مرت شهرين على ابطالي وخصوصاً هالشهرين كانت ثقيله على ليث وخفيفه على غيره .
يومنا المنتظر واللي كلنا حلمنا فيه زواج عيالي😭❤.
نزلت دموعها بفرح وهي تشوف اختها الوحيده لابسه فستانها الابيض : اوفف بشتاق لك والله
راحِيل : امس قلتي بفتك منك
الشادن : لا انا كذابه بشتاق لك
عرين ضحكت عليها : خبله انتِ
الشادن تاففت : والله بشتاق لها
راحِيل ابتسمت وهي تعدل طرحتها : كيف شكلي
عرين : بتار بيذوب
راحِيل بخجل : شدعوه
الشادن : طلعتييي احلى عروس والله
عرين : ايه ماشاءالله تهبلين
دخلت عليهم ام راحِيل وهي شايله المبخره : ماشاءالله تبارك الرحمن وش هالجمال يـ بنتِ
راحِيل : ماخذه من جمالك
امها دمعت عيونها : اخيرا ربي قدرني واشوفك عروس
راحِيل وهي تحاول تجاري دموعها : يمه الحين ببكي ترا
ام راحِيل : حبيبتي الله يوفقك يارب
الشادن : هذول دارما بروح اشوف زهور
عرين ضحكت : بجي معك
_
عند زهورنا اللي التوتر غلبها تنهدت براحه اول ما شافت البنات : اهلا
الشادن : الله يعين قلب فياض
زهور ابتسمت : مو وقته
عرين : شفيك
زهور : خايفه
الشادن عقدت حواجبها : من وش
زهور بتوتر : مدري خايفه خايفه
عرين ضحكت : امشي امشي بس الحين بيدخل فياض عشان التصوير
زهور : خليكم معنا
الشادن ضحكت برنه : تبين فياض يشوتنا لا حبيبتي
...
عدلت اطراف فستانها الابيض وكل شوي تعدل التاج اللي مزين راسها بتوتر : اوفف ياربيه
امها ابتسمت : ليه الخوف
راحِيل : مو خايفه
امها تنهدت وراحت فتحت الباب ودخل منه صاحب البشت الاسود وريحته تسبقه ابتسم اول ما شاف امها : خالتي
ام راحِيل : تفضل يـ وليدي
بتار باس راسها : شخبارك
ام راحِيل ابتسمت : بخير يـ عيوني
شدت على مسكتها بعنف اول ما حست بشفايفه تنطبع على جبينها ، بعد عنها وابتسم : مبروك لنا
نطقت بهمس يلا يسمعه : يبارك فيه
ام راحِيل : يلا اخليكم وطلعت
حاوطها وحط دقنه على كتفه : والله وتحقق مناي وصرتي حليلتي اخيرا
راحِيل باحراج : المصوره تناظرنا
بتار بذوبان : خليها
راحِيل توسعت عيونها اول ما حست بقبلاته على كتفها : يـ مجنون مو هنااا
بتار بعد عنها ونطق : يلا ارتويت شوي نكمل الباقي اذا رحتا الفندق وغمز لها
غمضت عيونها بخجل من المصوره اللي نطقت بضحكه عليهم : يلا نبدا
بتار ابتسم : عطيني الوضعيات وانا جاهز
راحِيل بهمس : لاتمون
بتار توسعت ابتسامته اكثر ونطق بنفس الهمس : ليه
راحِيل حاوطت عنقه : اغار
بتار عض شفايفه : اهجدي لا اخربها الحين
راحِيل : انت اللي اهجد خلاص
المصوره : بوسها احس الصوره بتطلع حلوهه
بتار شد على خصرها وناظر المصوره : ابشري ما طلبتي
راحِيل توسعت عيونها باحراج : لا وش يبوسني
بتار عقد حواجبه : عجبتني الفكره
راحِيل بحده خفيفه : وانا لا
بتار رفع حاجبه : وانا ما طلبت رايك والجمَ مخارج حروفها بقبله هادئه غمضت عيونها بخجل من المصوره اللي مبتسمه على مناقرتهم الخفيفه
بعد مرور دقايق نطقت المصوره برضى : خلصنا
راحِيل تنهدت : الحمدالله
بتار وللان مبتسم : حبيتها الصراحه
راحِيل دعست على رجله بكعبها : اعقل
بتار بالم : بس نطلع من هنا باخذ حقي
راحِيل : اصلا برجع مع اهلي
بتار ناظرها بذهول : وش
...
انصدمت من رساله ابوها ورده البارد عليها غمضت عيونها بقهر فعلا صارت مشتته هي عارفه و واعيه انو لو جسار عرف الحقيقه بيذبحها ما بيخلي فيها نفس والحين هو طالب حقوقه منها صح تحبه بس ما تبي تكسر قلبه ودها تقوله الحقيقه بس اكيد ما بيفهمها وراح يتركها تعقلت فيه صار شي مهم بالنسبه لها بلعت ريقها وحست بمراره داخل جوفها من تخيلت انه يروح لـ وحده غيرها مجرد تفكير هلك قلبها كيف لو صار صدق يمكن يموت هو شي يخصها ومستحيل تسمح لـ احد ياخذه منها ضغطت على جوالها بعنف وهي تهمس : بطلع بروحه بس يفكر يلجى لـ غيري
فزت من قاطع تفكيرها يدينه اللي حاوطتها : بوش تفكر حلوتنا هاه
لفت عليه وحاوطت عنقه بتملك : اشتقت لك
جسار ابتسم : مو شي جديد
روينا دفنت وجهها بصدره : ايه دايم اشتاق لك
جسار تنهد ونطق بتردد : ماودك تدورين اهلك
روينا ابتسمت غصب : لا
جسار رفع حاجبه : الكلب علي كان خاطفك ورماك علينا يعني لو ما اخذتك وش كان صار فينا
روينا تجاهلت انه سب ابوها بس تضايقت من كلمه " رماك " يعني معقول هي حمل ثقيل عليه ويبي يتخلص منها بعدت عنه بسرعه ونطقت بهدوء : متضايق مني عادي طلقني وخليني اشوف لي مكان اروحه بس لاتقعد تسمعني كلام كل شوي لاني ما اتحمل
جسار ناظرها بصدمه من تفكيرها : لا لا انا مو قصدي كذا
روينا بقهر : الا قصدك كذا
جسار تنهد : علي كان خاطفك معقول ماتبين اهلك
روينا ميلت شفايفها : لا مابيهم وكملت بصوت مبحوح ، عشان امك طلبت منك تتزوج على كيفها صح
جسار رفع حاجبه : تتسمعين علينا
روينا هزت راسها بالنفي : كنت طالعه وسمعتها
جسار تافف : بس انا ماراح اتزوج
روينا فرحت من داخلها : صدق
جسار صغر عيونه : تغارين علي
روينا قربت منه وباست شفايفه بخفه : وصلك ردي
فتح عيونه بعدم استيعاب : هاه
...
شدت على بشته بخجل منه وهو يتغزل فيها قدام اخوانهاا ابتسمت ونطقت بهمس : خليهم يطلعون بعدين خذ راحتك
فياض باس يدها ؛ حلالي اص
جياد ابتسم : كانك ماخذ راحتك اغار عليها ترا
فياض بنفس الابتسامه : والله معليش صارت زوجتي
بتار ناظرهم بتافف : وانا بعد ابي زوجتي
بدر ضحك : توك طالع من عندها
فياض : والله لو اختك ما رفضت اننا ننزف معهم كان انت الحين جالس عندها
بتار ناظر زهور بطرف عينه : ليهه
زهور ضحكت : اغار عليكم زوجي واخوي
فياض بهمس : يحلو كلمه زوجي منك
بدر : ترا سمعتك
فياض تافف : اصلا خلينا تصورنا خلوني معها شوي نشبات
جياد ضحك : طالع بكرامتي انا
بتار قرب وباس راسها : مبروك يـ عيون اخوك انتِ
زهور ابتسمت : يبارك فيك
ناظرها بحب وابتسم : ماتوقعت اني بحب بيوم من الايام
زهور وهي تعدل فستانها ابتسمت : والله ما كنت ناوي تحب قبلي يعني
فياض : الا كنت حاب نص بنات القريه
تركت فستانها وصارت تناظره بذهول اما هو ماتحمل وانفجر من الضحك عليهاا : امزح معك والله
زهور كشرت : سخيف
فياض : اسف
زهور حاوطت عنقه : تراك ليي
فياض حط يدينه على خصرها : كلي لك اذا تبين
زهور ميلت شفايفها : الحين بسالك
فياض : همم
زهور : ليه تحب راحِيل اكثر من الشادن
فياض ضحك : تغارين منها
زهور : لا بس اسال
فياض ابتسم : لان راحِيلي كبرت معي الشادن توها صغيره
زهور رفعت حاجبها : راحِيلك
فياض باس انفها ؛ وه فديتهم اللي يغارون
زهور باحراج : ما اغار
رجع بيبوسها دخلت الشادن وغطت عيونها : هيه
فياض بغيض : وقتك تدخلين صح
الشادن ابتسمت : امي قالت قولي له يطلع زودها
فياض تافف بقهر : حسيت بشعور بتار
زهور ضحكت : يلا اطلع
فياض : ماشبعت منك
زهور بخجل من الشادن : خلاص يكفي.
أنت تقرأ
انتِ لو تمشين على التراب تنبت الدنيا ورا ظهرك زهور
General Fictionتـدور احداث روايتي حـول شـاب اخـتـطـف الـقـدر مـنـه خـطـيـبـتـه وفـتـاة يـخـونـها خـطـيـبـها قـبـل زفافها بـ اسـبوع فـهـل يـمـكّـن لـحّـب جـديـد يـولـد بـيـنـهـمـا صـدفـه أن يـداوي جـراهـمـا ام أن الـذكـريـات المـاضي سـتتـغلّب وتـبـقـى قـابعـه فـي ا...
