Unicode >>>
" မင်း သတိရပြီလား "
နေပိုင် သြမံနှင့် လူချင်းခပ်ခွာခွာရပ်လိုက်ကာ ရှန်ဝိုင်းကို လှမ်းမေးသည်။ ရှန်ဝိုင်း မည်သည့်အရာမှ ပြန်ဖြေကြားခြင်းမရှိပဲ သြမံကိုသာ မျက်မှောင်ကြုံ့၍ကြည့်နေသည်။ နေပိုင် နေရခက်စွာဖြင့် ချောင်းတစ်ချက်ဟန့်လိုက်ရင်း
" ခေါင်းက ဘယ်လိုနေလဲ။ နာနေသေးလား "
" နာ မနာသိချင်ရင် ကျွန်တော့်နေရာ ကိုသက် အစားဝင်ခံကြည့်ပါလား? "
ရှန်ဝိုင်း ၏ခနဲ့သယောင် အဖြေစကားကြောင့် သြမံပင် အံ့သြသွားရသည်။ ရှန်ဝိုင်းနေလမှာ သက်နေပိုင်ကို အမြဲလိုလို ယဥ်ကျေးပျူငှာစွာ ဆက်ဆံတတ်သူပင်။
" မင်း လေသံကိုပြင်လိုက်စမ်း ရှန်ဝိုင်းနေလ "
သြမံ ဆီက စကားသံထွက်လာမှ ရှန်ဝိုင်းရဲ့ တင်းမာနေသော မျက်နှာကြောပြေလျော့သွားသည်။
" ကိုကို.. ကျွန်တော် ရေဆာတယ် "
" မင်းမှာ လက်မပါဘူးလား? "
" ကျွန်တော် မထနိုင်ဘူးလေ "
" ကျစ်! "
သြမံ စုတ်သပ်ရင်း ရေသွားယူပေးရန်ပြင်သည်။ လူမမာနဲ့ ပြိုင်ငြင်းလိုစိတ်မရှိသလို ရှန်ဝိုင်း အခုလိုဖြစ်ရခြင်းမှာ မိမိအပြစ်မကင်းဟု ခံစားမိခြင်းကြောင့်လဲ ပါသည်။ သြမံ အခန်းထဲမှ ထွက်ရန်ပြင်ခိုက် နေပိုင် သြမံလက်မောင်းအား လှမ်းဆွဲပြီး
" နေ.. ကိုယ် သွားယူလိုက်မယ် "
သြမံ ထိုလူ့လက်ကို ဖြုတ်ချလိုက်၏။
" ဒီလောက်က ကျုပ်လုပ်ပေးနိုင်တယ် "
ပြောပြီးသည်နှင့် လှည့်ထွက်သွားကာ အခန်းတံခါးကို အသံမြည်အောင်ပင် ဆောင့်ပိတ်သွားသည်။ နေပိုင် သက်ပြင်းချမိသည်။ ဒီကောင်လေးက တကယ်ကိုခေါင်းမာလှသည်ပင်။ နေပိုင် နောက်ပြန်လှည့်ခိုက် မိမိနောက်တွင် ဘယ်အချိန်ကတည်းက ရောက်နေမှန်းမသိသော ရှန်ဝိုင်းကြောင့် လန့်ဖြန့်သွားရသည်။ ခုနလေးတင် မထနိုင်ဟု ပြောခဲ့သူက မိမိရှေ့တွင် လူကောင်းပကတိအတိုင်းရပ်နေသည်ကြောင့် လေထုအနေအထားက သံသယဝင်စရာကောင်းသည့်နှယ်။
YOU ARE READING
HELOT (ကျေးကျွန်)
Teen Fictionကြိုပြီး မေတ္တာရပ်ခံချင်တာကတော့ Abuse type တွေ မကြိုက်ရင်, allergic ရှိရင် မဖတ်ပါနဲ့ ။ Incest - သွေးရင်းစပ်ယှက်မှု Sibling - ညီအစ်ကိုမောင်နှမ အရင်းအချာ ××× ႀကိဳၿပီး ေမတၱာရပ္ခံခ်င္တာကေတာ့ Abuse type ေတြ မႀကိဳက္ရင္, allergic ရွိရင္ မဖတ္ပါနဲ႕ ။ Inces...