Unicode
-------------လေးလံသော ပစ္စည်းတစ်ခု မြေကြီးပေါ်ပြုတ်ကျကာ အသံတစ်သံ ဖြစ်ပေါ်လာသည် ။
ကောင်လေး သူ့ခေါင်း ပေါ် တစ်ခုခု ပြုတ်ကျ လာတာကို ခံစားလိုက်ရတယ် ။ အဲ့ဒါက စေးကပ်ကပ်နဲ့ သူ့ ဆံပင် တစ်လျှောက် စီးဆင်းသွားတယ်။
ပြီးလည်းပြီးရော အပုပ် နံ့ တွေ တလှိုင်လှိုင် ရလာတယ် ။
အချိန်တချို့ကြာသည် အထိ ၊ ကောင်လေးက နာကျင်မှုကို မခံစားခဲ့ရဘူး ။
သူ ခေါင်းကို နှေးကွေးစွာ မော့ကြည့်ခဲ့တယ် ။ ဇွန်ဘီက သူ့ရှေ့မှာ လဲကျနေတဲ့ အဖြစ်အပျက်ကို မြင်လိုက်ရတယ် ။သူ့ရဲ့ ခေါင်းတစ်ဝက် ပြတ်သွားပြီး တစ်ဝက်ကလည်း မြေ ကြီးပေါ် ပြုတ်ကျနေတယ် ။
မြေကြီးပေါ်မှာ ဇွန်ဘီ နောက် တစ်ကောင်သေနေတယ် ။ အဲ့ဒီကောင်က ပိုပြီး အဖြစ်ဆိုးတယ် ။ အလယ်ကနေ ထက်ခြမ်း အပိုင်းခံ ထားတာ!
ကောင်လေးက သူ့လက်ကို ဆန့်ထုတ်လိုက်ပြီး သူ့ပါးပေါ် စီဆင်း လာတဲ့ အရည်ကို သုတ်ကြည့်လိုက်တယ် ။ အဲဒါက စေးကပ်နေပြီး သူ့ကို ပျို့အန်ချင်စိတ်ပေါက်စေတယ် ။ နောက်ဆုံး သူ ပျို့အန်လိုက်တော့တယ် ။
"မင်းက ဒီလောက်တောင်မှ သတ္တိမရှိတာများ ဘယ်လိုလုပ် အသက်ရှင်ကျန်နေသေးရတာလဲ ။ မင်း ဒီကလေး နဲ့ သေဖို့ စောင့်နေတာမှ ပိုကောင်းဦးမယ် ။ "
အမျိုးသမီး ရဲ့ အသံက သူရဲ့ နား အနီးမှာ ကျယ်လောင်စွာ မြည်ဟီးနေတယ် ။ ကောင်ကလေးဟာစိတ်ပျက်နေပြီးတော့ သူမသည် အမှန်တရားကို ပြောပြနေရုံသာ ။
ဤနေရာသည် ငြိမ်းချမ်းသည့် နေရာ မဟုတ်တော့ပေ ။ ဤနေရာတွင် သင့်ကို သတ်ပစ်မည့် ဇွန်ဘီများစွာ ရှိနေပြီဖြစ်သည် ။
ငါ အားကြီးရမယ် ။
ငါ ငါ့ညီမလေးကို ကာကွယ်စောင့်ရှောက်ရမယ် ။
ငါ့ညီမလေး...
ကောင်လေးသည် သူချီထားသည့် ညီမလေးကို ကြည့်လိုက်တယ် ။ ကလေးသည် သူ့လက်မောင်းအောက်၌ ပိနေပြီး မျက်နှာမှာ နီ၍ ပူနေသည် ။ အကယ်၍သာ သူသည် ကလေး၏ မျက်နှာကို ပို၍ ဖိထားလိုက်ပါက ကလေး၏ အသက််ကို ပါ ဆုံးရှုံးနိုင်ချေရှိပေသည် ။