تجنبت النظر لعيون مامتها وهي بتتكلم وجريت علي مكتبها من تاني قعدت عليه وبصت للابتوب وجوري واقفة بتضحك بخبث، ربعت ايدها قصادها ولفت لبنتها قربت منها واتكلمت: المذاكرة كانت قصاد المرايا وبتضحكي مع نفسك زي الهبلة.
نوران سكتت وجوري قعدت جمبها مسدت علي شعرها بحنان وبصت ليها: ينفع تقوليلي فيه إيه بما اننا صحاب؟. ولا مش هتحكي لصحبتك وتخبي عنها؟.
نوران خوفها هدي ورجعت ابتسمت من تاني وردت علي مامتها: عادي يعني كنت بفكر في حاجة عبيطة كده مالهاش معني.
جوري كشرت ورجعت اتكلمت بهدوء: طب ينفع تشاركيني تفكيرك الاهبل كان عن ايه؟.
نوران مطت شفايفها واتنهدت: بصي هو معرفش بجد يعني مش فاهمة مالي، حاسه إني مبسوطة ومش عارفه ليه وازاي.
جوري مركزة مع كلام بنتها الملغبط وابتسمت: بتحبي؟.
نوران بصدمة: لا طبعًا خالص مستحيل... هو باين عليا؟.
ضحكت جوري بقلة حيلة: عيونك بترقص من الفرحة وبتقول انا ابتديت احب.
نوران كشرت: ازاي ده يماما وعرفتي ازاي؟
جوري بهدوء: زي الناس يا نوران وبعدين انا سبق ومريت بنفس تجربتك دي وانا في سنك مع ابوكي.
نوران بلهفة: بجد يعني انا بحب ؟؟.
جوري: لأ إنتِ بدأتي تنجذبي لحد لكن حب ودلوقتي لسه عليكِ شوية.
نوران بسخط: انا مش فاهمة حاجه.
جوري: حبيبتي إنتِ لسه ثانوية عامة ومحتاجة تركزي علي حلمك ودراستك أكتر خلي كل حاجة في وقتها.
نوران: انا تالتة ثانوي يعني شهور وهبقي فتاة جامعية.
جوري ضحكت: وهو عشان دخلتي جامعة تبقي كده كبرتي!! حبيبتي مرحلة الجامعة آه حلوة بس برضوا هتحتاجي فيها تحققي ذاتك مش تفكري في الحب وقت دخولك ليها، احنا نسيبها تيجي في وقتها ومنسمحش لحاجة تأثر علي دراستنا.
نوران بضيق: ماما إنتِ قولتي بنفسك اهوه حبيتي في سني وشايفاكِ ناجحة ومركزة علي شغلك وبابا بيشجعك فـ ليه محبش زيك عادي؟.
جوري بقلة حيلة: إنتِ فاكرة انه شادي وافق نحب بعض وانا في سنك كده؟.
نوران كشرت ومامتها كملت: انا اعترفت بحبي ليه عشان كنت فاكرة زيك كده هنحب بعض ونكمل لكن شادي كانت ليه وجهة نظر تانية وكانت صح لما فكرت فيها بعد سنين.
نوران: إيه وجهة نظر بابا دي؟
جوري بابتسامة: بعدني عنه ل٣ سنين كاملين علشان كان خايف يكون حب مراهقة وبعدين يتوجع واوجع نفسي، وكمان فرق السن بينا مكنش مشجعوا علي اننا نفضل مع بعض اتحولت من بنته اللي مربيها لحبيبته فجأة بسبب قربي منه وهو كمان حس نفس الاحساس بس مسمحش ليه يسيطر عليه وبعدنا، سافرت وركزت علي نفسي ومستقبلي واتحديت نفسي واتحديته هو كمان عشان كان بيقولي إنتِ لسه طفلة، فجأة لاقيت نفسي كبرت وشيلت مسؤولية كبيرة بس دي زودت ثقتي بنفسي ورجعت ليه تاني ولسه حبي لشادي موجود جوايا وكان بيزيد إتاكدت وقتها اني بحبه بجد وبعد معاناة اعترفلي هو كمان بحبوا ليا لما عرف ان مبقتش طفلة وكبرت واطمن.
YOU ARE READING
كيان فريدة (الجزء الثالث من روح الزين)
Mystery / Thrillerهي فريدةٌ من نوعها لها سِحرٌ خاص، هو شخصٌ حاد الطباع يُريدُ الإنتقام لِما حدث لوالدته من قِبل أبيه، ويا للعجب عندما تكون الفريدةُ الحارس الشخصي لِأبيه.
بارت⁵⁷ لِـ «كيـان فريـدة».
Start from the beginning
