"မတွေ့ရတာတောင်ကြာပြီနော်"
"ကိုကြီးကျော်ဦးကတော့လုပ်ပြီ"
တကယ်ပင် သူတို့နှစ်ယောက်ကိုကြီးကျော်ဦးနဲ့မတွေ့တာကြာပြီပင်။ကိုကြီးဖိုးသားနဲ့ကမှတစ်ခါတလေတွေ့ဖြစ်သေးတာ။ခုလည်း
ဟိုးအရင်တုန်းကလို အစ်ကိုနှစ်ယောက်ဆီကအကြော်လာကပ်စားတာ။"မြို့သားက ဒို့ရွာမှာတစ်သက်လုံးမနေတာကျေးဇူးတင်တယ်
ပြောရမယ်၊မဟုတ်လို့ကတော့သကြားသီးနှစ်လုံးကိုတွေ့ရမှာ
တောင်မဟုတ်ဘူး""ဟာဗျာ"
ဖိုးသားကတော့ ကျော်ဦးစကားကိုသဘောကျစွာရီနေလေသည်။
"ဧည့်သည်ကို ပြစ်ထားလို့မှမရတာ ကိုကြီးကျော်ဦးကလည်း"
"ဟုတ်ပါပြီ ဟုတ်ပါပြီ"
"သကြားသီးနှစ်လုံးရေ"
"ဗျာ"
အကြော်ကြော်နေရင်းမှ မကြီးခိုင်ကနာမည်ခေါ်လာသဖြင့်
နှစ်ယောက်သားထူးလိုက်ကြသည်။"ဒီနေ့ ငါ့မောင်ပြန်လာမှာ"
"မင်းခန့်လား"
"အေးပေါ့ဟယ်၊ငါ့မှာမောင်ဘယ်နှယောက်ရှိတာကျလို့"
"ဘယ်အချိန်လောက်ပြန်လာမှာလဲဟင်၊မုန့်လာစားရအောင်"
"ညနေလောက်နေမှာပေါ့"
မင်းခန့်ကိုကိုကသူတို့နှစ်ယောက်နဲ့အတန်းတူသူငယ်ချင်း။ရန်ကုန်တက်ကာအလုပ်လုပ်နေခြင်းဖြစ်သည်။ရွာကလူငယ်
အများစုကမြို့တက်ကာတိုးတက်ရာတိုးတက်ကြောင်း
လမ်းကြောင်းရှာကြသည်။ဒါကြောင့် သူတို့ရွယ်တူတွေက
ရွာမှာသိပ်မရှိကြ။"ငါ့မောင်ရွာပြန်လာတိုင်း ဘယ်တုန်းကသကြားသီးနှစ်လုံး
အတွက်မပါဘဲရှိလို့လဲအေ"အဲ့ဒါတော့အမှန်ပင်။မင်းခန့်ရွာပြန်လာတိုင်းကျွန်တော်တို့နှစ်ယောက်အတွက်က
အမြဲတမ်းမပါမဖြစ်။"မင်းခန့်က သူ့သူငယ်ချင်းတွေကိုတော့တော်တော်ချစ်တယ်
နော်"ကျော်ဦးကပါဝင်ပြောလာလေသည်။
"ဟုတ်ပအေ"
YOU ARE READING
MY VILLAGER (COMPLETED)
Romance"ကောင်းကင်ပေါ်မှာ တိမ်တွေရှိတယ် ပင်လယ်ထဲမှာ ရေတွေရှိတယ် ကိုယ့်နှလုံးသားလေးကတော့ ရွာငယ်လေးမှာရှိတယ်" "ေကာင္းကင္ေပၚမွာ တိမ္ေတြရွိတယ္ ပင္လယ္ထဲမွာ ေရေတြရွိတယ္ ကိုယ့္ႏွလုံးသားေလးကေတာ့ ႐ႊာငယ္ေလးမွာရွိတယ္" Start Date~4.8.2021 End Date ~.4.9.2021