انتِ لو تمشين على التراب تنبت الدنيا ورا ظهرك زهور

الفصل الـ 47

تنفست بعمق وهي تقاوم الم جسمهاا حابسها من لمه مسك علي وذوقها انواع العذاب الجسدي والنفسي ، رفعت عيونها له اول ما دخل ونطقت بحمق : طلعنيي من هناا ما تفهمم اقولك علي بيجي يساعدنيي
جلس على الكرسي المحطوط قبالها وضحك بسخريه : شفيك انتِ مصدقه عمرك كنتي مجرد لعبه قذره علي جايبك عشان يقضي ليله معك بس ربي ماكتب له عوافي
تولاي بغضب : قللتتت اتتررككننيييي
معن ببرود : اعقلي لاتخليني اطلع حرتي فيك
تولاي : مو قلت انه انسجن خلاصص خليني ارجع بيتنا اكيد ابوي خايف علي ويبيني
معن رفع حاجبه : الله جايه برجلك مقرنا وماخفتي على ابوك سبحان الله فجاه نزل الحب له اذكر انك رمتيه بالدار عشان تجين تصيرين سلعه رخيصه لـ علي صح
ناظرته بضعف ، كيف تفهمه انها سوت كل ذا عشان تقدر تعالج ابوها لدرجه انها ارخصت نفسها عندهم عشان تجيب فلوس وتقدر تعالج ابوها تنهدت ونطقت : خليني اروح
معن : طلعوك مو زي دخولك يـ حلوهه
تولاي : بس فهمني شتبيي فينيي الحمدالله ذاك ما قرب مني وخلوني اطلع يلا تعبت منكم مابي اقعد بين مجرمين
معن ابتسم وطلع بطاقته وحطها قدامها : مو كل شخص شفتيه بذاك المقر كان مجرم
تولاي بصدمه : كيف كذا
معن ببرود : كنا فرقه من مكافحه المخدرات والمباحث وانا رئيسهم يعني اعرفي انك طتحي بيد الشخص الغلط صدقيني بذوقك الويل تدرين ليه
تولاي بلعت ريقها بخوف ولا ردت
معن ناظرها وكمل : لانك رمتيتي ابوك بس عشان تصيرين وحده رخيصه مالها اي قيمه ، وكمل بنبره فيها من السخريه ؛ خاافيي ربك هذا ابوك يـ بنت عاد تصدقين مالومك امك هربت وانتِ صغيره وتركتك انتِ وابوك عند عمتك اللي ما تهش ولا تنش اخر شي عيالها طردوكم وقمتي رميتي ابوك بالدار
توسعت عيونها بذهول : من وين تعرف كلل ذاا
معن : مافيه يصعب علي يـ روحي
صرخت بقهر : حححققيييررر
معن ابتسم ؛ بس مو احقر منك وحطي هالكلام حلق باذنك يـ تولايي وطلع وتارك وراه انسانه مجروحه ، حكم عليها ولا فهم اسبابها توها صغيره وتتحمل كل هالالم صدرت منها شهقها زعزعت المكان وسرعان ما اجهشت بالبكي على حظها العاثر و الشخص الغريب اللي فجاه طلع لها وخرب كل شي هي كانت مخططه له
...
الساعه ١:٣٠ الليل
كانت قاعده مع امها هي وفارس بالحديقه وبحضنها صحن فروالة وعلبه نوتيلا تاكل وتسمع تهديد امها بالفيصل اللي سحب على العشاء ولا نزل : زين عمك جاه ولا كان تفشلت والمشكله نوف شفتها كاشخه غريبه ما نزلت
عذوبه وهي تتلذذ بالفروالة : يمه خليه كان تعبان اكيد للحين نايم ولا حاس بنفسه
امها رفعت حاجبها : يشيخه وانتِ بعد وين زوجك عمك يقول الناس سالو عنه
بلعت ريقها بشوق من طريه صايره تشتاق له بشكل مو طبيعي معقول متوحمه عليه : اكيد بشغله
امها كانت بتنطق بس قاطعهم دخوله وكان لابس بدلته العسكريه : السلام عليكم
ام الفيصل ابتسمت : وعليكم السلام شخبارك يمه
ليث رد لها الابتسامه : بخير والله واعتذرت لاني ما جيت شوفه عينك توي اخلص شغلي
ام الفيصل : يلا عوافي اصلا انا بصعد انا بعد وناظرت عذوبه ، وانتِ اتركي ذا من يدك لا تكثرين منه
نزلت الصحن فوق الطاوله وابتسمت لها : ابشري
فارس ناظر امه : يمه
ام الفيصل : هلا يعيوني
فارس ضم عذوبه : بنام عند عذوبتي لاني مشتاق لها
ام الفيصل : حبيبي فارس عذوبه بترجع بيتها خليها مرهه ثانيه تجي وتنام عندها
عذوبه ابتسمت : صح بس اجي بنام بغرفتك بعد مو غرفتي
فارس ميل شفايفه بطفوله : زين بس ترا انا احبك
ماتحملت لطافته وسحبته وباست شفايفه : اكل الشفايف الجميله انا يلا حبيبي روح نام
ام الفيصل : تصبحون على خير
ليث بهدوء : وانتِ من اهله
ناظرته وهي عاضه شفايفها : ليث
ليث رفع حاجبه : قبل كل شي لعد تبوسين شفايفه
عذوبه عقدت حواجبها ؛ عادي انا وفارس متعودين
ليث : بس الحين لا فاهمه يلا كملي شكنتي تبين
عذوبه بتردد : عادي تاخذ اجازه هالفتره
ليث باستغراب : وليه
بلعت ريقها وناظرت عيونه حست انها فعلا تبيه معها وجمبها طول الوقت قربت منه وباست شفايفه بعدت عنه ونطقت بهمس : لاني ابي كذا ابيك
ليث ناظرها بذهول وحط يده على جبينها : فيك حرارة
عذوبه هزت راسها بالنفي ونطقت بكذب : بس انا حامل ويمكن احتاجك بـ اي وقت بالنهايه انت ابو البيبي ولازم تهتم فيني بس
ليث فهم عليها وابتسم : تبيني عشان اهتم فيك ولا عشان متوحمه علي
غمضت عيونها بخجل ورجعت فتحتها : مو انا واشرت على بطنها ، مو بيدي
ليث : وين اخوك
عذوبه ضحكت : اختفى هو واختك وامي معصبه عليهم
ليث بخوف على نوف : وينهم متى اخر مرهه كلمتيهم
عذوبه ناظرته بنظرات غريبه : تراهم نايمين وقامت ، البس عباتي واغراضي واجي
ليث تنهد : الله يستر شكلها بتعبني معها ورفع جواله عشان يطلب اجازه له .
...
نفث الدخان اللي بفمه وناظرها ببرود : ابوك يبي يشوفك
صدت عنه ونطقت بهدوء : وانا مابي اشوفه
جسار رفع حاجبه : وليه ان شاءالله
روينا : ما اتوتع انك مره مهتم عشان تبيني اشوف ابوي
جسار : الا ابيك تقابلينه
روينا بسخريه : يعني تبيني اصير جسوسه لك بعد
جسار تغصب الابتسامه وهو يحاول يهدي من غضبه : مو عنادك قلت راح تشوفينه يعني راح تروحين فاهمه انا امرك ما اخذ رايك يـ استاذه
روينا : افضل انك تذبحني ولا تخليني اروح لانه هو راح يذبحني بدالك صدقني ابوي واعرفه
جسار قرب منها وسحب يدها وفك الكلبش من الحديد : يلا امشي قدامي بس اول شي عدلي المصخره ذي
روينا ناظرت نفسها وشافت ازارير عبايتها مفتوحه ميلت شفايفها ونطقت : يدي تعورني مقدر طول الوقت مربوطه على فوق تسكرت حسبي الله
جسار بدون مقدمات انحنى وصار يقفل الازار واحد ورا الثاني ، غمضت عيونها بعنف من داهمتها ريحته اللي تحبها استنشقت عطره وكانها تكبده بصدرها عشان ما يروح ، رفع نفسه وعقد حواجبه من شافها مغمضه عينها تنهد ونطق : امشي قدامي يلا
روينا ابتسمت بمكر : تدري دامها خربانه ليه ما تطلقني
جسار ناظرها بدون رد ، وهي كملت : لان وش بيقولون الناس عنك مجرجر زوجته واساساً بينحكم علي فـ افضل لك تطلقني
جسار بهدوء : محد طلب رايك
روينا كشرت : بس اتكلم جد
جسار : ناويه على نفسك انتِ
روينا بغنج لايق عليها : اللي يتسمى ابوي وعدني يجيب لي الشخص اللي احبه اذا نفذت اللي يبيه شكلي بروح اطلبه الحين اكيد الشخص اللي تمنيته للحين يبيني .
شد على قبضه يده بغضب حاول يتحكم بغيرته بس ماقدر ومسك فكها بقوهه ونطق بحده : شوفيي يـ بزر ساكت لك من اول مو عطيتك وجهه قمتي تطولين لسانك كل شي ولا غضبي يـ روينا اتقيه لاني اذا عصبت بفجر فيك فاهمه
امتلت عيونها بالدموع بالم ونطقت بصعوبه : ابعد
ناظر دموعها وحس بالندم تاجهها : امشي دام النفس عليك طيبه ولا تخليني اعصب اكثر من كذا.
مشت قدامه وهي تسمح دموعها بطراف  كمها.
...