Unicode >>>
" ဗျာ.. အ "
ရုတ်တရက် အနားသို့ရောက်လာကာ တံခါးတွင်ဖိကပ်လိုက်ခြင်းကြောင့် ရှန်ဝိုင်း တုန့်ပြန်ချိန်မရလိုက်ပေ။ သြမံရဲ့အညိုရောင်မျက်ဝန်းများက မှိန်ပျပျအခန်းမီးရောင်အောက်တွင် တောက်ပလွန်းနေသည်မှာ တိမ်စိုင်တိမ်မဲများကင်းစင်နေသော ကောင်းကင်ရှိ ကြယ်ပွင့်များနှယ်။
စကားတစ်ခွန်းမျှမဆိုပဲ စိုက်ကြည့်၍သာနေသောကြောင့် ရှန်ဝိုင်း နေရခက်လာသည်။
" ကိုကို ဘာပြောစရာရှိလို့လဲ "
" သူ ငါ့ကိုပြောတယ် "
" ဟင်.. ဘာကြီး? "
အဆက်အစပ်မရှိသည်ကြောင့် သြမံ ဘာအကြောင်းပြောနေမှန်း ရှန်ဝိုင်းတွေးမရချေ။
" ငါက မကောင်းတဲ့ကောင်တဲ့ "
" ကိုကို ဘာတွေပြော... "
" မင်းရော.. ငါ့ကို မကောင်းတဲ့လူလို့မြင်လား? "
သြမံ ရှန်ဝိုင်း မျက်လုံးထဲသို့စိုက်ကြည့်နေသည်မှာ အဖြေရှိနှင့်ပြီးသား မေးခွန်းရဲ့အဖြေကို အတည်ပြုရန်ထက်သန်နေပုံရ၏။ ရှန်ဝိုင်း ပြန်မဖြေပဲ နှုတ်ဆိတ်၍သာနေမိသည်။ ဆိတ်ဆိတ်နေခြင်းက တိတ်တဆိတ်သဘောတူလက်ခံခြင်းပင်။
သြမံ မျက်နှာမဲ့လိုက်ကာ
" အဟက်.. ငါ့ကိုယ်ငါ လူကောင်းလို့လဲ မထင်ပါဘူး "
" ကိုကို ဘာတွေပြောနေလဲ ကျွန်တော်မသိဘူး "
" တစ်ခါတလေကျ စိတ်မကောင်းတော့ဖြစ်မိသား။ မိန်းမယုတ်ရဲ့သားက ဘယ်နေရာမဆို ငါ့ထက်လူရာဝင်နေလို့လေ "
ရှန်ဝိုင်း မျက်လုံးပင့်ကြည့်မိ၏။ ဒီလူ ဘာဖြစ်ချင်နေပြန်ပြီလဲ? သြမံ စိတ်ကို သူလုံးဝခန့်မှန်းလို့မရပေ။ မထင်ထားသည့်အချိန်တွင် မထင်မှတ်တဲ့အပြုအမူများထလုပ်လေ့ရှိသလို တစ်ခါတစ်ရံကျ သူမဟုတ်သည့်အတိုင်း အေးဆေးတည်ငြိမ်နေတတ်သည်။
" မင်း သူတော်ကောင်းယောင်ဆောင်မနေစမ်းပါနဲ့။ မင်းလဲ ငါ့ကိုမုန်းနေမှာ ငါသိတယ်။ လိမ်မာရိုးသားတဲ့ လူငယ်လေးပုံစံဖမ်းထားတဲ့ မျက်နှာဖုံးခွာချလိုက်စမ်းပါ "
YOU ARE READING
HELOT (ကျေးကျွန်)
Teen Fictionကြိုပြီး မေတ္တာရပ်ခံချင်တာကတော့ Abuse type တွေ မကြိုက်ရင်, allergic ရှိရင် မဖတ်ပါနဲ့ ။ Incest - သွေးရင်းစပ်ယှက်မှု Sibling - ညီအစ်ကိုမောင်နှမ အရင်းအချာ ××× ႀကိဳၿပီး ေမတၱာရပ္ခံခ်င္တာကေတာ့ Abuse type ေတြ မႀကိဳက္ရင္, allergic ရွိရင္ မဖတ္ပါနဲ႕ ။ Inces...
