كيان فريدة (الجزء الثالث من روح الزين)

بارت³² لِـ «كيـان فريـدة».

المكالمه اتقفلت وسليم مردش وفجأة روح طلعت بعد دقايق تجري باقصي سرعة عشان توصل لزين في أسرع وقت.
«Back»
فاقت من شرودها وعيونها مراقبة ملامحه وسكونه وهو في حضنها وضاممها زي العيل الصغير، دمعة منها نزلت غصب عنها وهي شايفاه في الحالة دي ومش قادره تتحكم في نفسها، اخدت شهيق وزفير ببطء وتعب وغمضت عيونها بإرهاق.

عند سليم ونها.

سليم برفض تام:يعني ايه يا نها اخليه يتعرض لنفس الموقف تاني مستحيل، مش هقدر استحمل انهياره دا لمرة تانية ولو لدقيقة واحدة كمان.

نها بعملية: سليم إنت دكتور وفاهم كويس انه عشان زين يكون بخير لازم يشوف الراجل دا تاني ويتأكد انه مش أبوه وبعدين المرة دي هتختلف عن المرة الأولي طبعا.

سليم كشر: تقصدي إيه؟

نها اتنهدت: أقصد انه زين هيكون مستعد للمقابلة دي وعارف هو رايح فين وهيعمل إيه.

سليم بتوهان: أنا مش فاهمك عايزة نتكلم معاه ونقوله قوم شوف واحد شبه ابوك مرة كمان؟.

نها بإيجاب: أيوه ليه لأ بس طبعا هنقوله بطريقة مختلفة.

سليم بتركيز: إزاي.

نها: إنت لاحظت انهياره وكمان لاحظت هدوءه مجرد ما اتحضن من مراته فأكيد هيستجيب لروح أكتر مننا وهي هتكون دافع قوي ليه وانها تقنعه انه مش أبوه ودا واحد شبهوا وانها كانت صدفة مش أكتر.

سليم بيهز دماغه بنفي: لأ مش مقتنع يا نها مش هقدر أشوف زين أو اعرضه لموقف بشع بالشكل دا تاني.

نها بنفاذ صبر: يا سليم افهم دا اللي لازم يحصل تخيل زين شاف الراجل دا تاني ووارد يحصل أأكدلك انه هينهار أكتر من المرة الأولي لو دا حصل لازم نكون أوعي واذكي من كدا ونعالج الموضوع دا في أسرع وقت ممكن.

سليم بص ليها بضياع وخوف علي صاحب عمره ونفخ بضيق ودخل الغرفة اللي متواجد فيها الراجل والشاب اللي معاه، قرب من الراجل ومش قادر يستوعب الموقف الشخص دا شبيه لمحمد الورداني أبو زين بالمللي وميفرقش عنه حاجه لو كان ميعرفش ان الورداني ميت من زمان كان تخيل ان دا تؤامه او هو بذات نفسه، واقف سليم متنح قصاد الراجل ومش بينطق ودماغه بتوديه وتجيبه ومش عارف يعمل إيه، فاق علي صوت الشاب اللي جمبه وهو بيتكلم: هو عمي مرتضي جراله حاجه؟

بص ليه سليم وقرب منه وفحص جرحه اللي في جبينه بدقة وعملية وابتدي يعقمه ليه بهدوء وبعد وقت قصير انتهي من تنضيف جرح الشاب وبص ليه: إسمك إيه؟.

الشاب بقلق وخوف: عثمان.

اومأ سليم ببطء: عمك محتاج عملية بسيطة لان جرحه عميق شوية في راسه ومتقلقش العملية ناجحة بإذن الله، محتاجك بس تمضي علي أوراق إنك موافق علي اجراء العملية عشان نبدأ فيها.