ချစ်ဝိုင်းခေါ်ရင် နှစ်ခါမခေါ်ရပါသောအမောင်မင်းမြတ်။
"ဝိုင်းချစ် မင်းအရင်သယ်ခဲ့၊လမ်းတစ်ဝက်ကျရင်ငါသယ်မယ်"
"အေး"
"ငါ့မြေးတို့ ထမင်းသွားပို့ကြတော့မလို့လား"
အိမ်သာမှပြန်လာသောဖွားခင်က ချစ်ဝိုင်းတို့ကိုကြည့်ကာ
မေးလာသည်။"ဟုတ်ကဲ့ ဖွားခင်၊ကိုကြီးမင်းမြတ်ရောလိုက်မှာတဲ့"
"အေး..အေး၊အောက်လည်းကြည့်သွားကြဦးနော်"
"ဟုတ်ကဲ့၊သွားပြီနော်"
<<<<<<<<>>>>>>>>>>>>>>>>>>>
"လမ်းတွေကလဲ မိုးရွှာရင်နည်းနည်းလေးမှမကောင်းဘူး၊
သွားရလာရအဆင်မပြေတာတွေ"လမ်းသွားရင်းပွစိပွစိပြောနေသော အကောင်ပေါက်ကိုမကြည့်အားပါဘူး။ရှေ့ကဗွက်တွေကိုကျော်ဖြတ်ဖို့သာ ခုအရေးကြီးပါသည်။
ခြင်းဆွဲထားရတဲ့သူက ဘာမှမပြောရဘူး။လက်ဗလာနဲ့သွားနေရတဲ့ချစ်ဝိုင်းရဲ့ဗျစ်တောက်ဗျစ်တောက်သံတွေကိုကြားပြီး ဝိုင်းချစ်မှာနားအူလှပါပြီ။
"ဘွတ်ဖိနပ်လေးစီးခဲ့ရင်အကောင်းသား၊ခုတော့
ခြေထောက်ကရွံ့တွေချည်းပဲနေပြီ"မင်းမြတ်ရှေ့မှအကောင်ပေါက်ကိုကြည့်လိုက်တော့တကယ်ပင်ခြေထောက်က ရွံ့တွေချည်းပဲနေပြီ။ကိုယ်တောင် အကောင်ပေါက်လောက်ရွံ့မစင်ဘူး။ဒီကလေးဘယ်လိုသွားလဲမှမသိတာကို။
"သကြားသီးနှစ်လုံး ဘယ်သွားကြမလို့လဲ"
အနောက်မှအသံကြားလို့လှည့်ကြည့်လိုက်တော့ ဦးကြီးမောင်ဦးလေ နွားလှည်းကြီးမောင်းလာတာ။လမ်းအပေါ်စိတ်ရောက်နေတာနဲ့ကိုအသံမကြားလိုက်ဘူး။
"တောထဲထမင်းသွားပို့မလို့၊ ဦးကြီးမောင်ဦးရော တောထဲသွားမလို့လား"
"အေး၊မင်းတို့က ဘယ်ဆီသွားပို့ရမှာမို့လဲ"
"ကိုင်းကြီးဖျားဘက်လေ"
"ငါလည်းအဲ့သွားမှာ၊လိုက်ခဲ့ကြလေ"
ဒါမျိုးဆို အမြွှာနှစ်ယောက်ကသိပ်သိပ်ပျော်။
ခြေထောက်မညောင်း ရွံ့မစင်တဲ့လမ်းကိုရွေးမှာပေါ့။
![](https://img.wattpad.com/cover/277132788-288-k962554.jpg)
DU LIEST GERADE
MY VILLAGER (COMPLETED)
Romantik"ကောင်းကင်ပေါ်မှာ တိမ်တွေရှိတယ် ပင်လယ်ထဲမှာ ရေတွေရှိတယ် ကိုယ့်နှလုံးသားလေးကတော့ ရွာငယ်လေးမှာရှိတယ်" "ေကာင္းကင္ေပၚမွာ တိမ္ေတြရွိတယ္ ပင္လယ္ထဲမွာ ေရေတြရွိတယ္ ကိုယ့္ႏွလုံးသားေလးကေတာ့ ႐ႊာငယ္ေလးမွာရွိတယ္" Start Date~4.8.2021 End Date ~.4.9.2021
Part[14]
Beginne am Anfang