لعنة هوسي ( جزء الثاني من عشقي لمغربية )مكتملة

الحلقة 36

في قصر اوس
جالسين كياكلو المى و اوس و شامة و غسان
المى تنهدات تنهيدة كبيرة : خوات علية الدار
اوس : في الاخير غادي نبقاو غير انا وياك
المى : و مقداد و اماليا علاااش دارو هاكاك
اوس : كيبغيو بعضياتهم تزوجو عاادي
المى باستهزاء : عااادي بلا خباااري ااوس عادي جدااا
غسان  شدها من ايديها : هااا انا معااك اماما
المى ببتسامة : يخليييك ليلي
________
في قصر علي
خارج مهران من الخدمة طلقات ليه صوفيا
صوفيا : ولدي شنووو تبغي نوجد ليك الغداء
مهران : حتى حاجة غااار رتاحي
صوفيا ببتسامة : صااافي سامحتي لية ياااااك
مهران: اااه سامحت ليك ( عنقووو بعضياتهم كيضحكووو )
صوفيا : مغااديش تمشي اليوم للخدمة غادي تعاود لية كلشي على حياتك اش دوزتي و شنوو عشتي بلابية
مهران ببتسامة : وخااا
عيط مهران للسكريتيرة باااش تأجل المواعيد اللي عندو ....قعدو في الصالون جلس كيعاود ليها كلشي على حياتو وهي كتستامع ليه و دايرة راسها مهتمة ...حتى سالة و هي تشد ايديه
صوفيا : سمح لية اولدي بزااااف غلطت في حققك ( كثمثل الخوف )ولكن انا خايفة
مهران: منااااش ؟؟؟
صوفيا :يفرقوني عليك احبيبي خاصة ياسمين كتغير منييي بزاااف
مهران : هي في بلاصتها ونتي في بلاصتك ( باس ايديها )في الاخير نتي اللي جبتيني للدنيا
صوفيا : كنبغيك اولدي كنبغيك ( عنقو بعضياتهم و هي كضحك بشر )
________
في الليل
أماليا لابسة حوايج مستورين و دايرة الزيف
أماليا بالسورية  : ديني دابا يالله
الجنرال: امرك ...
وصلو المدينة اللي حتلها عمر ...في مخبئ سري دوزو البنات اللي كانو غيوليو جواري ويتعداو عليهم ...و أماليا كتشوف شحال زوينات العراقيات لدرجة غارت حيتاش حتى وحدة مغادي تبغي تفلت مقداد
اماليا : خليني نمشي
الجنرال:لاااا غادي يشكووو ( بأمر لداك الولد اللي من الجواسيس لصالحهم اتجاه عمر ) دخلها و قوليها هادي الوحيدة اللي بقااات
اومأ هذاك الولد بالإيجاب. وشدها كيدفع فيها زعمااا ....في الداخل...خبرو رجال ان البنات هربووو ..عمر تعصب و تفقس حيتاش شحاال ما تمتع بشي وحدة.و مقداد عاجبو الحال ..حتى تم داخل هذاك الولد جااار اماليا....
الولد بالعراقية: هادي اللي بقات في البنات
عمر تصدم و مقداد شاف في عينيها مخفاوش عليه حيتاش كانت اماليا مغطية وجهها ...
عمر :وريها لينا
اماليا حلات زيف من وجهها وهما يتصدمو من جمالها ...مقداد زير على ايديه و عينيه ولاو حمرين ...اما هي شافتو لاوي عليه الفاصمة تخلعات ...
احد رجال عمر عجباتو اماليا مشااا لعندها كيضحك...دوز بايديه بشوية عليها بحب
الرجل : مشأ الله مشأ الله اش هذا الجمال اش هذا الجمال ( شد وجهو بايديها و هي تقززات من المنضر )
أماليا:طلق منيييي طلق
ماحسوش بواحد العافية اللي لور اللي غوت حتى تهزات المدينة
مقداد  غوت: طلق منهااا طلااااااق سمعتيني طلااااااق
بعد الرجل و عمر شاف فيه باستغراب ...
عمر : اشنووو مالك
مقداد: واعدتيني انه البنت الي بغيتها تكون ديالي ( خنزرات فيه أماليا لقاتو طالب عليها ) بغيييت هاذي
عمر عجباتو ولكن واعدو قدام الرجال: صافي خودها هي ديالك نتااا ملكك
طلق منها داك الولد و بعد منها داك الرجل اللي كيتوعد ليه مقداد بشي حاجة فوق الشر ...حتى تمااات داخلة بنت خرى اللي عرفتوها قمر
الرجل شادها : حتى هادي لقيتها مهرباتش
عمر :كنضن غير الجميلات اللي بقااااو
قمر : ااااه بقيت ( بجرأة ) بقيت على قبل هذا الغزال(مشيرة لمقداد )
أماليا خرجات عينيها كتعنب عليه باين عااين تعصبات و قرنات حواجبها ....
عمر : اشنوو هذا الحظ جوح تاع الجواري لمقداد ( رتب على كتافو ) ولكن تستاهل
قمر: قابلة نكون جاريتك ( خنزرات في أماليا اللي متأكدة انها غادي تغلبها )
مقداد خنزر في قمر اللي هي من النوع العنيد لا بغات شي واحد كيولي ديالها
عمر : مزيان دابا ختار شي جارية تبقا معاها
مقداد بدون مقدمات جر اماليا و قمر كتشوف بغيرة...
مقداد جر اماليا حتال خيمتوو و سد عليها الخيمة ...كيمشي و يجي معصب
مقداد: قاااااسك قااااسك يااااك قاااااسك في وجهك اللي ديالي
اماليا : مقداد كيفاش قاسني راه جيت
مقداد كيحرك راسو بنفي ولا بحال شي حمق : سكتيييي سكتيييي انا اش قلت ليك
اماليا بعصبية : لقيتي الجواري باغي تخوني يااااك
مقداد: سكتييييييي سكتييييييي (مشا عندها و شدها من كتافها ) ديااااالي نتيييي فهمتي نتييي اللي بسبابك قاسوووو شرافي ( شد وجهها ) قااااسك هنااااا مغاديش تبقااااا فيييه سمعتيني ( بعينين شيطانين ) غنقتلك ااماليا غنقتلك اللي خليتي زا**** يقيسك و نقتلوووو حتى هو ( ضحك بشر )نقتلووو اهون ليه غادي نعذبووو
اماليا سرطات ريقها :مقداد خاصك تفكر شوية فهادشي اللي كدير
مقداد:علاااااش جيتييييي علاااااااااااش
اماليا كتموت بالغيرة : حيتاااااااش كنبغييييك ازمر كنبغيييك ماتخيلتش تقيسك شي مراة من غييرييي
مقداد برد شوية و الجو غلبو السكات : وعمرها تكون في حياتي كلها عمرني قست شي مراة من غيرك و عمرني نقيس من نغيرك
خاد شفايفها كيبوس فيهم و يتبنن  متقدمين للفراش الارضي مكملين ليلتهم الهوسية و الرومنسية
_____
حل الصباح
و قمر في احد الخيم مفقسة حيتاش ماختارهاش
قمر: كيفاااااش ختاار ديك الخيبوعة انااا حسن منهاااا تفوووو قاااستووو ديك الكلبة
خرجات باش تعاون العيالات في الطياب باش تسمى راسها وفية للجماعة  و يثيق فيها مقداد
حلات اماليا عينيها شافت في مقداد كيشوف فيها و هو يبوس ايديها
اماليا : مااانعستيش بان لية تحت عينيك كحل
مقداد: واااالو غير الحلم ديالي تحقق ( باسها ) ونتييي بين ايدي
أماليا تزنكااات بغات تخشا في حوايجها اللي اصلا مالابساهمش ...هو عنقها كيشم في ريحتها اللي كتسطيه تفكر داك خونا و كشر ملامحو ماينساهاش ليه ...
ناض مقداد كيلبس في حوايجو
اماليا : فين غادي
مقداد :عندي شي شغل خاااص نقديه
خرج مقداد ناوي على خزيت
مقداد عيط لواحد من رجال عمر
مقداد : عيط لية على خالد راه باغيه السيد عمر في المخزن
الرجل اومأ بالإيجاب و هو يمشي ينفذ الاوامر و  مقداد وجهو ولااا حمر ..
بعد دقائق ...دخل خالد للمخزن كيقلب بعنييه على عمر
خالد : سيدي سيدي
حتى كيحس بشي حبل تلوا على عنقووو ...كيحااول يتفك ماقدش وهو يتخنق بعد ثواني طاح مغمى عليه ...قلب مقداد نبض ديالو مالقاهش وهو يضحك بهوس بحال الحمق: باااااش تعلم تقيس حاجتي
خرج مقداد وهي تخرج ليه قمر اللي مشات عندو كضحك
قمر : اهلااااا بسيدي و سيدي الرجالة
مقداد مخنزر فيها ماعاجبوش هذا الزعامة اللي زاعمة عليه
قمر قربات منو كدوز بايديها على كرشو اللي مطراسية و هي تهز عينيها في عينيه
قمر : كنتسنا غير ايمتا تجي ليلتي معاك ( كتلمع في عينيها ) غنبقا نتسناك حيتاش عارفة باللي حلاوتي بوحدها
مقداد دفعها و خنزر فيها : ماا عمر ايديك الموسخين يقيسوني سمعتيني
قمر : علااااااش طحتي في غرام الجارية اللي قبل مني (على اماليا ) غير تهنااا دابا تملها حيتاش حلاوتي بوحدها
مقداد قال بالمغربية: مامليتش منها 32 عام بقا غير نمل منها دابا
مشا مخليها كتبرقق بعينيها مافهماتش اخير حاجة قال ولكن ابتاسمات بشر محلفة انه يكون ليها
ناضت أماليا كيضرها تحتها خاصة هي ليلتها الاولى حتى دخل مقداد
مقداد : حلوتي ناضت غنقوليهم يجيبو ليك الغداء
اماليا : فين كنتي (بتساؤول دوزات بايديها على الجرحة ) مالك في ايديك
مقداد : ماااتفكريش متنسايش انه للحيوط اذان مابغيت نقول والو دابا
اماليا : فهمتك  غنمشي عيطات لية واحد المرأة كتكون هنا و من طريقة هضرتها كتبان هضرتها مسموعة
مقداد باش جبهتها : سيري و حضي راسك
خرجات اماليا بعدما لبسات بحال عباية طويلة و دايرة الزيف ....مشات للكوزينة لقات العيالات كيطيبو الغداء
اماليا للمرأة : نعم فاش بغيتيني
"""منحتاجش نفكركم ان جميع الحوارات بالعراقية """"
المرأة اللي سميتها لطيفة: يالله نوضي طيبي معانا هنا نساء مزوجات برجال عندهم مراتب عليا كثر من راجلك و كيطيبو معانا باقي غير نتي اللي جارية
اماليا: وخااا فهمت
خنزرات فيها هاديك المرأة وهي دخل قمر كضحك مني شافتها قالت باللي حيط قصير دغيا دوزو معارفاش ان اماليا امراة  حرة و مزوجة بمقداد ماشي بحالها هي
قمر : اوووووه ضرتي هنااا
اماليا خنزرات فيها بغات تطير عليها : كيفااش ضرتك ( ببتسامة ) كاينة غير انا ومكاينش فوق مني و لا حتى تحت مني
قمر : هذاااك حبيبي و راجلي حتااا اناااا ودابا تشوفي دغيا يملك و ينكرك ويجي عند لالاك
أماليا كتعايرها في خاطرها بالمغربية حيتاش هي اللي كتبرد الهوايش ماستحملاتش و هي تلاح عليها نتف ياما تنتف ..ناضت الروينة وهما كينتفو في بعضياتهم و اماليا غالباها معلوم هي بنت حي شعبي ..جات ديك المرأة كتغوت
المرأة: فرقوووهم
فرقوهم و هما كينهجووو
لطيفة  : بجوجكم جواري هناااا و بجوجكم عندكم نفس المرتبة حيتاش راجلكم ماعندو حتى شي مرتبة فقط ضحى براسو في بلاصة السيد  عمر هادشي مكيعنيش راه شي حاجة سمعتوني نتوماااا والو و كعقاب ليكم ( للعيالات ) ديوهم للحبس
اماليا بصدمة  : كيفاااش حبس منيتك واش نتي حمقة طلقوووو مني طلقوووووو
لطيفة مشات عندها و طرشاتها حتى ضار وجه اماليا بصدمة و قمر رددات بشر : انا تحت اوامرك سيدتي لطيفة
لطيفة عجباتها هضرتها: خليو هادي ( على قمر) و ديو علية هادي
جروها العيالات حتى داوها للسجن ولاحوها تماااك ...بقاات اماليا كتبكي مموالفاش هادشي كتحمد الله و تشكر على بلادها المغرب( الله يحفظ لينا بلادنا البنات )
جلسات كتبكي توحشات عائلتها وجو الامان مموالفاش تسمع القرطاس و تشوف الدم مموالفاش هادشي ...
اماليا كتبكي  :مقداد ضلموني امقداد والله