💥هوس 💥السفاح💥

11

💥هوس السفاح 💥11
بقلمي✏رنوشة ✏
ناض الصباح على ريحة بنينة دخلت لخشمو ريحة أدمنها فيومين إستعمرتو وتعود عليها شاف بلاصتها لقاها غارقة فالنوم ملامحها البريئة والساحرة مهبلتو وسارقة منو راحت بالو هبط لرقبتها عضها منها ناضت موجوعة قابلها غارس راسو فيها تحركت عرفها فطنت يحكي وراسو مازال غارسو فيها يشم فريحتها ويعدي فلسانو
أرسلان:صباح الخير هيا نوضي أدوشي ونفطرو بعدها نخرجو نعملو شوبينغ تشري يلي ناقصك لكل
آيات:أما أنت مريض ومايجيش تتعب أرتاح وأنا نروح مع الحراس ونرجع وعد مانطولش ونرجعلك
أرسلان:لا وألف لا قلتلك جنس أدم مايقربلكش وأنت تقوليلي نخليك تروحي مع الحراس مستحيل نسمح أنو الحاجة هاذي تصير نروحو مع بعض وينتهي الكلام أنت ماتخميش فصحتي هيا
آيات:اوكي براحتك نروحو خليني نحضر روحي وأنت غير نكمل نجبدلك قشك ماتتحركش بزاف
راحت للدوش غسلت حالها وخرجت جبدتلو قشو حطتهولو باش يلبسو وجات رايحة باش تلبس هي تكلم معاها خلاها ترجع لعندو مسلمة أمرها ليه
أرسلان:مابقيتش نعاود كلامي مرة أخرى قشي وأي حاجة تخصني أنت المسؤولة عليه حتى التدواش تكوني حاضرة معايا تعتارضي تتعاقبي
ساعدتو لبس حوايجو ومام هي أجبرها تبدل قدامو لبست روبة فالأزرق بالورد وفوقها فاست دجين و وشعرها طلقتو وقف مقابلها يكيل فلبستها موش عاجبتو أما هاذا يلي عندها ورايحة معاه سكت وخلاها لين يوصلو للمول ويدير يلي فراسو وقتها يخير يلي يعجبو ويرضيه شبك يدو فيدها وهبطو لقاو أسر قاعد فطاولة لفطور يشرب فقهوتو غير شافها عينيه لمعو وذاب فيها ونسى روحو أما عيون السفاح المترصدة شافتو وزير عليها عندو أكثر قعد فبلاصتو وهي قعدها فحجرو مهما حاولت توقف منعها لين إستسلمت يفطرو وفسكات لين كملو باسها من رقبتها وتكلم
أرسلان:ماتستناناش عالغذاء ولم عينيك أحسن مانعميهم وأنت تعرفني نهدر وننفذ كلامي صاحبي
خلاه قاعد ووقف وهي معاه خرجو ركبها فالطموبيل ماللور وركب بجنبها لو كانت ليه كان هو يلي يسوق ويستفرد بيها أما الإصابة منعتو أما رغم هذا ماسلكتش من لمساتو وبوساتو المتفرقة بين فمها ورقبتها والحارس كأنو ألي عينو ماهزهاش معاهم ووذنيه مسكرين عليه شوية ووصلو للمول نزلو كيف كيف وهو مدور يدو على حزامها بتملك الحراس وراه يلي يشوفو يعرف أنو شخصية كبيرة دخلو أول شئ إختارلها لبسة الخرجة يلي هبلها باش رضا عليها وبعدها راحو للصبابط خلالها الحرية فالإختيار وهو قعد عالفوتاي يتفرج معاها كيفاش تدور من واحد لواحد بعد نصف ساعة كانت ختارت وصاي سلك هو وخلى الحراس يهزوهم وخرجو قابلهم محل الملابس الداخلية ولينويزات حبت تتفاداه حشمة منو أما مع شكون السفاح قاري لغة لعيون تمشى ليه وجرهامعاه ليه وهي وين تلقاها رجعت طمطومة من الحشمة موش للدرجة هاذي الجرأة
👑Ranoucha 👑