أخر أيام الحب

معاد الروايه

ازيكم عاملين ايه وحشتوني جدا..
انا عارفه اني اتأخرت عليكم كتير وحقكم علي راسي
حق الناس المحترمه بس اللي عارفين ان الحياه مسؤوليات وضغوطات وإن كل واحد عنده ظروف محدش يعرفها غيره
لكن الناس اللي مش محترمه ولا أخجل اني اقول عنها مش محترمه لأن والله انا جالي رسايل تخليني ابطل كتابه خالص واقول بنقص القرف ده..
لكن ف الأول والأخر دي حاجه انا بحبها وحابه اني أكملها
يا جماعه بأختصار شديد انا اتجوزت في بلد بعيد عن اهلي يعني مفيش حد جنبي وماما عندها كانسر ووظائف الكبد مدمره وفي عمليه لسه مش عارفين يومها..
بجانب شغلي بجانب جوزي اللي ملهوش غيري يهتم بيه ويهتم ببيتي، ومعلش يعني انا اي حاجه عندي في الدنيا تغور في داهيه قصاد بيتي وجوزي وأهلي حتي شغلي يوم في وعشره لأ
ازاي هكتب وانا وسط كل ده؟..
ده انا والله الوقت الفاضي اللي بيكون عندي بفتكر مشاكلي وبقعد اعيط..
مش طالبه منكم غير بس انكم تلتمسو الأعذار..

انا رجعت أكتب تاني لأني حابه اكتب وحاسه ان دي حاجه هتفرحني شويه مش لأني مطالبه بحاجه وده كل اللي عندي
انا بدأت ف الحلقه ال ٢٦ النهارده وأن شاء الله يوم الاتنين مش هيعدي غير والحلقه نازله يعني احتمال كبير يوم الاتنين بالليل
دمتكم بخير  وياريت تشجعوني وكلامكم يكون خفيف