"အဖွား အသာနှိပ်ပါဆို၊နာတယ်လို့"
"ဒါအသာနှိပ်နေတာပ ငါ့မြေးရယ်၊ခဏနေရင်မနာတော့ဘူးနော်"
အဆစ်လွဲသွားသောခြေထောက်အား ဖွားချစ်မှနှိပ်ပေးနေခြင်းဖြစ်သည်။ရုန်းကန်နေသော ချစ်ဝိုင်းကိုယ်အား မင်းမြတ်မဟော်မှသိမ်းကျုံးကာဖက်ထားပေးရသည်။ကျန်ခြေထောက်တစ်ဖက်အား ဝိုင်းချစ်မှဆွဲထားပေးရ၏။
ရင်ခွင်ထဲမှာ နှာတရှုံ့ရှုံ့ဖြစ်နေသောအကောင်ပေါက်အားကြည့်ပြီးမင်းမြတ်မှာ အသနားပိုရသည်။ဖြူဥနေတဲ့ခြေထောက်လေးက အနည်းငယ်ယောင်နေတာမြင်ရတာ ရင်ထဲတဆစ်ဆစ်။
ဘေးနားချထားသောထွန်းရွှေဝါဘူးအားအဖုံးဖွင့်ကာအနည်းငယ်ကလော်လိုက်ပြီး အသာနှိပ်နယ်ပေးလိုက်သည်။ဦးချစ်မောင်မှာတော့ နာလွန်း၍ငိုနေသောသားဖြစ်သူအားကြည့်ကာ ရင်ထဲမကောင်း။
"ကဲ...နှိပ်ပြီးပြီ၊ပြန်ကောင်းသွားမှာနော် ငါ့မြေးလေး"
"နာသေးတယ်"
"နောက်ကျရင် မနာတော့ဘူးနော်၊မောင်မင်းမြတ်ရေ မင်းညီကိုအခန်းထဲတွဲကူလိုက်ပါဦး"
"ဟုတ်ကဲ့ ဖွားချစ်"
ပြောပြောဆိုဆိုနှင့်မင်းမြတ်မှာ ချစ်ဝိုင်းကိုကောက်ပွေ့ကာ အိမ်ပေါ်ထပ်သို့သယ်သွားလိုက်သည်။
"သြော် ဒီကလေးနှယ်၊ဒီတိုင်းတွဲသွားလည်း ရတဲ့ဟာကိုကွယ်"
"ဝိုင်းချစ်လာ၊ငါ့ကို မျှစ်လွှာကူ"
မီးဖိုချောင်မှမမဝိုင်းရဲ့အော်သံကြားပြီး ဝိုင်းချစ်နှာခေါင်းရှုံ့မိသည်။ဒီနေ့တော့ သူလေးနားရတော့မည်မဟုတ်ပါ။
"ဟဲ့လာပါဆို၊ငါဒီမှာ မျှစ်ပြုတ်နေလို့၊ပြုတ်ပြီးသားတွေလွှာပြီးရင် နေပူတုန်းလှန်းရမှာ၊မဟုတ်ရင် မိုးကသေချာတာမဟုတ်ဘူး"
"လာပါပြီ မမဝိုင်းရေ"
<<<<<<<<<<<<<<<<<<<<<<<<<<<<
မင်းမြတ် အကောင်ပေါက်ကို အခန်းထဲမှမွေ့ယာပေါ်သို့ခြေထောက်မခိုင်းမိအောင် သတိထားပြီးအသာလေးချပေးလိုက်သည်။ရွာဆိုတော့ ကုတင်မဟုတ်ဘဲ ဖျာပေါ်မှာမွေ့ယာထပ်ခင်းထားခြင်းဖြစ်သည်။
YOU ARE READING
MY VILLAGER (COMPLETED)
Romance"ကောင်းကင်ပေါ်မှာ တိမ်တွေရှိတယ် ပင်လယ်ထဲမှာ ရေတွေရှိတယ် ကိုယ့်နှလုံးသားလေးကတော့ ရွာငယ်လေးမှာရှိတယ်" "ေကာင္းကင္ေပၚမွာ တိမ္ေတြရွိတယ္ ပင္လယ္ထဲမွာ ေရေတြရွိတယ္ ကိုယ့္ႏွလုံးသားေလးကေတာ့ ႐ႊာငယ္ေလးမွာရွိတယ္" Start Date~4.8.2021 End Date ~.4.9.2021