Through Secrets Unveiled

Chapter Forty-Three - Elapse

SATURDAY EVENING. Sinilip ni Stacey si Renante na kuwarto nito. Nagtaka siya dahil nadatnan niyang nagsisintas ito ng sapatos at gayak na gayak. Wala naman kasi silang usapan ng lalaki na may lakad ito sa ganitong oras.

Naramdaman naman ni Renante ang kanyang presensiya. Tumigil ito saglit sa ginagawa at lumingon sa kanyang direksiyon.

"I'm going to meet Ronnie. I need his advice regarding our current wristwatch collection."

Stacey lowered her eyes and nodded. Kahit weekends at trabaho ang inaatupag ni Renante ay ayos lang sa kanya. Nauunawaan niya dahil alam niya ang pakiramdam ng isang CEO sa startup stage ng negosyo nito.

"Well then, I guess, I'm allowed to go out tonight and meet Kylie."

"Sure," Renante shrugged. Pagkatapos, ibinalik na nito ang tingin sa sinisintas na puting sneakers.

Muli niyang pinasadahan ng tingin ang lalaki. He donned a casual look by wearing a pair of jeans, white sneakers, a green short-sleeved shirt, and a wristwatch. His hair was combed neatly with a few strands touching his forehead.

"I'll get ready now. Drive safely." Iyon lang ang sinabi niya bago siya bumalik sa sariling kuwarto.

Pagkasara ng pinto, hinarap ni Stacey ang kama kung saan naghihintay na sa kanya ang nakalapag doon na naka-hanger na dress at isang pares ng high heels. The dress has a sequin surface that carried a brilliant sparkly gold color that didn't hurt the eyes. Nang suotin niya ito ay abot sa itaas ng kanyang tuhod ang palda. Deretso ang hulma ng dress, may kaluwagan, at hindi kumo-contour sa hubog ng kanyang katawan. Ang itim niyang high heels naman ay parehong may ankle strap at peep-toe ang istilo.

Pinagmasdan niya ito bago sumimple ng silip sa pinto. Renante might question her outfit when he sees it, so she decided to make sure he already left the house before getting dressed. Nakailang pabalik-balik siya sa pinto para silipin ang lalaki at tingin sa kanyang cell phone para i-check ang oras. She was in the middle of checking her cell phone when she heard a knock on the door. Nataranta siya dahil tiyak na makikita ni Renante ang damit sa kama kapag pinagbuksan niya ito ng pinto. Palinga-linga siya sa paligid bago naisipang kumuha ng extra na kumot sa kanyang cabinet para ipangtakip sa mga nakapatong na damit sa kama. Then, she rushed to the door.

"Renante," humahangos niyang bulalas nang mapagbuksan ito.

Nagsalubong saglit ang mga kilay nito. "Are you alright?"

"Ah, yes. Ano kasi..." Mabilis siyang nag-isip ng idadahilan. "I was having a hard time choosing what to wear, kaya hindi ko narinig agad na kumakatok ka sa pinto."

As expected, Renante's eyes looked past her. Sumimple ito ng silip sa loob ng kanyang kuwarto bago nito ibinalik ang tingin sa kanya.

"I don't think Kylie would mind if you wear your usual outfit—a tank top and a pair of jeans," he suggested.

Tumango-tango siya. "Yes. But I want to wear something na pwede kahit saan kami mapapasyal ni Kylie."

"I see." Tinitigan pa siya saglit ng lalaki. May hinihintay ba ito na gawin o sabihin niya? O may gusto itong gawin o sabihin sa kanya pero nagdadalawang-isip pa kung itutuloy iyon?

Sa huli, nagpapaalam na tumango na lang si Renante. "I'm going."

Stacey smiled faintly at him. "Ingat."

"I will."

She was about to say 'I love you,' but he already turned away. Nakahinga rin siya nang maluwag sa ginawa ng lalaki, dahil muntik na namang umiral ang karupukan niya. Naalala niya ang nadiskubre na sekreto ni Renante at muling nabuhay ang pagkadismaya niya para rito.