لعنة هوسي ( جزء الثاني من عشقي لمغربية )مكتملة

الحلقة 24

كملو عشاهم كيضحكو و قلب انيرا كيفرفر بالفرحة ...وصلها مهران لدارهم و هي دخل فرحانة واول حاجة مشات عند اماليا ..
اماليا كدير كريمات مرطبة حتى دخلات عليها انيرا بحال العجاجة
انيرا بفرح كتغوت: اماليا اماليا اماليا
اماليا شافت فيها:انااااري امالك
انيرا: متخيليش اشنو وقع
أماليا تأففات :اش واقع عرض عليك باش تصاحبي معاه
انيرا بنفي : لاااااااا
اماليا : وشنوو ؟؟
انيرا تمشات حتى تلاحت فوق الناموسية و بفرحة قالت : عرض علية للزواااج
اماليا تصدمات و مشات لعندها: اويلي بالصح ونتي فرحانة ( بدات كتقرص فيها وانيرا كتحاول تفادا القريص تاعها )
انيرا: راااه بالصح كندوي معاك و قريب غيجي يخطبني من دارنا
أماليا : ولكن نتي باقي صغيرة
انيرا :ومن بعد هو راه شد الماستر تاعو وقريب يخدم في شركة باباه و انا بعقلي الحمد لله والاهم كنبغيو بعضياتنا يعني شنو غادي يمنع علاقتنا
اماليا تزير عليها قلبها حسات باللي شي حاجة خايبة غادي توقع الا انها طنشات مابغاش تخرج على سعادة ختها
اماليا بعد تفكير: وايمتا غيجيو
انيرا : بعد غدا بينما نتعرفو على بعضياتنا يعني غنطولو فترة الخطوبة وبينما نيت نشد الباك تاعي عاد نديرو العرس
اماليا عنقاتها : فرحانة ليك بزاااف
...عند مهران دخل لدارهم وهو يلقا ياسمين و علي في الصالون معاهم سجى خدامة في لاطابليت تاعها
مهران باس ياسمين في راسها: ماما حبيبتي
ياسمين كدوز على شعرو : مال الزين تاعي
مهران بغا يهضر ماعرف مايقول و هي تفهمو ياسمين
ياسمين : غير قول وخا ماولدتكش الا انه ربيتك و معزتك عندي كثر من ولادي و كنفهمك غير من الشوفة
مهران : بغيت نكمل ديني الواليدة
ياسمين : اهه اشنو فيها راها الصلاية
مهران حك شعرو بحرج : بغيت نخطب واحد البنت
ياسمين : هاااي هااااي هااااي شوفو شكوووون كبر و ياغي يتزوج و يولد وليداتو ايوى شكون هذا الانسة
مهران : انيرا سميتها انيرا والصدفة ماماها مغريبة و باباها جزائري
ياسمين : بحالي انا وعلي دونك غادي نتفاهمو معاهم
مهران : هداكشي المهم فاتحي بابا بالموضوع صافي
ياسمين : صافي احبيبي
مشا مهران و ياسمين ضارت شافت في علي
ياسمين: علي بغيت نقوليك شي حاجة
علي حذر نضاضرو كيشوف فيها : اشنوو راه شفتك كتوشوشي نتي وولدك
ياسمين: خير خير ولدك بغا يكمل دينو
علي باستهزاء : حتى يكون كامل نصف الاخر غيكون غير كيتفلا
ياسمين ناضت كتمشى بانوثة : بعد غدا غادي نمشيو نخطبو البنت
مشات ياسمين و علي بعد تفكير تهز من بلاصتو
علي :المسخوووط زربان كثااار مني
انيرا كانت في بيتها حتى صونا ليها تيليفون وشافت نمرة مهران وجاوبات 
انيرا بانوثة: نعااام
مهران : اهلا مراتي كيف دايرة لبااااس
انيرا :لباااااس ونتااا اراجلي العزيز
مهران : هاني جاي للدار بغيت باش توجدي لية العشاء
انيرا:غير امر احبيبة ولكن كاين مشكيل
مهران؛ مشاكيلك دواء بالنسبة لية
انيرا: مكنعرفش نطيب
مهران : ماشي مشكيل ناكل معاك غير البيض وماطيشة
انيرا: امممم غادي نتعلم ليها ماشي مشكيل
مهران : بعد غدا غادي نجي نخطبك
انيرا: وانااا مستاعدة اكييد
مهران برومنسية : بغيت غير ايمتا تولي حلالي
انيرا:غنكون انشأ الله غنكون المهم قطع باش نمشي نقولها لماما
مهران : كنبغيك بزاااف
انيرا : حتى انا
قطعات انيرا ومشات نيشان للبيت واليديها
دخلات انيرا لقات المى كدير لكريمات تاعها
انيرا: مااماا بغيت نقوليك شي حاجة
المى بتعجب شافتها فرحانة ؛ اهه قولي
انيرا  بدون خجل: ماما بعد غدا غيجيو فية الخطاب
المى صحابها كضحك : زينة عندك هذا النكتة هادي سيري عيطي لية على حليمة دير لية المساج لراسي
انيرا : وماااامااا راه مكنضحكش بالصح كندوي معاااك مهران الدري اللي كنخرج معاه غادي يجي يخطبني
المى شافت ملامح بنتها مافيهاش الكذوب : واش اانيرا كدوي بالصح ؟ولكن نتي باقي صغيرة حتى الباك ماعندكش
انيرا غيخليني نكمل قرايتي هو مغاديش يحبسني
المى: واش بالصح ؟؟؟ ( بفرح ) انا مانزيدك غار الخير غنشوف غير مع باباك لا يتعكس ليك وبعدا هضري لية عليه
انيرا  :كيقرا في نفس الجامعة تخصص اقتصاد يالله خاد ماستر في ادارة الاعمال و قريب غيخدم في شركة باباه
المى: لا كنتو كتبغيو يعضياتكم انا غادي نقولها لباباك وهو اللي بيديه القرار
انيرا باستها : شكرااا اماما
مشات انيرا والمى مصدومة من هضرت بنتها ..ضحكات في خاطرها يالله كانت كتلعب قدامها حتى ولات باغة تزوج
دخل اوس ولقا المى كضحك بوحدها
اوس ردف : الله يستر
المى كضحك : عقلتي مني جيتي باش تخطبني و لقيتيني دايرة ماسك في الزرق و ممسوقاش
اوس : اممم هادشي اللي ضحكك
المى : لاا اللي ضحكني هي بنتك باغة تزوج و قريب يجيوها الخطاب
اوس كيعرف المى مني كتهضر بجدية : واش منيتك؟؟؟
المى:على مالها في سنها تزوجت بيك ولا نفكرك لا كانو كيبغيو بعضياتهم المهم قصد الحلال
اوس : ولكن انيرا باقة صغيرة
المى:عادي بلاصة البنت في دار راجلها و هادي حقيقة ضروري غادي تجي واحد الوقت
اوس ؛ خليهم يجيو من بعد نتناقشو في هذا الموضوع
انيرا كتمشي وتجي فرحانة كتقول عرسها كيفاش غيكون و اماليا قلبها كيضرب حاسة بشي حاجة خايبة غادي توقع
انيرا : ضروري ماندير الشعبي اححح ونعرض على نجاة عتابو ( شافت ختها ساهية ) امااالك
اماليا:غنمشي نشرب التحت
نزلات أماليا التحت...دخلات للكوزينة كتخوي  الماء  في لكأس شوية سهات ..فايتة طلاقات بمهران عارفة باللي مشاعرو اتجاه انيرا صافية وكيبغيها هادشي باين من عينيه ولكن اشنو سبب احساسها حتى كتجي شي ايد تحبس الماء اللي كيتكب في الارض
شافت اماليا لقات مقداد
اماليا: مقداد
مقداد بتعجب :مالك ساهية
أماليا : والو غير سهيت
جات بغات تمشي و شدها
مقداد  :عاودي لية
أماليا سرطات ريقها :انيرا جايينها الخطاب
مقداد متفاجأش حيتاش عرفها كتخرج مع مهران وكان باغي يقلب على اصلو ولكن مالقاش الوقت : وشنو اللي ممريحكش
اماليا :هادشي اللي مافهمتش هو كيبغيها ولكن احساسي تقبض علية
مقداد : غتكوتي ورثي هادشي من بابا عاودي لية على هذا الولد
أماليا تفكرات شي حاجة:عندو هو وانيرا نفس الكنية العمراني و حتى هو اصلو جزائري
مقداد بعد تفكير؛هادشي بعيد على الصدفة شككتيني فشي حاجة
أماليا : فااش شككتك
مقداد: والو غير سيري تنعسي وديري في بالك ماحدي كاين حتى حاجة مايمكن تأديكم
اماليا ابتاسمات ليه ماتنكرش احسااسها بالامان معاه طلعات لبيتها وغفات
__________
في نضركم شنو الحاجة اللي شاك فيها مقداد وشنو سر شعور اماليا الخايب