لعنة هوسي ( جزء الثاني من عشقي لمغربية )مكتملة

الحلقة 12

جالسين كياكلو في العشاء و اماليا و شامة كيسربيو ..حتى شافت اماليا في غزلان باش تفتح الموضوع و غزلان فهمات راسها
غزلان : احم بابا
اوس شاف فيها ديك شوفة تاع منيتك
غزلان : من ديما بغيت نكون امراة مستقلة و نكون خدامة في شركة ( بترجي ) تقد تخليني نخدم في شركتك
اوس : ماشي مشكيل تقدي تبداي من غدا..
المى دوزات ايديها على ايدين غزلان : بنتي ذكية تقد على كلشي انا متأكدة غادي تسيري الشركة مزيان
شامة : احم بحال بنتي اماليا نشأالله غتولي طبيبة
المى باستهزاء : في الاخير غتخدم فشي صبيطار تاع الدولة
شاف فيها اوس بتحذير لهضرتها و هي متسوقاتش ليه الجن لي فيها مكيحملش اماليا ...
انيرا وصلها ميساج من مقداد قاليها تخرج لعندو باش يعرض عليها للنودلز ( ايندومي ) مكتراتش في العشاء و مشات لبيتها و صيفطات ميساج لاماليا تجي عندها بزربة
اماليا حلات الباب بانت ليها انيرا غادة جاية ..
انيرا ؛ عتقي عتقي
اماليا : ياااك لباس شنو واااقع
انيرا: عرض علية مهران للنودز
اماليا : استغفر الله لاااش
انيرا : وااااندومي عقلك موسخ
_نودلز = اندومي / نودز = صدر المراة
اماليا: وشنو المطلوب مني
انيرا : شتتي انتباه مقداد
اماليا غير سمعات سميتو طاح ليها الماء في الركابي : شناااااهوو ( بنفي ) لاااا لااا حجارو يشدوه
انيرا بترجي : اماليا بلييييز
اماليا : طلبي ختك الكبيرة
انيرا :ذكرنا السمن و العسل الجن اللي فية مكيحملهاش اختي ماعرفتش كتجيني في شكل قلبي مامرتاحش ليها
اماليا: صافي غنشوف كيف ندير ..
مشات اماليا واقفة قدام بابا بيت مقداد دقات بشوية .. بعد ثواني حل الباب و تحل معاه فم اماليا
مقداد بصدر عاري : يااك لبااااس ؟؟
اماليا بتوتر: جيت نجمع التصبين
مقداد مخنزر : خليه حتى لغدا ( قاد الوقفة و بشوفات كيحمقو ) ولا بغيتيني لشي حاجة خرى ؟؟؟
اماليا مخنزرة :ماايمشيش بالك اموسيو مقداد بغيت نصبن ليك باش تلقا حوايجك موجودين غدا
مقداد:عندي بيت كولو تاع الحوايج( دريسينج )
اماليا توترات : انااا انااا ..
جرها مقداد و لصقها مع الحيط : نتي شنووو
اماليا خرجات عينيها وقلبها كيضرب : كيفاااش قديتي
مقداد: واااات ( شنووو )
اماليا حذرات راسها بخجل حناكها تزنكو و هو يبعد منها مقداد بعدما حفظ ملامحها
مقداد: سيري دابا
مشات اماليا كتجري..ومقداد نعس في بيتو بعدما عاش لحضات زوينة معاها ..
انيرا كتجري حتى شافت طموبيل فيراري تاع مهران ..
انيرا: هااااي
مهران : ركبيي
ركبات و ساق بيها حتى وصلو لواحد الكافي تقليدية من الخشب .. خرجو و جلسو تماااك
مهران :شنووو تبغي تشربي مع نودلز
انيرا : شي صودا =موناضة
مهران خاد طلبهم ... انيرا خدات نودلز بالخضرة و مهران خدا نودلز حار .. بداو كياكلو يهضرو و يضحكو و يتفكرو يامات الرحلة
انيرا :فراسك اول نهار ليك في المدرسةكنتي غادي دخل فية بموطورك
مهران تفكر : بالصح ؟؟؟
انيرا: شحال كرهتك
مهران حبس الماكلة و شاف فيها:حناا شنو دابا
انيرا:اصدقاء اكيد
مهران كتافة ببتسامة .. خرجو من الكافي .. ركبو في اتجاه دارهم . وقفو و نزلات انيرا
انيرا تغمدات في مونطوها مع تحرك البرد:شكرا بزااااف
مهران قرب ليها و باسها في حنكها حتى قلبها ضرب : هاانية ماشي مشكيل
بتاسمات و دخلات في حالها
* بس حنا في اواخر شهر 12
دخلات انيرا كضحك طالع ليها المورال ..دخلات لبيتها حتى كتبان ليها ماماها واقفة كتسناها
المى بغضب : فين كنتي ؟؟
انيرا بخوف : ماماااا راه كنت
المى:من ايمتا ابنتي كتخبي علية ؟؟؟
انيرا نزلات راسها:غير تلاقيت مع صديق لية و كلنا نودلز
المى: ماما مكانش خاصك تخبي علية كنتي تقوليها لية انا ولا باباك
انيرا :خفت من مقداد عارفاه كيف داير
المى ببتسامة : حنا واليديك ماشي هو قولي لية كيف داير هذا الصديق
انيرا عينيها لمعو : ضريف بزاااف وهو تيتيز تاع المدرسة سميتو مهران
المى تفكرات ولد خو راجلها (علي ) : زوينة سميتو جزائرية لا ؟؟؟
انيرا: اااه اصلو بحالي
المى:مزيان باباك غادي يتفاهم معاه من الاحسن مني تخرجي معاه قوليها لية صافي ...
رجعات المى لبيتها ..لقات اوس كيتسناها ...
اوس : تعطلتي
المى: غير بقيت كنهضر مع بناتي ( عنقاتو ) تفكرت مني كنت كنسلت من الدار لعندك
اوس كيضحك :باقي تعقلي مني خطبتك في قصر كبير
المى : كنبغيك
اوس تفكر : المى ماعجبنيش تصرفك مع اماليا
المى:وخا كلشي شي حاجة كتحسسني انها خطيرة ماعرفتش علاااش
اوس باس راسها : غير كيبان ليك ( قلبها لعندو ) اش بان ليك
المى كضحك:مكتشبعش *
_حشومة ندير سفالة لماما المى و بابا اوس
يوم غد ..
في الجامعة
اماليا و غزلان كيتمشاو حيتاش دخلوها لنفس الجامعة تقرا الاقتصاد
غزلان:دابا شنو بغيتي مني
اماليا:دخلي للشركة وعلميني بأي جديد
  غزلان : شنووو هدفك من هادشي
اماليا خنزرات فيها : دخلي سوق راسك هاا قسمك تلاااحي
مشات اماليا و غزلان خنزرات فيها
غزلان :غنشوف كيفاش نتفك منك باسرع طريقة
_ اللي معرفاش اماليا و غزلان ان اوس و مقداد عارفين ان غزلان ماشي بنتهم واللي معارفينش اوس و مقداد ان اماليا هي الابنة الحقيقية وهادشي عارفينو هي  وشامة و غزلان _
سالات غزلان حصصها وصلها الشيفور للشركة ..تعرفات على الموضفين و تصدمو ان اماليا   رجعات لواليديها اللي هي غزلان ..بقات كضور في الشركة ماشي من اهتماماتها اللي مبزز عليها تجي هي اماليا .. جات بغات تمشي عند اوس ..حلات الباب بشوية بانت ليها السكريتيرة كتحرش بموسيو اوس ...
اوس جالس كيشوف في الحاسوب و السكريتيرة كتحل صدفة باش يبان صدرها و لابسة مزير و مكثرة المكياج ..غزلان فهمات باللي كتحاول تقرب من اوس .. رجعات غزلان للقصر ..و دخلات و لقات اماليا
اماليا:امضراا ؟؟كيف دايرة الشركة ؟؟؟
غزلان باعجاب : وااااااو كبيرة ناطحة سحاب قدا قداش ( تفكرات) عرفتي شفت واحد السكريتيرة كتحاول تقرب من اوس عرفتي ذيك السكريتيرة كيف دايرة بففف ناري على طاي و على وجه و شعر ...
اماليا: ومن بعد (طاحت في بالها فكرة و بنضرات كلها شر ) مزيااااان اغزلان على خبااااار مزيااااان
في المساء
السكريتيرة اللي سميتها شيماء ..تمات داخلة للبيرو باش تجمعو حتى شافت شي واحد جالس فوقو و عاطيها بالضهر ...
شيماء : هييي شكون نتا ؟؟ هادي ماشي وقيت موسيو اوس
ضارت اماليا و ملامحها كلها شر
اماليا : هااااي شيماء كيف دايرة
شيماء تصدمات : غنعيط لسيكيريتي يتفاهمو معاك اش كديري في مكتب اوس
اماليا:بغيت نهضر معاك فشي حاجة
شيماء:مكاينش فاش نهضر معاك (جات بغات تمشي )
اماليا:اش بان ليك يعرف اوس انكي كتبغييه
شيماء بحقد : كيفاااش عرفتي ؟؟؟
اماليا:عندي ليك عرض ؟؟؟
شيماء : ماهو ؟؟؟
اماليا ناضت ووصلات عندها كتمشى بشوية كتستافزها : نفرقو الحب و الهوس الكبير تاع المى و اوس
________
وصلنا ل84 بااارت يعني خاص ندير نهاية للجزء الاول و هادشي قريب باش نبداو باحداث جداد و بشخصياب جداد و بحب جديد  و شفت شي وحدين كيسولو على النهاية واش بغيتوها تسالي دغيا يعني القصة مملة 😢😢😢