(Unicode)
"သားငယ်လေး...မအိပ်သေးဘူးလား''
အခန်းထဲမှာ laptopတစ်လုံးနှင့် အလုပ်ရှုပ်နေပါသော ရန်စစ်နောင်အား အဒေါ်ဖြစ်သူမှ မေးလိုက်သည်။ အခန်းပေါက်ဝမှာ ရပ်နေသော တီလေးက ရန်စစ်ဆီသို့လျှောက်လာကာ လက်ထဲမှနွားနို့ခွက်ကို စားပွဲပေါ်သို့ချထားပေးလိုက်သည်။ ရန်စစ်လည်း ထိုနွားနို့ခွက်အောင် ကုန်အောင်သောက်ကာ နှုတ်ခမ်းကိုသပ်လိုက်သည်။
"သားကုန်အောင်သောက်တယ်နော်...တီလေး။နွားနို့သောက်ပါများလို့ ကြိုက်တောင်ကြိုက်လာပြီ''
ရန်စစ်စကားကြောင့် တီလေးက ရယ်သွမ်းရင်း...
"သားငယ်လေးကို တီလေးက ညတိုင်းနွားနို့တိုက်တာ အားရှိအောင်ပါကွယ်။မနက်ဘက်တောင်တိုက်ချင်သေးတာ။တီလေးရဲ့ သားငယ်လေးက ဒေါက်တာဖြစ်ပြီး သေးသေးကွေးကွေးလေး...''
"ခန္ဓာကိုယ်က သူ့ဘာသူမထွက်တော့တာလေ တီလေးရဲ့။ဒါလည်းချစ်ဖို့ကောင်းတာပဲ မဟုတ်ဘူးလား''
"ဟုတ်ပါပြီ...။ချစ်ဖို့ကောင်းပါတယ်ရှင်။ကဲ...တီလေးလည်းသွားအိပ်တော့မယ်။သားငယ်လေးလည်း စောစောအိပ်နော်။အရမ်းဉာဥ့်မနက်စေနဲ့''
"ဟုတ်ကဲ့ တီလေး''
ဒေါ်သဇင်ခက်သည် တူဖြစ်သူနှင့်စကားပြောခဲ့ပြီး ရင်ထဲတွင် လေးနေသည်။ ရန်စစ်လေးက အရင်ကလောက်တောင် မသွက်တော့။ လူကြီးဖြစ်၍ ရင့်ကျက်သွားသော တည်ငြိမ်မှုမျိုးဖြင့် တည်ငြိမ်တာလည်း မဟုတ်။ ပြဿနာက ဆယ်တန်းပြီးကတည်းက...။ ထိုအကြောင်းတွေကို သူမပြန်မတွေးချင်တော့သဖြင့် သက်ပြင်းကိုအသာအယာချကာ စိတ်ထဲမှ လွှတ်ချလိုက်လေသည်။ သို့ပေမယ့်လည်း သူမအတွက် ဒီတူလေးတစ်ယောက်သာ ရှိတာမို့ ရန်စစ်သာ စိတ်ချမ်းသာမယ်ဆို သူမဘာကိုပဲ ဖြစ်ဖြစ် လက်ခံနိုင်ပါသည်။
ဒီနေ့သူမကို မာန်ရဲထက်ရဲ့မိဘတွေ အကြောင်းကြားလာတဲ့ကိစ္စကိုရော ရန်စစ် သိရင်ဘယ်လိုတုံ့ပြန်မလဲ...။သားငယ်လေးအပေါ် ဆယ်တန်းနှစ်က မှားယွင်းခဲ့တဲ့အမှားအတွက် ယခုအချိန်မှ တာဝန်ယူပါ့မည်ဟု ပြောလာပါသော ကောင်လေးကိုလည်း သူမလုံးဝမနှစ်မြို့ပါ။ ထိုမာန်ရဲထက်ဆိုသော ကောင်လေးကြောင့် သားငယ်လေးရန်စစ်မှာ အချိန်အတော်ကြာ မလန်းမဆန်းဖြစ်ခဲ့ရသည်မှာ ယခုအချိန်ထိပင်။ သူမဘယ်လိုလုပ်ပြီး လက်ခံရပါ့မလဲ?ဒါပေမယ့် သားငယ်လေးသာ အဲ့ဒီကောင်လေးအပေါ် ခံစားချက်ရှိနေသေးရင်တော့ သူမဘယ်လိုနည်းနဲ့ ဖြစ်ဖြစ် လက်ခံရမှာပင်။
YOU ARE READING
From My Tears...
Romanceသံသရာတစ်ကွေ့ ဒီဘဝဝယ် ချစ်ခဲ့ဖူးသည် သူ့အပါးတွင် ခိုဖူးချင်သည် နောက်နောင်ဘဝ လွမ်းချင်းရပ်မည် ချစ်ခြင်းအတ္တ ဤဘဝ...။ 𝐒𝐭𝐚𝐫𝐭 𝐃𝐚𝐭𝐞-20.4.2021 𝐄𝐧𝐝 𝐃𝐚𝐭𝐞-15.10.2021 သံသရာတစ္ေကြ႕ ဒီဘဝဝယ္ ခ်စ္ခဲ့ဖူးသည္ သူ႕အပါးတြင္ ခိုဖူးခ်င္သည္ ေနာက္...
