💥هوس 💥السفاح💥

20

💥هوس السفاح 💥20
بقلمي✏رنوشة ✏
خلاها واقفة وخرج من المستشفى مخنوق وحاسس بقلبو يتحرق أول مرة
يحس هكا شعور عمرو عاشو أنو يخاف يخسر حاجة تخصو جزء منو يحارب فالحياة والموت دواه هوسو راقدة لداخل عسرير أبيض بسكات موصولين بيها الألات وهي مستسلمة هو بيدو لحقها للحالة هاذي عمل يلي تعملو الوحوش فيها كان حيوان بمعنى الكلمة ودمرها حرق الورقة البيضاء يلي فليلة من ليالي الشتاء البارد دخلت دارو كضيفة وضعيفة مريضة تتحامى بيهم من برودة الجو وقياوتو هو واش يلي عملو كان أقسى من كل شئ هربت منو لعندو خطف ضحكتها وبرائتها أول مرة يعترف بغلطتو آيات رجعت نقطة ضعفو عند عزيزة واقفة قدام لقزاز تشوف معاها
ماعندهاش ساعة من وقت عرفتها أما رتاحتلها وحبتها حاستها بنتها يلي ماجابتهاش كرشها دمعتها نازلة والسبحة فيدها تدعيلها تشفى وتشد روحها شافت حالة أرسلان من حالتهر هاذي هي تعرفو من سنين عمرها شافتو بالضعف والإستسلام هذا حاطة يدها عالڨزازة وتحكي
عزيزة:يعيش بنتي شدي فالحياة ولا تحرميه منك أنت رايحة تكوني دواء لجراحو ومنقذتو من هالظلام يلي هو فيه بجاه ربي لا تعمليها بيه وتخليه وحدو أرسلان بحاجتك وبحاجة حنانتك
فبلاصة أخرى فنفس المدينة كانت حبست سيارتو قدام فيلا محلاها جاية فوسط حي راقي نزل كشاشو طالعة ومايضويش قدامو بعدما خرج من دارو ديراكت شد طربق المطار ساعات وكان فروسيا غير نزل من الطيارة هز تيليفونو عيطلو ماردش عليه زاد غشو منو أكثر دخل للدار طلع ديراكت لغرفتو نحى حوايجو وقصد الدوش فتح الماء بارد باش يبردلو نيرانو الشاعلة فداخلو
#إعتصام أعلنته السعادة فحياتهم كل منهم بطرق مغايرة عن الأول إستلم الحزن شارة القيادة ليشاركه فالريادة رفيقه الألم ألم يحن بعد موعدك ياضحكات ألم يئن الأوان للفرحة ذاقو ذرعا من التحمل والمواجهة يطلبون فصط فرحة#
فاتو الساعات والدقائق عليه كأنهم دهور وهي مازالها مافطنت واقفة عند راسها شادلها يدها وجها أصفر ومافيهش قطرت الدم تاعب وظاهر عليها المرض هبط لعندو حط جبينو على جبينها يحكي معاها يأمر فيها حابها تفطن وتهبلو بهدرتها
أرسلان:أفطني يا هوسي وهبليني بعنادك لوكان تروحي شكون نعاقب وقت نحب نتمتع شكون تقلي ماكش راجل وأنها تكرهني وعوفتها فروحها
فيقو حس الألات يلي مالي الغرفة والصوت المستقيم يلي يدل توقف قلبها فلحضتها دخلو الطبيبة والممرضات معاها بعدوه عليها وبداو يعملولها فالصدمات الكهربائية لمدة ربع ساعة والحالة مرونة الفشلة شدتو رجليه خانوه شد فالكرسي كان بجنبو وقعد عليه يشوف معاهم
👑Ranoucha👑