Fake Love Spell (Completed)

Chapter 73

Chapter 73: Potions

Pearl's Pov

Ito na ang araw, ang araw na tatapusin ko na ang lahat sa amin ni Dwight. Yeah, mahirap pero kailangan kasing gawin, and buo na rin ang desisyon ko na alisin na sa kaniya ang gayumang napainom namin.

"Ang init init talaga sa lugar na ito..." angal na naman ni Whiskey.

Ganito na naman siya noong time na nagpunta kami sa lugar na ito.

"Kailangan mong mag-tiis bakla ka, kailangan natin gawin 'to kasi tayo naman ang nag-simula nito." kontra sa kaniya ni Bianca.

In fact, need talaga nilang sumama sa akin 'no. Sila kaya ang dahilan kung ba't napunta kami ni Dwight sa ganitong sitwasyon.

"Huwag na kayong magtalo, malapit naman na tayo eh." suway ko sa kanila at thank you naman kasi tumigil sila.

Tagaktak na rin ang pawis namin nang makarating kami sa shop. Wala kasing dumadaan na sasakyan rito kaya napilitan kaming mag-lakad kanina.

"Ah, Ate? Pwede ka po ba naming makausap?" pagtatanong ko sa counter.

Noong una, napataas ang kaniyang kilay dahil siguro akala niya may kasalanan siya sa amin kaya tinatarayan niya kami.

"Ah kayo ba 'yong tumawag na may problema sa librong nabili niyo rito?" ayon, sa wakas... Napagtanto na rin niya kung bakit kami narito.

Sabay sabay naman kaming tumango.

"Oh sige, tara roon sa office. Naroon si Lola, siya kasi ang may-ari nang shop na ito." aniya.

Napakunot naman ang aking noo. Sino kayang lola ang tinutukoy niya? Iyon kayang lola na sumabat sa usapan namin noon rito sa may counter?!

Sumunod lang kami sa kaniya papuntang office nang sinasabi niyang lola.

Pagka-open niya nang pinto bumungad sa amin ang isang matandang babae, pero hindi siya iyong lola na tinutukoy ko noon na sumabat sa usapan namin.

"Lola sila po ang tumawag sa atin noon na may problema raw sa nabili na libro rito..." wika no'ng babae na nasa counter.

"Okay, sige pumasok kayo rito..." utos niya na agad rin naman naming sinunod dahil pumasok kami sa loob.

Nag-senyas siya roon kay Ate na pwede na siyang umalis kaya lumabas naman ito at tanging kami na lang ang naiwan.

"So what's the problem? Spill it mga bata..." medyo masungit siya kasi sa tono pa lang nang kaniyang pananalita'y halata mo na sa kaniya na madali lang siyang mainis.

Nagkatinginan kaming tatlo... "Ah ano po kasi, mahirap man pong paniwalaan pero iyong nabili po kasi naming Book Of Love Spell ay gumana po siya..." bukod sa mainit rito sa office niya, pinagpapawisan na rin ako dahil sa kaba kasi nakakatakot iyong mga tingin niya sa akin habang nagsasalita ako.

"Paanong gumana? Spill niyo nang mabuti kasi hindi ko maintindihan ang point ninyo. By the way, nasaan ang libro?" nagkatinginan na naman kaming tatlo bago ko kinuha ang aking bag sa aking likuran para kunin roon ang librong dinala ko, the Book Of Love Spell.

Nang maiabot ko sa kaniya ang libro'y nakita ko na hindi na siya mapakali sa kaniyang kinauupuan.

"Paanong napunta sa inyo ang librong ito?" tanong niya habang matalim na nakatingin sa amin.

"Bakit po? May problema po ba sa librong iyan?" si Whiskey naman ngayon ang nagtanong.

"May alam po ba kayo sa past nang librong iyan?" tanong naman ni Bianca.