"ဒါက သုသာန်လေ၊ရွာတောင်ပိုင်းနဲ့လမ်းပဲခြားတာရယ်"
လမ်းဖြတ်ရင်းပြောလာသော အကောင်ပေါက်။ကိုယ်က တစ်ဦးတည်းသော သားမို့လို့လားမသိဘူး။တွေ့တာမကြာသေးဘူး။ဒီကလေးနှစ်ယောက်ကို သံယောဇဥ်တွယ်နေပြီရယ်။
"ကျွန်တော်တို့ငယ်ငယ်တုန်းကတော့ အိမ်မှာဝက်မွေးတယ်လေ။ညနေကျောင်းဆင်းတာနဲ့ ဝက်ကျောင်းရတော့တာပဲ။ဝက်လွှတ်တာကတော့ အနောက်ကိုလွှတ်တာ။အဲ့ဒါကို ဝက်မကြီးက ဒီတောင်ပိုင်းပဲရောက်ရောက်သွားတာ၊ပြန်တွေ့ရင် သုသာန်မှာကြီးပဲ"
"ငယ်တုန်းကတော့ သုသာန်လည်းတစ်ယောက်တည်းသွားတာပဲ၊ကြီးလာတော့ အဖော်ပါတယ်ဆိုရင်ကို သိပ်မသွားရဲတော့ဘူး၊ဟီးးးဟီး"
ရယ်ရယ်ပြုံးပြုံးနဲ့ပြောလာပါသော အကောင်ပေါက်။ဝိုင်းချစ်ကတော့ ငြိမ်ချက်သားကောင်းနေတယ်။
ရွာပြင်ရောက်တာနဲ့ လယ်ကွင်းတွေကို တစ်မျှော်တစ်ဆုံးမြင်ရတော့တာဲ။ကုန်းတွေပေါ်မှာက ပြောင်းခင်းတွေနဲ့။မနီးမဝေးက တောင်တန်းကြီးတွေ။ဟိုနားတစ်စု ဒီနားတစ်စု တဲပေါက်စတွေ။ဒီရွှာလေးက ကုန်းမြင့်ကျတယ်ပြောရမယ်။ဟိုးအနောက်မြေနိမ့်ပိုင်းဆီမှာ မြင်နေရတဲ့ ရွာငယ်လေးတစ်ရွာ။
ဟော..ရှေ့မှာချောင်းလေး။
"ဒါကတောင်ကချောင်းလေ၊ငယ်ငယ်တုန်းကတော့ ဒီချောင်းမှာအဖော်တွေနဲ့ငါးနှိုက်ငါးဖမ်းခဲ့တာ၊ရွံ့တွေနဲ့လောက်စာလုံးပြီး လောက်စာကဲတမ်းကစား၊အိမ်ပြန်ရင် အဖေကတုတ်ကိုင်ပြီးစောင့်နေပြီ"
"ဝိုင်းချစ် မင်းအရင်ရေထဲဆင်းကြည့်စမ်း၊ရေနစ်သလားသိချင်လို့"
"သိချင်ရင် မင်းဆင်းကြည့်ပါလား"
ငြင်းခုန်နေကြသော အမြွှာနှစ်ယောက်အားကြည့်ရင်း မင်းမြတ်မှာ သဘောတွေကျနေလေသည်။
"ကိုယ်အရင်ဆင်းကြည့်မယ်"
"ကောင်းတာပေါ့၊ဟီးးးဟီး"
သြော်..ကိုယ်အရင်ဆင်းမယ်လည်းပြောလိုက်ရော ပျော်သွားကြပါသော အမောင်နှစ်ယောက်။
ရေကအပေါ်လျှံတက်နေတော့ နစ်မယ်ထင်ထားတာ။တိမ်တိမ်လေးရယ်။
YOU ARE READING
MY VILLAGER (COMPLETED)
Romance"ကောင်းကင်ပေါ်မှာ တိမ်တွေရှိတယ် ပင်လယ်ထဲမှာ ရေတွေရှိတယ် ကိုယ့်နှလုံးသားလေးကတော့ ရွာငယ်လေးမှာရှိတယ်" "ေကာင္းကင္ေပၚမွာ တိမ္ေတြရွိတယ္ ပင္လယ္ထဲမွာ ေရေတြရွိတယ္ ကိုယ့္ႏွလုံးသားေလးကေတာ့ ႐ႊာငယ္ေလးမွာရွိတယ္" Start Date~4.8.2021 End Date ~.4.9.2021