Unicode >>>
ဒုန်း ဒုန်း ဒုန်း
" ကိုကို တံခါးဖွင့်ပေး ! "
ခေါင်းက ဒဏ်ရာအရှိန်ကြောင့် မူးနောက်နေသေးသည့်အပြင် ဆောင့်တွန်းခံလိုက်ရမှုကြောင့် ခြေကျင်းဝတ်နာသွားသည်။ ရှန်ဝိုင်း မတ်တပ်မရပ်နိုင်တာကြောင့် တံခါးဆီ တရွတ်တိုက်သွားကာ ထုရိုက်ရင်းအော်ဟစ်နေသည်။
" ကိုကို ! ကျွန်တော် တောင်းပန်ပါတယ်။ ဒီလိုမလုပ်ပါနဲ့ "
ရေပန်းမှစီးကျနေသော ရေအေးများက သူ့နဖူးမှတဆင့် ကြမ်းပြင်သို့ အနီရောင်အရည်များအဖြစ် ဖြတ်သန်းစီးဆင်းသွားသည်။ တစ်ကိုယ်လုံးစိုရွှဲနေပြီး အေးစက်မှုနှင့်နာကျင်မှုရောယှက်လျက် နှုတ်ခမ်းများကတုန်ယင်နေကာ လက်ဖဝါးတွင်သွေးရောင်ပင်မရှိတော့ဘဲ ဖြူဖျော့နေ၏။
ဒုန်း ဒုန်း ဒုန်း
" ကိုကို.. "
သြမံ တံခါးကိုတချက်လှမ်းကန်လိုက်ကာ
" တိတ်တိတ်နေစမ်း "
" ကိုကို.. ကျွန်တော် မှားမှန်းသိပါပြီ။ တံခါးဖွင့်ပေးပါ.. ကိုကို... ကျွန်တော်.. "
သြမံ ရှန်ဝိုင်းရဲ့အသံကို လုံးဝလျစ်လျူရှုထားလိုက်တော့၏။ ကုတင်ပေါ်လှဲချလိုက်ကာ နဖူးပေါ်လက်တင်ပြီး မျက်လုံးမှိတ်ထားလိုက်သည်။ တစ်စုံတစ်ခုကိုအလေးအနက်စဥ်းစားချင်သော်ငြား ခေါင်းထဲဗလာဖြစ်နေပြီး ဘာမှရေရေရာရာတွေးမရ။ ဒီနေ့ ကိစ္စတော်တော်များများဖြစ်သွားခဲ့ပုံပင်။ ရှန်ဝိုင်း လှေကားမှပြုတ်ကျပြီး သက်နေပိုင်ရောက်လာခဲ့သည်။ သူနဲ့သက်နေပိုင်ရဲ့ မရှင်းမလင်းဖြစ်နေသည့် အခြေအနေက ဒီတိုင်းပဲဆက်ဖြစ်သွားတော့မည်လား။ သက်နေပိုင်က သူ့ကိုချစ်နိုင်အောင်ကြိုးစားမည်ဟုပြောခဲ့သည်။ ဆိုပေမယ့်.. ဘာကိုကြိုးစားမှာလဲ။ စိတ်ခံစားချက်ပိုင်းဆိုင်ရာတွင် လုပ်ယူရသည်မျိုး သြမံ သဘောမကျပေ။ တစ်စုံတစ်ယောက်ကို ချစ်ခင်နှစ်သက်ဖို့ ကြိုးစားမှုနဲ့အကြောင်းပြချက်တွေ လိုလို့လား? နောက်ပြီး.. သူ့ညီဖြစ်သူက သူ Gay မှန်း သိနေခဲ့သေးသည်။
" ကိုကို ! "
" ကျစ် "
ခလွမ်း
YOU ARE READING
HELOT (ကျေးကျွန်)
Teen Fictionကြိုပြီး မေတ္တာရပ်ခံချင်တာကတော့ Abuse type တွေ မကြိုက်ရင်, allergic ရှိရင် မဖတ်ပါနဲ့ ။ Incest - သွေးရင်းစပ်ယှက်မှု Sibling - ညီအစ်ကိုမောင်နှမ အရင်းအချာ ××× ႀကိဳၿပီး ေမတၱာရပ္ခံခ်င္တာကေတာ့ Abuse type ေတြ မႀကိဳက္ရင္, allergic ရွိရင္ မဖတ္ပါနဲ႕ ။ Inces...
