(Unicode)
တုန်လှုပ်သည်၊ ကြောက်ရွံ့သည်။ မိမိအား မသတီသလိုကြည့်နေသော မျက်ဝန်းတွေအား အမြန်လွှဲမိကာ ထိုအကြည့်တွေကို မခံစားနိုင်တော့။ ထိုအကြည့်တွေအောက် သူသည်အကြိမ်ကြိမ်ကျရှုံးရသလို ထိုအကြည့်တွေ ၏ စူးရှဒဏ်ကလည်း သူ့နှလုံးသားအား အကြိမ်ကြိမ် ထိုးဆွနေသည်။ ပတ်ဝန်းကျင်က မိုးတို့အားလည်း သူမနှစ်သက်နိုင်တော့ပါ။ ရွံ့ဗွက်တို့ကြားမှ သူကြိုက်သည့် မြေသင်းနံ့ လှိုင်လှိုင်ထနေသော်လည်း သူမပျော်နိုင်တော့ပါ။ သူသိသည်က.... ။
ငါမင်းအနားမှာ နေချင်သေးတယ်။
သူ့ရှေ့မှ မောင်သည် ခပ်ဟဟရယ်သွမ်းလိုက်ကာ...
" ဟုတ်နေတာပဲနော်... ငါအရင်ထဲက သံသယဝင်ခဲ့တာ။ မင်းဖြစ်နေတာပဲကို မင်းရသရဲ့။ ''
" ငါက...''
" ဟား... တကယ်ပဲနော်။ မိန်းကလေးတစ်ယောက်ရဲ့ အကူအညီကိုတောင် ယူပြီး ငါ့အနားကိုလာဖို့ကြိုးစားနေတာပဲ...''
". . . "
ပြန်ပြောဖို့တောင် မဝံ့ရဲအောင် စကားလုံးများက မင်းရသအားသတ်သည်။ မောင်သည် သူ့အားထိုသို့ပင် ထင်နေသလား? ဟုတ်တော့လည်း ဟုတ်တာပါပဲနော် ငါက...။ နှုတ်ခမ်းထောင့်စွန်းမှ အနည်းငယ်ကော့တက်သွားအောင် ပြုံးလိုက်မိသည်။ တစ်ကိုယ်လုံး စိုရွှဲနေသော်လည်း သူ့ပါးပြင်ထက်တွင်တော့ မျက်ရည်ပူပူတို့နှင့်အတူ မိုးရေစက်တို့က ရောထွေးစိုစွတ်နေသည်။ ရသ ဘယ်လိုလုပ်ရတော့မလဲ။ အခုချိန်မှာ မောင်ကဘယ်လိုလုပ်ရောက်လာတာလဲ။
" ဘာလို့များ မင်းငါ့ကိုဒီလောက်တောင် ကပ်ဖို့ကြိုးစားနေရတာလဲ မင်းရသ''
ထိုမေးခွန်းကို ရသမဆိုင်းမတွစွာ ဖြေမိသည်။
"ငါမင်းကိုချစ်လို့ မောင်''
ထိုအခါချစ်ရသူက ဘေးတစ်ဖက်သို့မျက်နှာကိုလှည့်လိုက်သည်။ ငါ့မျက်နှာကိုတောင် မင်းမမြင်ချင်တာလား။
" ငါမင်းကိုပြောခဲ့ပြီးပြီပဲ။ မင်းကိုလုံးဝမချစ်နိုင်ဘူး...။ ငါယောက်ျားတွေကို စိတ်လည်းမဝင်စားဘူး၊ချစ်လည်းမချစ်နိုင်ဘူး။ အထူးသဖြင့် မင်းပေါ့ မင်းရသ။ ''
YOU ARE READING
From My Tears...
Romanceသံသရာတစ်ကွေ့ ဒီဘဝဝယ် ချစ်ခဲ့ဖူးသည် သူ့အပါးတွင် ခိုဖူးချင်သည် နောက်နောင်ဘဝ လွမ်းချင်းရပ်မည် ချစ်ခြင်းအတ္တ ဤဘဝ...။ 𝐒𝐭𝐚𝐫𝐭 𝐃𝐚𝐭𝐞-20.4.2021 𝐄𝐧𝐝 𝐃𝐚𝐭𝐞-15.10.2021 သံသရာတစ္ေကြ႕ ဒီဘဝဝယ္ ခ်စ္ခဲ့ဖူးသည္ သူ႕အပါးတြင္ ခိုဖူးခ်င္သည္ ေနာက္...
