انتِ لو تمشين على التراب تنبت الدنيا ورا ظهرك زهور

الفصل الاخير✨.

كان الجميع حول راحِيل دون استثناء
توسعت ابتسامه جياد وهو حامل سميه : ياخِ والله شعور انو صار عندي سميي
بدر : اطالبكم انو ولدكم الثالث بيكون بدر
بتار ضحك : والله راحِيل اللي سمتهم
بدر ناظرها : وش ذا ظلم انا بعد عمه
راحِيل ابتسمت : للامانه ماعرفت وش جنس البيبي وما كنت مقرره اسم اصلا بس لمه عرفت انهم توأم خطر ببالي هالاسمين بس جياد وجهاد
الشادن بحب : اوفف ماتدرين وش كثر حنا مبسوطين لك
ام بتار : يلا عقبالكم كلكم زهور وراحِيل خلصنا منهم والدور عند مليحه
عرين : خالتي حبيبتي توه امس كان زواجي وش له موضوع الحمل هاه
ام راحِيل ضحكت : يـ بنت عيب بلاك ماتدرين اللي تحمل من اول اسبوع زواج
زهور : والله شوفو انا احس غيث يكفيني
الجده ناظرتهم بطرف عين : والله انكم مدلعات ايام قبل اقل وحده كانت تجيب ١١ او ١٢
بدر بذهول : ليه كنتو ارانب
الجميع ضحك على تعليق بدر ونطقت امه : حبيبي وش هالكلام عيب
بدر ضمها لـ صدره : ابشري
ام بتار : حنا جهزنا غرفه للاستقبال على كيفنا عسى اعجبتك يـ بنتي
راحِيل بحب : تجنن والله ما قصرتو
عرين بحماس : بتار خذ جياد وراحِيل خذي جهاد خلينا ناخذ لكم صوره تذكاريه
بتار اخذ جياد وجلس جمب راحِيل وابتسم : يلا
عرين التقطت كذا صوره وصارت تناظرهم : الله يحميكم
قرب منها وهمس باذنها : اشتقت لـ تمايل خصرك الزاهي
..
ابعد الستائر وناظر المكان بستغراب سكن الخوف قلبه لان الحديقه تخلو من طفلته ومحبوبه قلبه صار يدورهم وهو يلهث من الهزع لين ما داهمت مسامعه صوت ضحكتها وهي تلعب صغيرتها اللي بدت تتعلم على الجلوس تقدم لهم ونطق بحب : حلوات قلبي وش يسون
عذوبه بضحكه : تخيل صايره ترمي نفسها عشان اضحك وتضحك معي ياربي خبله
ليث جلس معهم بالارض وقبل عنقها وتحديدا شامتها : اكرام الشامه قبله
ناظرته وابتسمت : تمر علي لحظات احسني معرفك فيها خصوصاً تعارفنا كان سيئ اول لقاء بينا اول حوار حدث اول مشكله كنت اكرهك ولا اطيقك بس الثلاث الشهور اللي انخطفت فيها علمتني انا وش كثر احبك رغم جفاك معي تمسكت فيك ولا رضيت بالبعد تمثيلك علينا بـ انك دخلت غيبوبه جرحني وهدم فيني كثير بس قويت ورغم اني كنت زعلانه منك ضليت حولك وابيك معي لين جاه اليوم اللي غلبت فيه كبريائك وفزت بالمعركه
تنهد ونطق بهيام : انتِ مو بس غلبتيني انت سكنتي بين ضلعيني واستحليتيه بعد انا ليث المغرور والعميد الصارم واللي ما يهزني شي جيتي انتِ وقلبتي كل موازيني
عذوبه ضحكت بحب : شف تقى كيف تناظرنا
ليث قبل خدها بقوى : جميله الجميلات
عذوبه قامت : بقوم اجيب لنا عصير
تنهد بعمق وراحه من حياته اللي استقرت اخيرا
..............
اخخخ اصبرو الدمعه عالقه بعيني والله ماتدرون وش كثر حبيت هالروايه وابطالها صعب علي افارقهم مرهه وادري مو النهايه اللي توقعتوها مني بس حبيت اخلي نهايتي هالمرهه مفتوحه يعني ما قيدتها على شي معين ضليت اكتب روايتي هذي سنه وشهرين ، عزيزي القارئ اسحب نفساً عميق وابحر معي بـ ادوار ابطالي واكيد كل دور علمنا شي نبدا من عنان اللي صبر وتحمل عذاب عمه ومرضه واخر شي الموت اخذ ه ولا نور صح ما كانت بطله من ابطالي  بس اختارت حياه لـ غيرها واللي هي راحِيلنا لو الله ثم نور راحِيل ما عاشت احداثنا ولا بدر والشادن كثير قالو ليه رجعو لبعض ومن ذا الكلام صح بدر راهن عليها بس كان راح يتراجع عن قراره لو ما تدخلت ريحانه واخر ملهمه  انضمت لـ ابطالي تولاي عانت كثير عشان تعالج ابوها وتحملت القيل والقال من معن وحاربت نفسها لدرجه قررت ترمي نفسها بالنار بس ابوها ربي اخذ امانته ، روينا غلبت فينا وبنفسها لمه وافقت تكون جاسوسه لـ ابوها اللي اخذها لـ الموت بس ربي مد بعمرها ، نوف والفيصل اللي حبهم كان غريب واللي بدا من رساله كثير سالوني وش هالرساله للامانه ماحبيت احط كلام معين لـ بدايه حب ، واخيرا اكثر قصه لعبت بعروق قلوبنا الليث و عذوبه اغلبنا كان تفكيره انه مالهم حياه بس جات صغيرتنا تقى وتعتبر هي الشي الوحيد اللي كسر كبرياء ابوها ، صدقوني ودي اتكلم واعبر عن مشاعري لـ جميع ابطالي متاكده ماراح يكفيي بارت بس اتمنى اني اعطيت الكل حقه😭❤.
رفعت الاقلام وجفت الصحف✒.