انتِ لو تمشين على التراب تنبت الدنيا ورا ظهرك زهور

الفصل الـ67

قفل الملف وسحب نفس عميق لـ داخل جوفه واخرجه : اخيرا معد فيه علي او عصابته خلصنا منهم
جسار ابتسم : الحمدالله
معن وهو يناظر ليث : الفضل لـ الله ثم لـ ابو تقى
عقد حواجبه وضحك : ماتعودت احد يناديني ابو تقى
جسار : لازم تتعود بعدين اشتقت لها النتفه شخبارها
ليث ابتسم بشوق لـ تقى وامها : بخير بدت تستوعب اللي حولها صار عمرها اربعه شهور
معن : اخخ حبيبه عمها
ليث ضربه على كتفه : وانا متى اصير عم
معن ناظره بطرف عينه : والله يـ حبيبي متى مافرجها ربي
جسار ضحك عليهم : يلا انا طالع
ليث : بامان الله
_
_
دخل شقته وشاف لمى قاعده ترسم ابتسم لها وتقدم قبل راسها : وش تسوي حبيبه اخوها
لمى بملل : ارسم واضيع وقت
عقد حواجبه ونطق : وين روينا
لمى : مدري نايمه يمكن
جسار باستغراب : بروح اشوفها
فتح باب غرفتهم وابتسم لمه شافها ملتمه حول نفسها فوق السرير : روينا
رفعت راسها وتنهدت بتعب : هلا
جسار بخوف : فيك شي
روينا بهدوء : مدري اليوم احس بكسل مو طبيعي
جسار مسح على شعرها بلطف : اكلتي شي
روينا : مالي نفس شي
جسار : كيف مالك نفس بخاطرك شي اجيبه لك
روينا ابتسمت بخفه : خاطري يبي مساحات صدرك الدافيه
جسار سحبها له وهي بدورها سندت راسها على صدره وتنهدت بحب : هذي هي راحتي
جسار قبل راسها بحب : تدرين للحين اذكر الايام اللي كنتِ تتقربين فيها مني ودي اعيدها
روينا ضحكت : كانت بايخه والله
جسار ضحك بخفوت وشدها له : كنتِي مصيبه على راسي والحين اعتبرك اجمل مصيبه.
..

توترت من حوار امها معها : يمه حبيبتي قلت لك بقول له
ام ليث بغضب : صار لك شهرين شهرين يـ بنت وانتِ ما قلتي له متى ناويه لمه يكبر بطنك تقولين له
نوف تاففت : يمه لا تضغطين علي
ام ليث : نوف مابي يجي بكرا الفيصل مو عارف بحملك
نوف تنهدت : ان شاءالله ، ناظرت لبسها ومسحت على بطنها بحب وخايفه من رده فعله كونه صار لها شهرين حامل ولا خبرته بهالشي : اوففف
توسعت ابتسامته من شافها نازله : اهلا بـ زوجتي
نوف جلست جمبه ونطقت بحب : متى رجعت من دوامك
الفيصل : قبل شوي وشفت امك وهي طالعه
نوف : ايه جات تشوفني شوي
الفيصل : زين وين فارس
نوف بهدوء : رجع من مدرسته ونام
الفيصل : وامي
نوف عقدت حواجبها : شفيك تسال عنهم كذا
الفيصل مسك يدينها : انتِ اللي شفيك صار لك فتره مو على بعضك وطبعك صاير غريب مرهه
نوف زاد توترها منه : انت تحب تقى صح
الفيصل ابتسم : نتفتي ذي كيف ماحبها
نوف تغصبت الابتسامه رغم توترها : بصارحك بشي بس اوعدني ما تعصب علي قول وعد
الفيصل ابتسم على حركاتها الطفوليه : وعد
نوف نطقت بسرعه : انا حامل من شهرين
رفع عيونه لها بذهول : عيدي
نوف بخوف : والله كنت خايفه طول هالشهرين خصوصاً من الحمل و الولاده مدري ليه ماقدرت اخبرك سامحني
سحبها لـ حضنه وباس راسها بعمق : ماراح ازعل عليك بس مو حلوهه منك انك خبرتيني من البدايه
نوف ميلت شفايفها : لا تحسسني بتانيب الضمير
الفيصل تنهد بخفوت : احبك
نوف ابتسمت : غصباً عليك تحبني
الفيصل رفع حاجبه : تعجبني ثقتك بنفسك
نوف غمضت عيونها ونطقت براحه : ماتوقعت رساله توصلنا لـ هنا ابدا .
..

لمت شعرها وناظرته بحب رغم كل المتاعب اللي مرو فيها واولهم راهنه السخيف فيها كسرها وجرحها وحول قلبها لـ حطام بس قدر يرجع كل شي مثل ما كان من قفل الباب عليهم بذاك اليوم "" تغيرت حياتهم بالكامل مررت انمالها على خده ونطقت : يلا قوم طولت وانت نايم
فتح عيونه بنزعاج : خليني انام
الشادن تنهدت : مو قلت بتروح لـ امك " ريحانه "
بدر سند نفسه على ظهر السرير : غيرت رايي
الشادن عقدت حواجبها : ليه
مسح على شعره ونطق ببرود : تعبي راسي على امي علياء وهذا السبب اللي خلاني ما اخبرها عن عرسنا لانها اكيد تعرف مااشاءالله اكثر من واحد يراقبني
الشادن مسكت يده : حبيبي بس هي تضل امك
بدر ناظرها وابتسم : يحلو هالكلمه منك
الشادن بتغير الموضوع : امي دقت علي بشوف وش تبي
بدر ضحك : حبيت التصريفه
فتحت جوالها وسرعان ما نطت عليه من الفرح : بدرر
ناظرها بخوف : شفيك
الشادن بفرح : صصرررتتتتت خخخالهه راحِيل ولدتت
بدر ابتسم بفرح : يعني انا صرت عم
الشادن ضمته : الحمدالله الحمدالله
بدر قام : يلا اجهزي بنروح لهم
الشادن بحماس : يلا
_
_
ضربت كتفه ونطقت بقهر : قومم انااا صرتت خاله وانت لسه نايم مثل الحمار وش ذا
نياف تافف : تراي زوجك مو خويك عشان تقولين علي حمار
عرين بقهر : راحِيل ولدت وجابت بيبي وانت لسه نايم
نياف تنهد : عقبالنا يارب
عرين كشرت : تونا بدري قوم البس يلا بنروح
نياف : ماشاءالله عليك جاهزه ومخلصه
عرين ابتسمت : ايه بشوف ولد اختي
نياف سحبها له وباس خدها : رغم كل المتاعب اللي تسببينها ليي ابيك واحبك.