💥هوس 💥السفاح💥

02/44

💥هوس السفاح💥44/02/
بقلمي ✏رنوشة✏
ربع ساعة وتيليفونو صونا رقم جديد شاف مع خاوتو وتبسم بخبث متأكد أنو هو هز عليه وبالفعل ظهر هو عرفو من ضحكتو الخبيثة كيفو
مصطفى:هههههه السفاخ بكلو عاجز يا سلام معجزة القرن هاذي أسمع مني فيدك ساعة تكون فيها عندي هنا أنت وخوك عشير عمرك وتكون حياتكم مقابل حياة ولادك وإلا أنساهم ياحفيدي
كابس على بونية يدو مخليه يطول فمدة المكالمة عن قصد باش خوه يقدر يتعقب الإتصال تنهد ورد
أرسلان:يلي خاطفهم ولادي أنا ماتدخل حتى واحد غيري فالمقايضة المسخة نتاعك ابعثلي ميساج وين نجيك وأنا نكون لتماك فالوقت يا شيطان
مصطفى:لا لا عيب يلي تقوب فيه مايجيش أنك تسب جدك أخرج لبرا قدام المستشفى ورجالي يجيبوك ليا وعملت مليح وقت ماخبرتش الأمن
كوبا عليه وهو يضحك شاف مع خوه غمزلو تنفس براحة ووقف خارج وقفو خوه يحكي معاه بغش
كرم:هاي يامعلم وين على خير ماتقوليش رايحلو وحدك غير أنسى رجلي عرجلك والرفض ممنوع
شاف معاه وبعدها مع أسر غمزو وتكلم بإستفزاز
أرسلان:هو ياخويا كاين شكون يأمر فيا ولا أنا غالط السفاح يتأمر ومن شكون من خوه وين صار
كرم:مرانيش نأمر فيك حاشى مي نخبر لأني مستحيل نخليك وحدك وحنا هنا نستناو انساها
أسر:وشكون قالك راح نبقى هنا أنا ههههه التعقب ماكانش بلا معنى رجالنا سبقوه للمكان من لحظة حددنا الموقع عارف أنك ماشي بعقلية القانون وأحنا عكسك نخمو قبل ما عدونا يتحرك يا كرم هو صحيح شيطان أما غبي خلى وراه ثغرة وتكلم
أرسلان:صحيح رايح نقابلو أما فمقري وبين رجالي وولادي يكونو فحضن أمهم والحماية مجرد لعبة على عينيه هو حاط فبالو حصرني وخلاني عاجز
كرم:ينخاف منكم والله يهاكم برهنتو أنكم بالحق السفاح والهكر الثنائي الأخطر فأوروبا وروسيا ههه
تبسملو وخرج من حداه وراح لعند مرتو لقاها فحضن باباها يسكت فيها دموعها لاحبو ينشفو نجود فحضنها حالفة تسيبها غير شافتو بعدت من باباها وهو قرب منها جبدها لحضنو باس راسها ورأس بنتو قلبو يبكي دم على حالتها مايقدرش يشوفها وهي هكا عارفها موجوعة أما هو رايح يداويها ويرد ولادو لحضنهم ويحاسب شيبة الشر
#يامن سكنتي قلبي فأبى أن يدخله غيرك بعدها هواك وصار مهوسا بك ولكنه بدون أحبهم تلك المخلوقات الصغيرة التي هي قطعة منك لأنها من صلبك إستحت النجوم من ضحكتك وغارت الشمس من وجودك نعم منك ياهوس السفاح#
خرج باباها من حداهم مخليهم وحدهم نزل باسها من شفافها وحط جبينو عجبينها يحكي بضعف
أرسلان:هوسي بنت قلبي أنت علاش تعملي هكا فروحك وفيا مام أنا راهم ولادي ياك وعدتك نرجعهم وعد قبل الفجر يكونو فحضنك ارحميني
ماردتش عليه وناضت نجود تبكي بعدت عليه رايحة ترضعها وهو وقف غلق الباب بالمفتاح بدأت ترضع فيها وتخمم فالإثنين لخرين أكيد جيعانين ويبكيو يادرا شربوهم لحليب ولا نن ملبسينهم ولا معريينهم خايفة عليهم عاللخر....... فدار صغيرة جاية بعيدة عالسكان شوية قاعد فالصالون وفحجرو عاهرتو الزرزومية الكحلاء غارقين فسلسلة قبلات أعععععع تعيف زيهم صوت بكاء الصغار ماهزش منهم شعرة مايحسو غير برجال هاجمين عليهم والسلاح عند راس كل واحد منهم دخلو زوج منهم وين لولاد هزوهم وخرجو وواحد أخر جبد تيليفونو عيط لمعلمو أپال فيديو هز عليه فالحين من غير مايستنى لحظة بدأ يحكي معاه
💂:سيدي المهمة نجحت أنقضنا الأسياد الصغار وألقينا القبض عليه هو وشريكته أنظر ها هم هنا
دورلو التيليفون جبهتهم قاعد وهي فحجرو والرجال مصوبين أسلحتهم عراسهم تبسم وتكلم يستفز فيه ويرجعلو فالضربة يلي وكلهالو قبيلة
👑Ranoucha👑