"នេះបងញញឹមអីនឹង ខេវេន ?"។ នាយកំលោះក្រមុំដែលជាគូស្នេហ៍ដ៏ផ្អែមល្ហែមនេះបាននាំគ្នាមកពិសាអាហារយ៉ាង រ៉ូមែនទិច ក្រោមពន្លឺភ្លើងទៀនជាកន្លែងដែលគូស្នេហ៍ជាច្រើននាំគ្នាមកញ៉ាំបាយហើយសាសងគ្នាផងនោះឯង។
"ឲ្យតែឃើញអូនញញឹមបែបហ្នឹងបងចេះតែសប្បាយចិត្តហើយចង់ថតរូបរបស់អូនទុករហូត!"។ ខេវេន ដែលកាន់ទូរសព្ទដៃនោះបានបង្ហាញស្នាមញញឹមហើយតបនឹងចម្លើយនាងក្រមុំមុននឹងបែរទូរសព្ទឲ្យនាងមើលហើយក៏ឃើញថាគេបានថតរូបនាងក្រមុំដែលញ៉ាំអាហារយ៉ាងរីករាយនោះហើយទឹកមុខពេញដោយស្នាមញញឹមនោះឯង។
"បងចេះតែថតអូនផ្ដេសផ្ដាសហើយ ខេវេន ! បើចេញមកមិនស្អាតអូនពិបាកចិត្តស្លាប់ហើយ!"។ ម៉ារៀ ក៏ជូរមាត់ហើយ ខេវេន ក៏ឈោងដៃម្ខាងមកកាន់ដៃនាងដែលដាក់នៅលើតុនោះអង្អែលថ្នមៗ
"សម្រាប់ព្រះនាងរបស់បងគឺស្អាតជានិច្ច! បងសុំទោសណា ម៉ារៀ ដែលធ្វើឱ្យអូនពិបាកបែបនេះកន្លងមកក្នុងឆាកជីវិតស្នេហារបស់ពួកយើង! សេពគប់នឹងប្រុសក្រីក្រដូចបងអូនពិបាកណាស់មែនទេ? បងសុំទោសដែលធ្វើអីមិនបានលឿនរហ័សតាមតម្រូវការតែមិនយូរពេលទេដែលបងនឹងរៀបចំធ្វើឱ្យជីវិតរបស់អូនហើយនឹងបងគឺមានភាពជាន់ខ្ពស់ហើយនឹងប្រសើរខ្លាំងឡើងជាងគេទាំងអស់ហើយ ម៉ារៀ ! ហើយអូនក៏មិនបាច់ពិបាកនឹងនៅសម្តែងល្ខោនជាមួយគេដែរ! បងពិតជាមានអារម្មណ៍មិនស្រួលចិត្តទេពេលដែលត្រូវបណ្ដោយអូនទៅនៅក្បែរគេ!"។ ខេវេន និយាយដោយទឹក មុខស្រពាប់ស្រពោនថាគេលួចខូចចិត្តដែរទើប ម៉ារៀ ញញឹមហើយកាន់ដៃគេវិញ។
"អូនគឺមានតែបងម្នាក់ស្រាប់ហើយ! បងកុំបារម្ភអីណា! អូនព្យាយាមបំផុតនឹងនៅឆ្ងាយពីគេ! មិនអីទេ! ពួកយើងគឺគ្មានអ្វីជាមួយគ្នាឡើយគ្រាន់តែទើសទាល់បន្តិចបន្តួចដែលត្រូវសម្ដែងមុខម៉ាក់ប៉ា!"។ ម៉ារៀ ក៏អូនមកចុះហើយ ខេវេន ក៏សម្លឹងនាងដោយទឹកមុខប្រាកដប្រជាមុននឹងច្របាច់ដៃនាងក្នុងថ្នមៗ។
" ម៉ារៀ បើបងចង់មានកូនជាមួយអូនពេលនេះហើយប្រាប់ម៉ាក់ប៉ាអូនពីរឿងនេះតើអូនឯងគិតមើលថាស្នេហាពួកយើងនឹងលេងមានឧបសគ្គហើយមែនទេ?"។ សម្តីមួយឃ្លានេះរបស់ ខេវេន ធ្វើឲ្យ ម៉ារៀ ស្រឡាំងកាំងសម្លឹងគេវិញដោយទ្រឹងស្ងៀមមិនដឹងតបបែបណា។
YOU ARE READING
ជួលស្នេហ៍ថែបេះដូង( Pretend To Be Yours)រដូវកាលទី ៥( Season 5 (Complete ✅)
Romanceជារដូវកាលទី 5 ក្នុងចំណោមរដូវកាលទាំង 7 របស់ស៊េរី : សំណព្វចិត្តម៉ាហ្វៀ ( Mafia's sweetheart ) 🔥💜 ជារឿងរ៉ាវស្នេហាត្រីកោណដ៏ជំពាក់ជំពិនរវាងកម្លោះសង្ហាសម្បូរស្នេហ៍ជាមួយនឹងក្រមុំរូបស្រស់ដែលមិនមានចិត្តស្នេហ៍សម្រាប់គេសោះឡើយព្រោះបេះដូងនាងមានម្ចាស់រួចទន្ទឹម...
