💥هوس 💥السفاح💥

61

,💥هوس السفاح 💥61
بقلميً✏رنوشة✏
بعدما كمل العرس وروحو لمعاريض أطمنت عليها فغرفتها وحدها راحت لعندو للفيلا تطمن عليه رغم يلي صار ومساندتها لخطة آيات باش ينقذوه من الموت إلا أنو قلبها يبكي دم على حالتو عارفتو فالمكتب قاعد يتكيف هارب من الحقيقة هاذي مع دخلتها قابلها عالفوتاي دايخ والزجاجة نتاع المخدرات فيدو ضربت صدرها بخوف وخرجت تجري تنادي عالحراس كان واقف فالجنينة يتكيف وقت سمع صراخها راح لعندها يجري قلبو واخزو
أسر:واش كاين خالتي واش صار أرسلان عملولو حاجة أحكي عشيري وينو علاش تبكي أنت درك
عزيزة:هو هو😭😭😭هو شرب الدواء حب ينتحر😭😭أجريلو يعيش ولدي منعوه ماو خوك
ماستناهاش تكمل ودخل لعندو لقاه دايخ والزجاجة فيدو عرفها ديراكت وكيفاش مايعرفهاش وهي نفس السم الهاري يلي يشربوه ثنيناتهم وقت يتقلقو ويتخنقو ...تقلب فالسرير موش قادرة ترقد قلبها واخزها جاها بين عينيها هو وشكون غيرو حبيب قلبها مافيهاش لازم تشوفو وتشبع بعينيه لوحام رايح يفضحها وقفت لبست بابوشها وفاست عاليرد وخرجت قاصدة الفيلا نتاعو مع حطت رجلها الداخل قابلها هو والحارس يتعافرو معاها باش يوصلوه للطموبيل بقات جامدة فبلاصتها عينيها مرشوقين فيه كل السيناريوهات السيئة جات فراسها ووجيعة قوية شدتها فكرشها رغات فرد رغية وجات طايحة فالأرض لطخة خلات عزيزة وأسر قلوبهم توقف وهو يشوفو فقطرات الدم يلي نازلين بين فخاضها عيطت عيطة هدت لجبال بإسمها راحتلها تجري حطتلها راسها فحجرها تبكي وتحب تنوضها
عزيزة:قوم يعيش بنتي آيات ياغالية علاش تعمل هكا فروحك وفيه توا قوم وحارب على خاطرهم
مالقات حتى تجاوب منها أسر غير ركبرو هو فالطموبيل رجعلها هزها من حجرها وركبها بجنبو خلى عزيزة معاهم وركب هو يسوق ديمارا للمستشفى حارق الطريق خايف عليهم فثلاثة واش صار حتى حياتهم تقبت هكا شكون الغول يلي دخل فيهم ودمرها كان ممكن أنو ينسحب ويخلي عشيرو مع حب حياتو يرضى بالوجيعة ويربح خوه وفرحتو أما بعد يلي صار كل شئ تبدل دخل فبعضو خلاتو واقف فبلاصة مايتحسدش عليها من جيهة حياة خوه وحياة ولدو ومن الثانية الكلب يلي مجبور يعرفو ويتخلص منو غير هكا مراحش يعرفو معنى الراحة والفرحة وصلهم للمستشفى ودخل يجري يمادي عليهم جاو الممرضين ومعاهم الحمالات هزوهم ثنيناتهم كل واحد دخلوه لغرفة من غرف العمليات بقى هو مع عزيزة يستناو والخوف ظاهر عليهم شوية ولحقت سيلا مع الحراس #بغي