااااااش قدييييتي ( شدها و صرفقها حتى طاحت خارج الدم من نيفها ) هذاك المكان خاص غير بمرتي بوحدهااااا كيفاااااااش قدرتيييي دووووويييييي غنقتلك ( ركلها لكرشها حتى تقيات الدم و طاحت سخفانة ..عيط اوس للسيكريتي ) جيو هزو علية هاذي
جاو هزوها وهو معصب طالع ليه الدم ...اماليا في الخلف صورات كلشي مني باستو حتى ضرب اوس السكريتيرة ومشات في حالها كضحك بشر)
_____________
غدا ولا بعدو غتسالي ..هادشي كيعني غنبدا الجزء الثاني حتال 1 في  شهر 2 ..غناخد مدة 10 يام  استراحة و غنكمل ايضا قصص خرين عندي في الكونط ....
توقعاتكم اش غدير اماليا بدوك التصاور ؟؟؟؟
كيفاش غيسالي الجزء الاول في نضركم من القصة ...