عبدالله بسرعه: مستشفي إيه تبع زين!!!.
حياة بنفي: لأ مش تبعه.
عبدالله بلهفة وخوف: ابعتيلي اللوكيشن بتاعها بسرعه وانا جايلك واوعي تقولي لحد ان فريدة في المستشفى وتعبانة.
اومأت ليه وبعتت ليه اللوكيشن وبعد دقايق بسيطة اتفاجئت حياة بعبدالله وهو بيجري عليها ومعاه شخص هي متعرفهوش ووقف قصادها واتكلم عبدالله: فين هي؟.
شاورت حياة علي الأوضة وجري عبدالله مع الشخص اللي معاه واتكلم: تعالي معايا.
دخلوا الأوضة والدكاترة بيمنعوهم وعبدالله اتكلم بصوت قوي: دا الدكتور سالم اللي متابع حالتها ابعدوا ودخلوه.
فتحوا الطريق ليه ودخل سالم ومعاه عبدالله وواقف قصاده واول ما بص لفريدة اتصدم من شكلها ودكتور من الموجودين اتكلم بجدية وضيق: هبوط في عضلة القلب وفشل تام يعني خلاص البنت بتموت.
عبدالله بص ليه بصدمة وبص لسالم اللي ملامحه كانت كلها يأس وفقدان أمل واتكلم بضعف: خلاص انتهت فعلا.
عبدالله بعصبية: يعني ايه؟ اكيد فيه حل؟.
سالم بنفي: مفيش القلب خلاص ضعف جدًا ولازم اهلها يعرفوا ويجوا يودعوها.
عبدالله مش قادر يتحرك ولا حتي يتكلم عيونه علي فريدة والدموع لمعت في عيونه وهز دماغه برفض: لأ مستحيل.
سالم بص للطاقم الطبي: حاولوا تخلوها علي الأجهزة لحد ما تودع اهلها.
عبدالله برفض: لأ فيه حل زين اكيد هيعمل حاجه.
سالم بحزن: للاسف لأ مفيش حاجه هيقدر دكتور زين يعملها.
عبدالله بص للكل واتكلم بجدية: انقلوها لمستشفي زين الورداني الخاصة بسرعه.
الدكاترة بصوا لبعض وواحد فيهم اتكلم: البنت خلاص بتودع ومفيش حاجه هتقدر تتعمل عشان تنقذها.
عبدالله بصوت حاد وأمر: وأنا قولت تتنقل لمستشفي زين الورداني في أسرع وقت.
خرج عبدالله من عند فريدة وبص لحياة اللي قربت منه واتكلمت: فيه ايه وفريدة مالها؟.
عبدالله بجمود: اتصلي بالعيلة خليهم يحصلونا علي مستشفى زين وعيلة زين برضوا كلميهم ييجوا.
حياة باستغراب: ليه كل ده انت قولت مينفعش حد يعرف وكمان فريدة فيها إيه فهمني؟.
عبدالله بحزن: فريدة كانت مريضة بالقلب وهي حاليا خلاص بتنتهي.
شهقت حياة بفزع وايدها علي فمها وعبدالله سابها ومشي ومش قادر يستحمل، جري علي مستشفى زين وداخل يجري فيها بسرعة كبيرة والكل عيونهم عليه مش فاهمين فيه إيه وليه الشخص دا بيجري كدا، دخل مكتب زين وزق الباب بقوة ولسه هيتكلم ملاقهوش، لف وهيخرج شاف زين جاي عليه ومستغرب وقرب منه باستغراب: إيه ده إيه اللي جابك هنا مش لسه كنت عندك من شويه؟ فيه إيه؟.
YOU ARE READING
كيان فريدة (الجزء الثالث من روح الزين)
Mystery / Thrillerهي فريدةٌ من نوعها لها سِحرٌ خاص، هو شخصٌ حاد الطباع يُريدُ الإنتقام لِما حدث لوالدته من قِبل أبيه، ويا للعجب عندما تكون الفريدةُ الحارس الشخصي لِأبيه.
بارت⁶⁰ لِـ «كيـان فريـدة»
Start from the beginning
