"ရင်ထဲရှိ ရှိသမျှပြောပြရရင် တကယ်လှတယ်
မြင်သူတကာငေး ငေးလောက်အောင်လှရက်လို့
ချူလိုသူတွေ....."
"ဥပုသ်ကျိုးပြီဟေ့ ဟားးးဟားးး"
ညနေဆို TVကလာတဲ့မြန်မာသံစဥ်တွေကိုဦးချစ်မောင်က
နားထောင်နေကျ။ဥပုသ်သည်တွေ ဥပုသ်ချပြီးတာနဲ့အိမ်ပြန်
လာတော့ သီချင်းသံကြားပြီးလိုက်ဆိုတဲ့အမြွှာနှစ်ယောက်ကို
ဝိုင်းချစ်မောင်မောင်ကဟားပါလေရော။
"သီချင်းဆိုရင် ဥပုသ်ကျိုးတယ်ဟဲ့"
ဆန်ပြာရင်းကနေတဟားဟားအော်ရယ်နေပါသော
အစ်မဖြစ်သူကြောင့် အမြွှာနှစ်ယောက်မှာမျက်စောင်းထိုးမိသည်။
"တစ်ပါးထဲကျိုးတာပါ ငါ့မြေးတို့ရယ်"
"ဟုတ်၊ထပ်မဆိုတော့ဘူး ဟီးးးဟီးး"
နေ့လည်ကတည်းကရေချိုးထားပြီးပြီဖြစ်သဖြင့်အိမ်အောက်ကခုံရှည်ပေါ်မှာသာ တုံးလုံးပက်လက်လှဲချလိုက်သည်။အဖွားနှစ်ယောက်ကအခန်းထဲဝင်သွားသည်။ဦးချစ်မောင်ကတော့ သီချင်းနားထောင်နေတုန်း။
"ညနေဘာဟင်းချက်တာလဲဟင် မမဝိုင်း"
"ငါးရံ့ပလူရွက်အတို့အမြုပ်၊အဝေရာရွက်သုပ်ရယ်၊ကိုသာအောင်ပို့သွားတဲ့ကြက်သား၊မျှစ်ဆန်လှော်"
"ထမင်းမြိန်ပြီ"
လျှာသပ်ကာပြောလာသောအကောင်ပေါက်ကိုကြည့်ပြီးမင်းမြတ်အူယားမိပြန်သည်။ကိုယ့်မှာချစ်မိတော့လည်း ဒီကလေး
ဘာလုပ်လုပ်ကိုချစ်စရာလေးလို့ပဲ မြင်နေတော့တာ။
"ထမင်းမြိန်လည်း နင်တို့မစားရပါဘူးနော်"
ငေါက်ခနဲထထိုင်လာကြပါတယ် နှစ်ယောက်သား။
"ဟင် ဘာလို့မစားရတာလဲ"
"ဟဲ့ ဘယ်ဥပုသ်သည်ကညစာစားတယ်လို့ကြားဖူးတုန်း၊
ဥပုသ်ကျိုးတယ်ဟဲ့"
"အာ...."
"ဗိုက်ဆာတယ်သားနဲ့မစားရင် ပိုငရဲကြီးတယ်ငါ့မြေးတို့ရဲ့၊
ဗိုက်ဆာရင် ပေမနေနဲ့၊စား ကြားလား"
"ဟီးဟီးးးးဟုတ်"
အခန်းထဲကထွက်လာသောဖွားချစ်ဝင်ပြောလိုက်မှ
သွားတက်နှင့်ပါးချိုင့်လေးတွေပေါ်အော်ပြုံးပျော်လာကြပါသောအမြွှာနှစ်ယောက်။
YOU ARE READING
MY VILLAGER (COMPLETED)
Romance"ကောင်းကင်ပေါ်မှာ တိမ်တွေရှိတယ် ပင်လယ်ထဲမှာ ရေတွေရှိတယ် ကိုယ့်နှလုံးသားလေးကတော့ ရွာငယ်လေးမှာရှိတယ်" "ေကာင္းကင္ေပၚမွာ တိမ္ေတြရွိတယ္ ပင္လယ္ထဲမွာ ေရေတြရွိတယ္ ကိုယ့္ႏွလုံးသားေလးကေတာ့ ႐ႊာငယ္ေလးမွာရွိတယ္" Start Date~4.8.2021 End Date ~.4.9.2021
