💥هوس 💥السفاح💥

02/36

💥هوس السفاح💥36/02/
بقلمي ✏رنوشة✏
حالتو هاذي موش نورمال مستحيل تكون بسبة الضغط وبس لأنو هو يعرفو مليح ياما تعدات عليهم أيام أصعب من هاذي وتخطاوها أرسلان أقوى من أنو يتهد بضربة وحدة ومن شكون من كلب رخيس ماجاء شئ يسموه جدهم يعطيه السابق واللاحق والرصاص المتلاحق أسيا مالقات بيها وين توقف بحذا كرم يلي بين لحياة والموت ولا تروح تطمن على أرسلان البكري نتاعها وفخرها فالحياة رغم كل يلي عاشو هو وخوه وتعدا عليهم ماقدروش يحقدو عليها وسامحوهم حتى وبوكانت موش هي المذنبة أما الدافع الأساسي لجدهم باش يحرقهم هكا سيلا معاها تسكت فيها وهي خايفة عليهم بالواحد صحيح تحبهم لكل وتقادرهم حاسبتهم عايلتها الثانية أما آيات وأرسلان غير هما يلي بفضلهم خرجت من لوسخ يلي كانت فيه وتزوجت براجل تحبو وتستنى فصغير منو هذا الكل فقدت الحلم بيه وقت دخلت لدومان الدعارة هي بفضل لكلام المسموم يلي قالتو آيات للسفاح يومها وخروجو متغشش حياتها بدأت تتبدل وكمل فاضل وتهديدو لبنتو وقرارها فالبعد ولهروب خرجت نتيجة التحليل والباب دق دخلت منو الممرضة وهي هازتها فيدها ترجف ووجها شاحب خايفة من يلي جاي وهي عارفة واش معناه يلي فالورقة مليح محاولة القتل البطيئ وفشكون فالسفاح البوص ولمعلم لكبير مدتهالو وجات خارجة وقبل ما تحط، يدها عمقبض الباب الثاني عيط فرد عيطة بإسم شيبة الهم شافت معاه بخوف وهي بكلها ترعش لقات عينيه دم وعروقو مكبوسين الظاهر الدنيا راح تتحرق مافيهاش وصلت بيهم للرأس لكبير صاي
أسر:مصطفىىىى قاتلك يا****-**ورب العزة قاتلك
فاضل غير لحقو لخبر بيلي صار مع راجل بنتو جاه يجري مع دخلتو سمع صرخة أسر عرفها الحالة تڨلبت والنار شعلت ومراحش تخمد غير بموت واحد من الطرفين يامصطفى يقضي على أحفادو وينفذ يلي مانفذوش من سنين يا أرسلان وخاوتو يقتلوه (موتك يا مصطفى رايح يكون عبرة 👿👿للظالم)الممرضة خرجت وهو غلق الباب وتقدم منو قبل مايتكلم صونا تيليفون نسيبو جبدو خوه مرتو تعيط وجهو رجع أبيض كيفاش رايح يدير درك الطفلة مراحش تتحمل لوكان يهز وتسمع صوتو هو تتقلق عراجلها ولوكان مايهزش ثانيك مشكلة تنهد ومدلو ليه يحكي معاها لأنو هو مراحش يقدر صوتو خانو وقلبو نار متحلف فجدو غير يشدو يوريه اللعب مع السفاح وعايلتو كيفاش يكون فاضل خذا نفس وهز عليها مع هز تكلمت
آيات:وينك علاش لدرك باش رديت عليا صارت حاجة أتكلم ياأرسلان يهديك والله قلبي واخزني
خذا نفس وسكت شوية بعدها بدأ يحكي وخايف
فاضل:بنتي الزينة أهدي هذا أنا باباك راجلك مايقدرش يرد عليك واش بيها أميرتي مخنوقة أه
مع سمعت صوت باباها المهدود عرفتها كاينة حكاية وكبيرة تانيك سفاحها تعرفو وأكثر من أي شخص فالكون إذا كان موش، قادر يهز عليها يخليها تعيط أما عمرو يمد تيليفونو لمهما شكون يجاوب عليها فبلاصتو صاري معاه مشكل وباباها مخبي عليها قلبها موش مطمن باتاتا تكلمت معاه
آيات:بابا فوتلي راجلي من غير ولا عذر نعرف مليح أرسلان مستحيل يخلي شخص غيرو يرد عليا فوتلي راجلي نحب نطمن عليهبليز 😭😭
فاضل:مراحش تقدري تحكي معاه فاللحظة هاذي يابنتي يهديك أسمعي مني وخليكي فالدار مع ولادك حنا لدرك لاطمنونا عبنت عمك ولا على كرم
ماردتش عليه صاي الخوف كلالها مخها وخرقلها قلبها مراحش تقدر، تقعد هنا وراجلها الله أعلم بحالتو كيفاه ولا وينو آيات من غير أرسلان نكرة ماتسوى شئ من غيرو جسد بلا روح وقفت لبست حوايجها وخرجت من الغرفة قابلتها عزيزة وصاتها عالأولاد وروزا وخرجت ركبت مع الشوفار وراحتلو
👑Ranoucha👑