💥هوس 💥السفاح💥

02/27

💥هوس السفاح💥27/02/
بقلمي ✏رنوشة✏
أسر:خلاص هاني سكت ااا جريئة أنت مي والله لانك عادية تخطبيه وتعرضي عليه الزواج برافو
أسيا:سيبلي كنتي أنت أسمعو مني ثنيناتكم وخبرو خوكم الأخر أنا على كنايني نعادي ولادي تحسكم عيعينكم توجعوهم ولو بنظرة وأنت أتحرك أديها
ودعوهم وخرج هو وياها مخلينهم يطمنو على روزا تكلمت تسأل فيهم على آيات وسيلا يلي ماجاوش كانت محتاجتهم فحكاية تخصهم لثنين
روزا:أمي أسيا آيات وسيلا وينهم علاش ماجاوش؟ أسيا:آيات عندها دوفورات لزم عليها تروح لليسي وسيلا تاعبة شوية وحبت تتلهى بالأولاد لرجعتنا
روزا:توحشتهم والله خلينا نرجعو للدار باش نهزهم ونلعب معاهم شنوة قاتلك الدكتورة سمحتلي ولا
أسر:مممممم سمحتلك أما بشرط أنك ماتتحركيش من السرير عالأقل لين تدخلي ل7يعني شهرين
أسيا:وباش يكون فبالكم تخرجو منا ديراكت للفيلا لكبيرة معانا وقدام عينينا راجلك يخدم وأنت تبقاي وحدك وبعد يلي صار أنساو نخاطر بيكم
عزيزة:أي كلامها صحيح من اليوم باش تكوني تحت عينينا لين تولدي شنوة قلت أنت يا ولدي
أسر:أحسن حل المهم عندي راحتها وأنها معايا الباقي كل شئ يهون هيا خلونا نرجعو للدار أحسن
فالطموبيل يسوق وهي بجنبو تبربش فتيليفونها وتضحك وحدها وهو عينيه دم من الغش شد فران بالقاوي قدام جامعتها لين تفجعت ودارلها يحكي
كرم:أنت عملتي يلي فراسك وحطيتني قدام أمر الواقع خليتي يما فصفك أستناي مني رأي أنا درك
إيلينا:وراسك ياخطيبي مستعدة وعارفة أنو وراء سكوتك هذا عاصفة كبيرة أما إيلينا حمداوي عمرها تستسلم ودرك لازم نهبط راني روطار ياحبي
قربت منو طبعت بوسة فرقبتو وهبطت تضحك مخليتو يأكل فروحو(الطفلة عايشة البواسة كل ماتشوفو تبوسو 😂😂😂)ديمارا راجع للدار شوية ووصلو ميساج شافو هبل وعينيه زادو حمارو من الغش [خسارة موش عارف قيمتها الأميرة المدللة أما راح نهنيك منها ماتخافش] شكون هذا يلي بعثهولو تيليفونو يكشف أي راقم أما هذا لا شكون من مصلحتو يبعدها عليه هو صحيح مايحملهاش وموش موافق على عمايلها أما ماعمرو خمم يكرها ولا يبعدها عليه للأبد هز عيطلها ماهزتش عليه عاود يعيط مرة زوج وثلاثة والو التيليفون حرقو بالعياط لين وأخيرا هزت تضحك ولا على بالها غير سمعت ضحكتها هدأ شوية وبدأ يسأل فيها علاش طولت باش هزت
كرم:وين كنتي غابرة عزرين التيليفون عيطت ألف مرة أهدري علاش ساكة وين راكي درك يا *****ي
إيلينا:أهدا اوووو Rolexe bbأنا فالفاك وين ماخليتني ومع جماعتي نحكيو عليها ماسمعتوش
كرم:ليوم******بيك بجماعتك فاهمة أتهزي أخرجي راني قدام الباب نستنى فيك فيدك 5دقايق تتأخري دقيقة ندخل ونخرجك بنفسي هيا
إيلينا:اووووو خطيبي بالشوية عليا قلبي الصغير لايتحمل كل هذا الحب ههههه أركح برك جايتك أنا
فاتو دقايق وشافها جاية ضحكتها دايما مرسومة عشفافها وشعرها القصير الأسود يلمع من بعيد تاه معاها ومع مع تفاصيلها أول مرة يثبت فيها حتى أنو ماسمعهاش وقت تكلمت غير ركبت بجنبو تاه فعينيها (سلالة العرفاوي يعشقو فالعينين نقطة ضعفهم 😂😂😂😂)من غير مايردلها ديمارا وهي باقية تسأل فيه وشئ ساكت لين قص عليهم السيارات الرانج روفر وقت حلصروهم من الجهات الأربعة والرصاص يتطاير جيهتهم جاب ربي خدمتو تجبرو يدير إحتياطاتو وطموبيلو مضادة للرصاص جبد سلاحو وشاف معاها لقاها مغمضة عينبها ووذنيها كابسة عليهم بوذنيها الواضح أنها خايفة أصلا عندها الحق الطفلة تحب الجرأة والتحدي صحيح أما توصل للرصاص والمافيا حاجات أكبر منها تنهد بقلة حيلة وجبدها لحضنو وهي ماصدقت لربي لمسها حتى حاوطت جنابو رأسها فرقبتو تحكي ودموعها نازلين سخونين نار
👑Ranoucha👑