كيان فريدة (الجزء الثالث من روح الزين)

بارت⁴⁸ لِـ «كيـان فريـدة».

روڤانا بحسرة: ياما قولتلك ابنك مش متربي وخبيث مصدقتنيش يا ورد إشربي بقا.

كيان شد روڤانا من دراعها بغيظ وهي قلقانة جدًا منه وهمس ليها: روڤانا اتظبطي وعدي اليوم علي خير.

روڤانا ببرود وهي بتتكلم: مش عملت الل فدماغك وعايز تعيش في بيت لوحدك انت وفريدة بعيد عننا اشرب بقا وربنا لا هعلمك الأدب يا كيان الكلب.

بيكز علي سنانه بغيظ منها: بقا كده يعني مصممة؟؟.

هزت دماغها ببرود ومشيت بهدوء عند ورد وايدها في اللاشيء وورد مسكت ايدها سندتها ووقفتها جمبها.

كيان عيونه علي الكل وهو مش طايق نفسه وقلق من نظرة فريده ليه ورفع دماغه بخفه ليها بمعني فيه إيه، ابتسمت ليه بسماجة وعدلت وشها الناحية التانية.

شد شعره بغيظ وبيدور بعيونه علي حد وبيتكلم: هي حماتي فين محدش هينجدني من الحوار ده غيرها.

نوح بص ليه: بتدور علي حاجه معينة يا كينو؟.

كيان بسخط: روح فين؟.

نوح بص حواليه مع كيان ورجع اتكلم: شكلها كده دخلت تشوف غيث ومُغيث.

كيان لسه هيمشي شاف روح جاية عليه وقرب منها بسرعة ومسك ايدها وروح اتكلمت بقلق: فيه إيه يا كيان مالك

كيان برجاء: الحقيني وابعدي عني زين عايز ياخد فريده واطلقها.

روح عيونها وسعت من الدهشة وبصت لزين بجمود: هو اتجنن تاني دانا مصدقت انه اتعدل تعالا معايا.

زين شاف روح جاية عليه واتوتر من نظراتها ليه وهمس لعبدالله: احيه روح جاية.

عبدالله بهدوء: هتصرف متقلقش الواد موسي فين صحيح؟.

زين بهمس وبيكتم ضحكته: اسكت ده اكتشفنا حاجه محدش يتخيلها وموسي جاي بالقنبلة الموقوتة دلوقتي وهيفجرها فـ وش كيان وفريدة بعد كام دقيقه كده.

عبدالله كشر: هي إيه دي؟.

زين بجدية: شويه وهتعرف.

عبدالله اومأ بتفهم وشاور لجنة بعيونه وفهمت إشارته وجريت علي روح قبل ما توصل لزين: طنط روح غيث ومُغيث بيتخانقوا وبيضربوا بعض وتقريبا كده غيث اتعور.

روح بصدمة وعدم تصديق: إيه مستحيل.

فجأة روح لفت وجريت علي غيث ومُغيث وجنة اتنهدت بانتصار وجريت وراها ومعاها نوران.

كيان لسه هيمنع روح انها تمشي بس شافها بتجري وفقد الأمل في انها تتكلم مع زين ونفخ بضيق وقرب منهم ببرود: وبعدين؟؟.

زين ماسك فريده بثقة: ارمي عليها يمين الطلاق يلا.

كيان ابتسم ببرود: قولتلك علي جثتي تبقي ارملة احسن إيه رائيك فـ الفكرة دي؟.