انتِ لو تمشين على التراب تنبت الدنيا ورا ظهرك زهور

الفصل الخامس

" شخصيات جديده "

نـيـاف الـجـابـر : في الرابع والعشرين من عمره محامي مع بدر ويعتبر اقرب صديق له و صندوق اسراره بعد انسان كل حياته لعب اهله توفو وعاش وحيد ويضيع وقته كله في البنات بس حريص على نفسه وعلى بدر اكثر
_
عـريـن : في التاسعة عشر من عمرها ماكملت دارسه لانها عايشه عند جدتها ماتعرف شي عن امها وابوها من وعت على الدنيا تعرف جدتها بس تحب الرسم جدا وحلمها يكون عندها مرسم خاص فيها مشكلجيه تدور حرش مع الرايح والجاي تحب جدتها وتسوي المستحيل عشانها
\\\\_____

بلع ريقه بصعوبه من شاف الصور اللي كانت في الظرف تنهد ورفع نظره لـ بتار اللي تكلم بهدوء : ماراح اهاوشك واسالك وش ذا لاني عارف انك كبير وتعرف مصلحه نفسك اكثر مني بس تخيل زهور اللي تعبترها اختك يصير فيها نفس ماتسوي انت في البنات الفكره لحالها تجنن العقل كيف لو صدق
بدر بتبرير : انـءءـا قاطعه بتار بحده : حط عقلك براسك ولعد اشوفك ماشي وراء الخراب يـ بدر
بدر بهدوء : تمام بطلع انا
بتار ببرود : الله معك
بعد مرور وقت دخل بيته وتنهد من شافه فاضي والخدم يرتبونه ونطق بصوت مبحوح : وين نياف
الخدامه : راح يغير ملابسه
بدر هز راسه لها وصعد فوق وشاف نياف توه بينزل : تعال ابيك
نياف باستغراب : شتبي
بدر : جدتي
نياف : شفيها
بدر بقهر : تبي اروح معها قريتها
نياف ابتسم : طيب روح شفيك
بدر : مابيي بس قلت لها بروح
نياف ضحك : شعندك طيب ترا عندنا اجازه يعني تقدر تروح وتريح بالك
بدر بضيق : اليوم وصلت صور لـ بتار وانا نايم مع وحده من البنات
نياف رمش بصدمه : تستهبل صح
بدر : لا طبعا
نياف : بتار سوا لك شي
بدر : لا بس سمعني كم كلمه حلوهه
نياف ضحك من فهم قصده زين
بدر عدل جلسته : شرايك تجي معنا
نياف كشر : لا مابي
بدر : يلا عاد والله نغير جو
نياف ابتسم : افكر
بدر ناظره بنص عين : جدتي بتفرح
نياف : قلت افكر
بدر مسك جواله ودق على جدته بسرعه مرت ثواني وردت : هلا بالغاليه ( حاط سبيكر )
الجده : هلا يـ عيوني
بدر ابتسم بمكر : حبيبتي عندي لك خبر حلو
الجده : وشهو يـ روحي
بدر : نياف جاي معنا القريه
نياف وسع عيونه بصدمه وهمس : قلتت افكرر
الجده بفرح : صدققق يـ روحي هو عطني بس خليني اكلمه
بدر قرب منه الجوال : كل يلا
نياف بتوتر : شخبارك يـ جده
الجده بحب : بخير دامني سمعت صوتك الزين
بدر رفع حاجبه : يشيخه وانا ليه ماتقولين لي مثله
الجده ضحكت : انت الزين كله
بدر : ايه احسب بعد
الجده : الا صدق يـ نياف بتجي معنا
نياف تنهد وهو يكن لها حب كبير : ان شاء الله جاي لـ عيونك اصلا
الجده ابتسمت : زين نجهزو نفسكم يلا في امان الله
قفل وناظره : اخيرا جدتي طلعت تجيب فيك فايده
نياف بقهر : عارف اني مقدر ارفض لها طلب صح
بدر ابتسم : ايه
نياف قام : برجع بيتي انا
بدر وهو يقلد صوت البنات : باي حبيبي ارجع لي ولا تطول تماممم
نياف ضحك وطلع
________

بعد مرور يومين تعتبر راحيل صارت احسن بعد العملية ابتسمت بهدوء وهي تسمع سوالف عرين اللي ردت لها الروح : يـ زينك وزين سوالفك بس
عرين توسعت ابتسامتها : يوهه الحين بطفشك ترا
راحيل بضحكه : عسل على قلبي والله
دخلت الشادن وهي منقهره : اوفف
عرين عقدت حواجبها : شفيك انتِ
الشادن : ابوي يبينا نروح نستقبل العمه حقتهم
عرين : طيب شفيك زعلانه
الشادن : مابي اروح
عرين : وليه ان شاء الله
الشادن كشرت : مادري
عرين : اروح معك اذا تبين
الشادن : اصلا بابا قال روحي مع عرين
عرين ناظرتها : طيب قومي
الشادن تاففت وقامت : طيب
راحيل ضحكت عليها : في امان الله يـ عيوني انتو
_
سحب نفس عميقق لـ صدره وابتسم وعيونه تناظر القريه البسيطه اللي عاش طفولته فيها رفع عيونه له وابتسم : شكله رجعت لك طفولتك
بدر بنفس الابتسامة : ايه كانت ايام الحلوهه
الجده بعصبيه : وينهم ذولي البنيات طولوو علينا
بتار بهدوء : انتظري يـ يمه شوي مايضر
الجده : لو جو بخلي ابو راخيل يعاقبهم
كانو يركضون بعد ما قال لهم ابوهم انهم تاخرو مرهه وقفت بصدمه وهي تناظرهم وشالها كان طايح من راسها وشعرها متناثر على اكتافها ونطقت بتوتر : ااءء اسف يـ عمه كله من عرين خلتني اتاخر عليكم
عرين اللي تلهث بتعب ناظرتها بصدمه : اناا
الشادن ابتسمت وهي تقرب وتسلم على الجده : نورت القريه والله
الجده كانت بتعصب عليها بس لمه شافتها راحت كله العصبيه ونطقت : انتِ راحيل صح
الشادن : لا انا الشادن
زهور نطت عندها : يوهه انتِ ذيك النونو اللي كنا نلعبك انا وبتار
الشادن ابتسمت : تقريبا قربت وفتحت باب بيتهم اللي يعتبر اكبر بيت في القريه ' تفضلو يلا
دخلت الجده و وراها زهور و بتار
كشرت وهي تناظر نياف وبدر : ماراح تدخلون
بدر : ليكون انتِ عرين بنت الجده نوريه
عرين بصدمه : عمى شلون تذكرت
بدر ضحك : يوهه كبرتي
الشادن بسخريه : اجل بتقعد طول عمرها بزر ولا وش
بدر ناظرها نظره غريبه ودخل و وراه نياف اللي كان يراقب بصمت
عرين وسعت عيونها بصدمه وشهقت وهي تناظر الشادن ووو