لعنة هوسي ( جزء الثاني من عشقي لمغربية )مكتملة

الحلقة السابعة

اماليا خرجات من المبنى و هي طلاقا مع انيرا اللي تصدمات
انيرا : اماليا اشنو كديري هنا
اماليا : جراو على شامة من الخدمة  و ضطرينا نخدمو عندكم
انيرا زادت في حالها معصبة و هي توقفها اماليا
اماليا :عارفاك معصبة مني كنت مضطرة نكذب نتي ماعارفاش وضع اللي فقير تماك
انيرا : انا ماشي بحالهم كنتي تعاودي لية للاسف كنت كنصحابك صديقة نقية ساعة صدقتي بحالهم
مشات انيرا مخلية اماليا متنهدة ...تمشات على رجليها حتى وقفات في سطوب تاع  الحافلة .. ركبات فيه ووصلات للجامعة.. اللي دازت من حداه كيوشوش مداتهاش فيهم يجبدها شي واحد توريه المشرملة اللي داخلها هدفها هو تولي طبيبة تاع القلب و غادي تحققو ...
دخلات لومفي و كلشي كيشوف فيها .. بدات المحاضرة و هي مركزة مع الاستاذ .. سالات المحاضرة.. و خرجات و طلقات ليها نادين مع رباعتها ...
نادين: اوووه شوفو شكون هنااا الفقيرة تاعنا قالت ليك بنت دكتور باباك غيكون مشا وخلاك
اماليا قربات كتشوف فيها بتحدي :انا غنجيبها بدراعي ونتي غتجيبيها بباباك هذا هو الفرق
نادين:هااانتي قلتيها انا عندي بابا ونتي بوحدك فمتحداينيش
اماليا: باباك مادايمش ليك انا وراتني الدنيا الفاس الخايب من الاول اما نتي نهار توريه ليك غادي نتشفى فيك مزيان انادين
مشات اماليا و نادين حسات بالخطر... انيرا كتاكل في الكافي حتى بان ليها مهران مع صحابو كيضحكو ...
انيرا في خاطرها : حاس براسو
دخل غسان رفقة سجى اللي غير شافهم مهران وهو ينوض ليه معصب
مهران:اش كدير مع ختي
غسان بشجاعة : غير بغيت نوريها الكافيتيريا
انيرا شافتهم وناضت حتى هي ..
انيرا : هيييي نتا ( وصلات عندهم ) ماشي كنتي باغي تقتلني ديك المرة وتجي تفرغع على خويا
مهران : ايوى لا بغيتي نتفرق من خوك قوليه يبعد من ختي ( جر سجى لعندو )
انيرا جرات خوها لعندها: بحالة خويا كيحماق عليها
غسان : اه اختي
انيرا نغزاتو و سجى خرجات عينيها
مهران تحذر لعندو بتحدي : اخر مرة نشوفك مع ختي ( لسجى )ونتي سيري تلعبي مع اللي قدك
مشات سجى و مشا مهران بعدما خنزر فيها ...
انيرا : مزيان فيه اول مرة ديرها مزيانة وري هذا المتكبر اش كيسوى بغا يحكم في ختو قاليك عصر الجاهلية
غسان :مالك معاه
انيرا : اودي ( شافت فيه ) ونتا سوقك ( زادت في حالها )
غسان شاف فيها : مال هاذي
هادشي داز على عينين اماليا اللي كتبتاسم و هي كتاكل طاح في بالها مقداد : خاص نطيحو
في الليل
اماليا دخلات للبيوت باش تجيب التصبين ..حتى دخلات لبيت مقداد عرفاتو بيتو غير من لوثيم تاع البيت في الكحل و الرمادي ... هزات حوايجو جات بغات تضور .. لقاتو قدامها وهو عاري الصدر لابس غير سروال
اماليا: هذا نتا !!!
مقداد : يمكن من نهار شفتك جاتني لعنة انكي طلعي لية في اي بلاصة
اماليا توترات من الجاذبية المحيطة بيه : انا انا غار عاوناتني ماماك
مقداد : مرة بابا و مرة ماما كنضن انكي مدينة ليهم
اماليا: اه بالصح
مقداد: كنحس بالعكس انكي بغيتي ليهم الشر وهادشي كيعني حاجة وحدة( قرب ليها حتى قنتها مع الحيط كيشوف فيها ببرودة )موتك
اماليا هزات راسها فيه : علاش غنأديهم
مقداد:احساسي مكيكذبش انسة ( باستهزاء ) اماليا
اماليا:خاص نمشي ( دار ايديه من الجهة اليمنية جات بغات تمشي من الجهة اليسرية دار ايديه و جات وسط ايديه و هزات عينيها متوترة ) نعااام
مقداد كيشوف الشبه اللي بينها و بين اوس :عينيك بحال الصقر
اماليا قلبها كيضرب : كيفاااش
مقداد بعد منها: سيري من هنااا
اماليا حسات بقلبها كيضرب خرجات من تماك كتجري و هي هازة التصبين ..حتى وصلاتو عند شامة
شامة: مالكي مزنكة ونتي بحال الزيت غاما كتحماري
اماليا:والو هاكي التصبين ..
مشات اماليا لبيتها ... بدلات حوايجها للنعاس .. و تكات حاسة بقلبها كيضرب ..
اماليا: مغادي نطيحو حتى نطيح انا نيت ...
في الصباح
خارجة اماليا كتسلت باش مطلاقاش مع اوس حتى كيشوفها من الطموبيل و كيعيط ليها
اماليا غار شافتو تأففات و زادت لعندو ...
اماليا: نعام اسي اوس
اوس :دخلي
دخلات للطموبيل و ساق بيهم الشيفور
اوس : سيرر للمدرسة تاع بنتي
اوس : شنو زعما لا خبيتي راسك مغنعرفش
اماليا : عارفة باللي واعدتك لا خرجتي شامة غادي نبعد من ساحتكم ولكن كنت مضطرة
اوس : ومشيتي عند المى نقطة ضعفي كون مااا ....
اماليا قاطعاتو : كون ما سميتي  على سميت بنتك ماعمرك كنتي تعاوني
اوس : تماما مابغيتش شي خطأ اخر منك ولا غتشوفي شي حاجة ماتعجبكش
اماليا: كنواعدك
وصلها للجامعة و نزلات حتى دخلات لمحاضرتها .. جاها شوية الوجع تاع ليغيغل هاديك وقيتها ونسات مادير الاحتياطات ...طلبات الاذن و خرجات .. شوية الوجع بدا كيتزاد حتى ولا الم و قعدات في الارض كتغوت بالوجع و الدم نازلة ... مقداد جا للمدرسة باش يشوف نتائج تاع خوتو داز من القنت  اللي فيه اماليا حتى بانت ليه كتوجع و مشا لعندها كيجري ...
مقداد : اماليا
اماليا كتبكي شادة في كرشها : عتقني غنموت
مقداد بحكم خدمتو غير شاف الدم صحابو واش تضربات بالرصاص هزها وداها للمستوصف اللي غير شافوها جاو كيجريو .. حطها و خرج كيمسح في حالتو و كيلعن النهار اللي شافها فيه من نهار شافها وهو من مصيبة لمصيبة معاها زاد في حالو ممسوقش ليها في نضرو دار اللي عليه ...اماليا فحصوها الممرضات عطاوها الدواء كيكالمي و دارو ليها """خلي ايامك احلى """" بعدما ولات شوية خرجات مابانش ليها قالت يمكن تسنا حتى عيا و مشا في حالو قررات في العشية تشكرو ....
قضا مقداد الغرض علاش جا لقا نقاطهم زوينين و من بين الاوائل فتاخر بيهم و رجع للشركة بعدما بدل حالتو... في العشية اماليا كتعاود لشامة
اماليا : اححح اشامة شحال حنين
شامة: وسيري عندو و شكريه
اماليا ببتسامة : داكشي اللي غادي ندير...
طلعات اماليا للمكتب تاع اوس يالله جات بغات تدق و سمعاتهم كيدويو وجاها الفضول تعرف علاش كيدويو
اوس : قديت نعرف ان جاسر هو اللي خطف بنتي اماليا خاص غير نعرف فين كاين و غنقد نوصل لبنتي
مقداد: غادي نتدخل حتى انا باش نلقاوه عارف انها كتهمني
اوس كيشوف فيه بتعجب واش طفل عندو 10 سنين باقي حامل لمشاعر حب وهوس اتجاه طفلة باقة ماكملات عام
اوس : خاص نمشي دابا
اماليا سمعات اوس جاي وهي تدق ودخلات بعدما عطاها مقداد الاذن
اوس مشا في حالو ماطولش الشوفة فيها ..و اماليا بغات تهضر و توترات
اماليا : السي مقداد بغيت نشكرك بخصوص وقفتك معاية قبيلة
مقداد:اينا وقفة ؟؟؟
اماليا: غتكون نسيتي بخصوص مني ديتيني المستوصف و تسنيتيني
مقداد ناض من بلاصتو :ماتسنيتكش ( بامر ) جمعي معاك هذا البيرو
مشا و اماليا قالت : حاس براسو
جات بغات تجمعو و هي نشوف واحد التصويرة فكراتها باوجاع قديمة كان فيها جاسر ...
اماليا حطات التصويرة و الدموع كينزلو منها اذن البنت اللي كيقلبو عليها اوس و المى هي اماليا نفسها ...تفكرات لحضات عاشتهم مع جاسر اللي كتعتابرو باباها الحقيقي قاليها ان ماماها تخلات عليها و من دائما كتعتابر اماليا  ماماها ميتة ... خرجات من تماك كتجري حتى شافتها شامة كتبكي
شامة :اوعدي مال البنت يالله كانت صحة وسلام
تبعاتها شامة كتجري و دخلات اماليا لغرفتها للحسن الحظ الغرف تاع الخادمات عازلين للصوت و هي تغوت اماليا بعدما طاحت على ركابيها :عااااااااااااااااااا
شامة عنقاتها :اويلي مالك ابنتي
اماليا كتبكي :  اهئ اهئ تدمرت اشامة تدمرت البنت اللي كيقلبو عليها اوس و المى هي انااااا هي اناااا تخلاو علية في الخيرية و دابا عاد بنت ليهم يقلبو علية
شامة عنقاتها : يااااربي تحفضنا وعلى خباااار يااااربي
_______________
السبب اللي مخليني نقرر انني نعتازل الكتابة هو قلة التفاعل بعدت على الغروبات غير بسبب هادشي نجي نلقا ماكثر في وتباد الله يخليكم راه كاينة شي حاجة سميتها ليكومونطير ✅