انتِ لو تمشين على التراب تنبت الدنيا ورا ظهرك زهور

الفصل التاسع

ناظرت ابوها بقهر ونطقت : يبه ليهه مانبييي نترك القريه ماحب الرياض ابدا
ابو راحيل تنهد : الشادن يـ بابا لازم تفهمين ضروري نروح هناك راح نعيش بـ راحه صدقيني
الشادن بزعل : يبه مابيي اترك صحباتي واروح
ابو راحيل ابتسم : ترا كلمت خالتي نوريه وفياض بعد عشان يجون معنا فياض جاه شغل حلو ومناسب بالرياض وبيروح اما خالتي نوريه صعب نتركها هنا لحالها مع عرين المصفوقه
دخلت وهي تبتسم بغباء : افا انا مصفوقه
ابو راحيل ضحك : ومجنونه بعد
عرين : حرام عليك شفيها الشادن زعلانه
راحيل بهدوء : ماتبي نروح الرياض
عرين تكتف : وليه ان شاءالله انا متحمسه بروح افر الرياض كلها ما بخلي بخاطري شي
راحيل ضحكت على تفكيرها : صح عليك عادي الشادن تقعد هنا تناطر العش وانا بنروح نستانس
ناظرتهم بقهر : اوففف خلاااصص وافقتتت
ابوها ابتسم وباس راسها : يلا ابدو جهزو عشان الاسبوع الجاي ننقل
عرين رفعت شالها على راسها : يلا بروح عند جدتي
البنات : في امان الله
طلعت وهي النوم طاغي عليها عقدت حواجبها اول ماسمعت صوته الحاد اللي واضح انه معصب قربت منه وشافته يكلم بالجوال رفعت حاجبها وانتظرته لين يخلص خلص مكالمته ولف واستغرب وقوفها خلفه : شتسوين انا
صغرت عيونها وقربت منه : تدري لو احد شافك غيري بذا الليل كان قالو وراه مصيبه
نياف ضحك : يـ شيخه عارفه مين انا
عرين بعدم اهتمام : نياف
نياف ابتسم : انا محامي معروف جدا بالرياض
عرين شهقت : نياف الجاااببررر تمزح صحح
نياف ضحك : لااا
عرين : لحضهه اصبر الحين اجي
راحت ركض جابت الشادن وجات : شسالفه
عرين : تعرفين مين ذا
الشادن باستغراب : نياف صديق الكريه بدر
عرين : لا حبيبتي ذا نياف الجابر حقك
الشادن بصدمه : تمزحين صحح
نياف : يمهه طلعت مشهور عندك
الشادن بذهول : يوهه حلم حياتي اصير محاميه ودايم اقرا عنك بس ماشفتك يالله وش ذي الصدفهه بسس لحضه لاتقولا المحامي بدر الحارث ذاك الغثيث يععع
رفع حاجبه ونطق : ليه شفيني
لفت عليه وكشرت : مو شغلك وناظرت نياف وابتسمت اذا تخرجت بـ اجي اتدرب على يدك عشان اصير محاميه شاطره مثلك
نياف : يشرفني ولله
الشادن باست عرين : شكرا لانك خليتيني اشوف احلى محامي عنديي يلا نرجععع ننام
عرين ضحكت : يلا
بدر : اوه طلعت مشهور من ورانا
نياف ضحك : صدقني ذي لو صارت محاميه مافيه قضيه الا وكاسبتها من لسانها ماشاءالله .
___

صباح جديد على ابطالنا الحلوين

كانت واقفه امام البحيره وتتحلطم بصوت هامس طلع من بيته الصغير وابتسم اول ما عرفها : شقاعده تسوين هنا وليه واقفه لحالك
ناظرته بطرف عينها ونطقت : طفشانه اخواني نايمين مدري جينا عشان نستانس ولا ننام
ضحك على كلامها وقال : تبين امشيك طيب
زهور بحماس : صدقق
فياض ابتسم : ايه
زهور : بروح اخذ اذن جدتي واجيب جوالي عادي
فياض : خذي راحتك
بعد مرور دقايق طلعت وهي لابسه عبايتها وحاجبها وابتسمت : يلا
فياض : انتِ حتى بالرياض كذا
زهور باستغراب : كيف
فياض بخفوت : انيقه جدا
زهور بخجل : ايه
قاطعتهم الشادن وهي تقول : هيه وين رايح بدوني
فياض ضحك : لاتخافين تونا ما مشينا
الشادن : ايه زين خذني
زهور : نشبه
الشادن رمقتها : تحسبين بخليك تاخذين راحتك لا يـ حلوهه بعدين فياض بيتزوج اذا رحنا الرياض لا تمشين معه ابعدي
زهور وسعت عيونها : صدق
فياض ابتسم بوهقه من كلام الشادن : تمزح ماعليك
زهور ضربتها : سخيفه انا برجع وراحت
الشادن فطست ضحك : ياربيه يمكن تحبك شفيك كيف تقلبت ملامحها
فياض ابتسم : امشي قدامي يـ ام المصايب انتِ
-
استغربت من الاصوات اللي بالحديقه وطلعت : مين فيهه هنا
طلع من ورا الشجره وابتسم بضيق : راحيل
راحيل احتدت ملامحها بقهر : شجابك انت لك عين جاي بعد اللي سويته
فواز بحزن : اناا اسف
راحيل ضحكت بسخريه : بسامحك يعني انت دمرتني دمرت حياتييي سلبتتت فرحتييي منيي شلون راجع وبكل برود تقول اسفف قول شلون هااه
فواز قرب منها : راحيل انتِ اسمعيني بس
راحيل رجعت لـ وراء : مابي اسمعك مابي
فواز قرب منها ومسك يدها ونطق بحده : مو بكيفك راح تسمعينن فاهمهه
رفع حاجبه وهو كان يناظرهم من اول ما طلعت راحيل تقدم له بخطوات هاديه ومسك فواز من ذراعه ولكمه بقوهه توسعت عيونها بصدمه : بتار
لف عليها بهدوء : سوا لك شي
هزت راسها بخوف : لا انت بخير
بتار : راحيل ادخلي داخل
راحيل بخوف : لا مابي
فواز قام بالم : مين انتت يـ واطيي
بتار تنهد بصبر وقرب منه وصار يضربه بعنف بس وقفه صوت صرختها العاليه اللي اخترقت مسامعه لف عليها و وسع عيونه بخوف عليها من شافها طايحه بالارض وحاطه يدها على قلبها ووو
...
فتحت فمها بذهول من البيت الكبير اللي قدامها لفت عليه ونطقت بحماس : ذا بيتك
ابتسم على حماسها ونطق : ايه
دخلت وهو دخل وراها : يفتح النفس بيتك والله
جياد : اهم شي انك مرتاحه فيه
مليحه : جدا حلوو ومريح بعد
جياد : الحمدالله
مليحه بخفوت : انت مو قلت لي انو اهلك توفو * كذب عليها طبعا *
جياد هز راسه : ايه
مليحه بهدوء : الحد معي يمكن لو شافوك اهل امي ما يذبحوني وراح يخلوني اعيش بسلام
ضحك بصدمه ونطق : مجنونه انتِ تبيني اترك ربي وديني واسلامي عشان اهلك مايذبحونك
مليحه نطقت بخوف : بس ذا الحلو الوحيد
جياد دفها ونطق بعصبيه : ابعدي من قداميي بسرعه
مليحه : بس انا قاطعها بصوت حاد " قلت بسرعه ماتفهمين انتتتِ
_
تنهدت بضيق على حبيبها وعلى موت ابوه الغريب طلعت من غرفتها وشافت اخوها قاعد بالممر : شعندك قاعد هنا
ليث ناظرها ببرود : اميره
نوف جلست جمبه : وشبها
ليث بهدوء : تركتني
نوف وسعت عيونها : ليهه
ليث ابتسم بقهر : تقول ماتتحمل طريقه شغلي تخيلي قالت اخاف تموت واقعد ارمله بعدين اذا تزوجتك تخيلي قالت كذا
نوف بقهر : يعع ماعليك منها ابي اطلع معك لـ مكان عادي صح
ليث باستغراب : وين
نوف قامت : بروح البس واجيك طيب
ليث تنهد : عارفه اني ماراح اقول لا صح
نوف ابتسمت : صحح
_
بـ المستشفى بعد ما نقلو راحيل اللي حالتها تعبت والحين هي تحت الملاحظه لـ ٤٨ ساعه كان جالس باخر الممر ويفكر بكلام الشادن له تنهد بضيق وهو يذكر الشادن وش قالت له

" فلاش باك "