انتِ لو تمشين على التراب تنبت الدنيا ورا ظهرك زهور

الفصل السابع عشر

دخل البيت وهو حده تعبان عقد حواجبه من شاف ملامح الحارس مخطوفه : شصاير
الحارس نطق بتوتر : المدام مليحه هربت
جياد وسع عيونه : وشش شقاعد تخربطط انتت
الحارس : والله كنت اصلي وهي هربت من الباب الخلفي وما كان فيه غيري
جياد تنهد بغضب : بسرعه اطلعوو دوروها وان جاه الصبح وهي موجوده فاهميننن
الحرس بصوت واحد : مفهوم
بعد مرور ساعات وقف سيارته قدام بيته وتنهد : وين رحتي يـ مليحه وينن
دخل البيت وجلس على الكنب وفتح الشاشه وانصدم لمه شاف القناه اللي تعرض اشعاره شاغله وهنا اكد انها عرفت هو من يكون.
_
_
بعد مرور اسبوع ثقيل جدا على ابطالي وطبعا رجعو الرياض من قبل اسبوع ""
تنهدت بضيق وهي وصار لها اسبوع ماشافته من رجعو من القريه وهو ببيته ما يجيهم جلست جمبها زهور وابتسمت : تدورين مين
راحيل بفهاوه : هاه
زهور ضحكت : لاتشلين هم هو كذا مايجي عندنا كثير ومايجي الا اذا حس انه اشتاق لـ امي
راحيل بهدوء : زهور انا خايفه
زهور عقدت حواجبها : ليه
راحيل بضيق : اخاف احبه وقلبه لسه متعلق بنور
زهور تنهدت : راحيل حبيبتي انتِ تقدرين تكسبين قلبه بـ اي طريقه
راحيل ابتسمت بهدوء : صح
زهور : الا وين الشادن
راحيل : اوه عاد باقي اسبوع على تخرجها وناشبه لـ بدر عشان تتعلم منه
-
تربعت على سريره وهي تقرا الملف بتمعن وخصلات شعرها طالعه من الحجاب و متناثره على وجهها اما هو ترك كلشي وجلس يتاملها وهي مشغوله عنه رفعت راسها وابتسمت لمه شافته فاهي فيها عقدت حواجبها وهي مبتسمه : شفيك فاهي كذا
بدر فز لمه حطت يدها على كتفه : هلا
الشادن ابتسمت : خلصت الملف
بدر سحب الملف بهدوء : شكرا
الشادن : عادي مابينا نسيت باقي اسبوع على تخرجي وبعدها بصير احلى محاميه
بدر ضحك : معقول انسى
الشادن : ايه شاطر لا تنسى
_
_
كشرت وهي ترمي الكتب اللي بيدها : خلاصصص زقتتت معيييي انااا طفشتت وش ذس الحاله
دخل المكتب وعقد حواجبه من حالها : شفيك يـ بنت
عرين ميلت شفايفها : مليت والله يعني مو قادره افهم شي منه كيف بصير محاميه واحقق حلم جدتي
نياف ابتسم وجلس : تعالي اشرح لك
عرين رفعت الكتب وجلست : تفضل
نياف ضحك : الحين راسلينك معي عشان اساعدك وانتِ مكشره وش ذا
عرين بقهر : لاني ماحب التخصص ذا ليتني دخلت تصميم كان شفتني الاولى على الدفعه
نياف عدل جلسته ونطق : ركزي معي وبس وبدا يشرح لها وهي شوي تتامله وشوي تركز في الكتاب
رفع نظره لـ جواله : اوفف كيف نسيت
عرين عقدت حواجبها : شفيك
نياف : كنت بروح مع بنت عمي ولد عمي عشان نختار لها فستان بس نسيت
عرين ضحكت : وليه انتو تختارون لها
نياف ابتسم : لان حنا الثلاث مافيه غيرنا ليث ونياف ونوف نساعد بعض بكل شي ونوف بتسوي حفله بسيطه لـ عرسها وتبينا نختار لها
عرين ابتسمت : واضح علاقتكم حلوه يديمكم لبعض
نياف : شرايك تجين معي
عرين : لا وش دخلني
نياف باصرار : بعرفك على نوف يلا عاد
عرين تنهدت : تمام
-

مسحت دمعتها بسرعه اول ما دخل اخوها عليهاا ناظرها لـ ثواني بعدها نطق : صح الكلام اللي قاله الفيصل ولا كيس من عنده
نوف ابتسمت غصب : صح
ليث عقد حواجبه : ليه ان شاءالله ماودك تفرحين زي اي بنت
نوف : لا حبيبي ليث مو كذا بس عارف ابوه توه متوفي ومو حابه ازيد عليهم تكاليف وعرس حفله بسيطه وانتهى الموضوع وانت عارف عذوبه ماتبي الحين وقتها انت سوي افخم عرس
ليث بعدم تصديق لها : براحتك انا طالع يـ قلبي تبين شي اجيب لك شي نفسك فيه
نوف : سلامتك يـ عيوني
قرب باس راسها وطلع
رفعت جوالها وتقرا رسالته بضيق من اول ما ملك عليها مادق ولا جاه شافها واليوم ارسل رساله محتوها : انا مابسوي عرس كبير بنسوي حفله بسيطه ببيتنا ونعزم اهلنا واهلك ابوي توه متوفي ماله داعي الحفلات الكبيره"
رجعت نزلت دمعتها بقهر : انت اكثر واحد عارف شكثر كنت متحمسه لـ عرسنا ليه تسوي فيني كذا .
_
_

نزلت جوالها بعد ما قرت كلام نوف انها بتاخذ فستان من عندها لـ حفلتهم الصغيره : الفيصل
رفع نظره من جواله ونطق ببرود : هلا
عذوبه بقهر : ليه تسوي كذا نوفف شذنبها بـ فعايل اخوها الواطي هاه وبعد محدد الحفله بعد يومين
الفيصل بسخريه : ذنبها انه اخوها ولاتنسين الواطي ذا يصير زوجك يـ عذوبه
عذوبه بتجاهل لـ كلامه : بكرا نوف بتجي عندي تختار فستان ياليت تجي تشاركها هالشي على اقل لان بدت تحس انك ماتحبها
الفيصل بمكابره : وهو انا فعلا معدت احبها زي قبل
عذوبه قربت منه وناظرت عيونه وابتسمت : كذاب انت اخوي واعرفك اكثر من نفسي قامت ونطقت بهدوء " راح تجي معي بكرا فاهم
عض شفته بقهر وهو فعلا مشتاق لها ويبي يشوفها من عرف بالحقيقه ماشافها الا مرتين.