"အင်္ကျီလက်ရှည်ဝတ်ထားကြလေ၊မိုးရွှာနေတာကို"
မိုးသည်းနေတာကိုအင်္ကျီ လက်ပြတ်နှင့်အိမ်အောက်ထိုင်နေကြသောအမြွှာနှစ်ယောက်ကို ဝိုင်းချစ်မောင်မောင်ပြောလိုက်ရသည်။ဘေးနားထိုင်နေတဲ့
ကိုမင်းမြတ်ကလည်း အင်္ကျီလက်ပြတ်နဲ့။"မချမ်းပါဘူး"
"ဘာမချမ်းတာလဲ၊ဖြစ်လာရင်က သူများနဲ့တူတာမဟုတ်ဘူး၊
သွားဝတ်ထား""မချမ်းပါဘူးဆိုဗျာ မမဝိုင်းကလည်း"
"ကိုကြီးချစ်ဝိုင်း....ကိုကြီးဝိုင်းချစ်"
အိမ်ရှေ့ကနေအင်္ကျီတုံးလုံးကြီးနဲ့လှမ်းအော်လာပါသောဂေရှောင်း။ဒါ သူမိုးရေချိုးနေတာပေါ့လေ။
"ဘာလဲ"
"လာခဲ့၊မိုးရေချိုးရအောင်"
အမြွှာနှစ်ယောက်ရဲ့အကြည့်ကမျက်လုံးစွေစောင်းဖြင့်ကြည့်နေသောဝိုင်းချစ်မောင်မောင်ဆီသို့ရောက်သွားသည်။
"ဘယ်မိုးရေမှ မချိုးရဘူး"
"နေမကောင်းဖြစ်မယ်လေ အကောင်ပေါက်"
"တစ်ခါတစ်လေလေးပဲမိုးရေချိုးမှာကို"
မျက်နှာငယ်လေးနဲ့ပြောလာကြသောနှစ်ယောက်သား။
"အေး နေမကောင်းဖြစ်လို့ကတော့ဒီတိုင်းပစ်ထားမှာနော်"
"နေမကောင်းမဖြစ်စေရဘူး စိတ်ချနော်၊မမဝိုင်း ဟီးးးဟီး"
"ကိုကြီးရော မိုးရေချိုးဦးမလား"
အင်္ကျီချွတ်ကာလှမ်းမေးလာသော အကောင်ပေါက်။မင်းမြတ်ခေါင်းယမ်းပြလိုက်သည်။
"ဂေရှောင်း လာသွားမယ်"
ပြေးထွက်သွားသောအကောင်ပေါက်ကိုကြည့်ပြီးမင်းမြတ်မှာအူယားရပြန်သည်။ဒီကလေးတွေကတောသားဟုတ်ရဲ့လားတောင်ထင်စရာမရှိဘူး။ကိုယ့်ထက်တောင် ဖြူဖွေးနေသေးတယ်။
"မိုးရွှာရင် မိုးရေချိုးမယ်
မေမေလာရင် နို့စို့မယ်
ဖေဖေလာရင် အုန်းသီးခွဲစားမယ်...."တစ်ဖက်အိမ်ကကလေးသုံးယောက်အသံကမိုးသံကြားထဲမှ
ပေါ်ထွက်လာသည်။လူကြီးတွေကတော့မိုးအေးအေးနှင့်စောင်ထဲကွေးနေကြသည်။
YOU ARE READING
MY VILLAGER (COMPLETED)
Romance"ကောင်းကင်ပေါ်မှာ တိမ်တွေရှိတယ် ပင်လယ်ထဲမှာ ရေတွေရှိတယ် ကိုယ့်နှလုံးသားလေးကတော့ ရွာငယ်လေးမှာရှိတယ်" "ေကာင္းကင္ေပၚမွာ တိမ္ေတြရွိတယ္ ပင္လယ္ထဲမွာ ေရေတြရွိတယ္ ကိုယ့္ႏွလုံးသားေလးကေတာ့ ႐ႊာငယ္ေလးမွာရွိတယ္" Start Date~4.8.2021 End Date ~.4.9.2021