💥هوس 💥السفاح💥

02/07

💥هوس السفاح💥07/02/
بقلمي ✏رنوشة✏
أسر:مانقدرش نخليها وحدها فالدار ولا نديها للكلينيك جبتها هنا ترقد فغرفتي وعلى عينيكم أنا رايح نطول برا الجنازة الدفينة وبعدها نروح عند أسر نحكي معاه فموضوع الرجعة أتهلايلي فيهم
أسيا:نحطهم فعينيا ياولدي ماتخممش هيا طلعها للغرفة وبعدها روح لوين باغي هي قبل كل شئ
نحركلها راسو ودا مرتو طلع بيها للغرفة نتاعو هنا
فالكلينيك قاعد بجنبها ساكت وشادلها يدها يلعب بيها وهي موش جايبة خبر شوية وتخطف على صوتها ناضت تبكي وتنادي على ختها جبدها لحضنو مزير عليها ويسكت فيها أما هي لا حالفة تسكت لين صاي وصل للطوب دموعها قتلوه كوواه
أرسلان:حبيبي يزي من لبكاء بزي لعذاب هذا يعذبني معاك خمي فيا فولادنا لشكون نخلوهم أه
آيات:مانحبهمش لا مانحبش هم جاو وأختي راحت😭😭إفتخار أمي وروحي نحب نلحق عليها مانقدرش نعيش وهي ماكانش سامحني بليز
دزتو بكل قوتها رغم المرض أما هو فحالتها هاذي، أضعف منها هزت مقص كان عالطاولة رايحة تنتحر لحقها فأخر لحظة نطرهولها وضربها كف دوخها حالتها موش نتاع وحدة تقعد وحدها هو معاها وحاولت تعملها لوكان يغفل غير شوية مايلحقهاش صونا تيليفونو، ميساج فيه صورة نسيبو مربوط فكرسي وفاقد الوعي عينيه رجعو دم على ماراهم عليه شوية وعاود صونا رقم مجهول تنهد وهز عليه يسمع فيه يحكي وهو كون صاب راه قتلو
*****:السفاح حسب ماعرفت أنو مرتك بين لحياة والموت بسباب خبر خسارة أختها وإذا كملت لحقتلها باباها نكون درت إنجاز حياتي ههههه والله
أرسلان:ولدال#####بعيدة عليك تمسلي مرتي وولادي أنطق واش تحب باش ترجعو موش ناقص#####كيفك درك تتمس منو شعرة نقتلك
******:اووووووو بالشوية علينا ولد شريف ****ذكي كيف باباك نحب تفوتلي شحنة لروسيا بعد 48ساعة الجايين وقتها نرجعلك حماك بخير
تنهد بزعاف من طلبو وشاف معاها كيفاش مسلمة هي أختها ودارت هكا باباها تدير ماأكثر ذراعو تلوات وماعندوش حل أخر لازمو ينفذ شرطو باش
يرجعلها باباها وبعدهايلقى حل باش ينتقم منو هذا
أرسلان:أبعثلي المكان والوقت شحنتك توصل فوقتها أما تحسك عينيك تتمس منو شعرة ياكلب
كوبا عليه وخلاه قرب منها باسها من راسها وهمسلها فوذنها بوجيعة خايف يخسرها هي روحو
أرسلان:يعيشلي حبيبي أفطني وأرجعيلي بخير بحاجتك خلاص حتى ولادنا ماشفتهمش موش قادر نهزهم ونفرح بيهم وأنت بالحالة هاذي أفطني وخلينانرجعو لدارنا نربوهم كيف كيف ماتقتلينيش
قص عليه حديثو معاها الدكتورة وقت دخلت باش تطمن عليها وتحكي معاه على ولادو وصحتهم
🙎:سلام مسيو جيت نطمن على المدام ونحكي معاك على ولادكم وصحتهم إذا تسمحلي طبعا اه
حركلها راسها بإيه وهي ماستناتش وبدأت تفحص فيها وغير كملت شافت معاه ملامحو باردة تخوف
أرسلان:ماجيتيش هنا باش شوفي فيا أخدمي خدمتك وأحكي يلي عندك واش بيهم ولادي ملاح
بلعت ريقها وبدأت تحكي وهي تغص خايفة منو
🙎:الأولاد بحالة مليحة غير الطفلة شوية ضعيفة على خاوتها وهذا طبيعي ولازم تسيمهم وتسجلهم
نفخ بقلة صبر وحركلها صبر وتكلم بغصة مجبور
أرسلان:الطفلة سميها نجود وادراري رسن ورسلان الباقي شوية ونجي نتكفل بيهم طمنيني عليها هي
🙎:حالتها مستقرة أما داخلة فحالة صدمة وموش بعيد تدخل فإكتئاب بحاجة الدعم والحب خاصة منك أنت وماتذكروهاش بسباب الحالة نتاعها خير
أرسلان:مرسي وتقدري تروحي درك وكيف ماوصيتكم ولادي مايدخللهم حد من غيرك أخرجي
حركتلو راسها بإيه وخرجت هاربة منو عزرائيل هذا.... عند فاضل يفتح فعينيه بابشوية راسو يوجع من المخدر وموش قادر يركز مليح جاء يتحرك وجعو كتفو غمض عينيه متألم من الجرح
👑Ranoucha👑