💥هوس 💥السفاح💥

02/35

💥هوس السفاح💥35/02/
بقلمي ✏رنوشة✏
فالمستشفى واقف مع الحيط يديه فجيابو وزرار الشوميز اللولين حاسس بخنقة ونفسو وذياق وجهو راح ألوان وجاء ألوان موش مليح يكابر عروحو لازمو يكون قوي ويوقف فظهر خاوتو هو لكبير وهذا واجبو مراحش يضعف ويخليهم هو سند العايلة وقوتهم يضعف أرسلان تتهد على هزت عينو شافهم داخلين فثلاثة ودانيال معاهم كبس روحو وغمض عينيه مالازمش يشوفو ضعفو عرفوه دايما قوي واليوم هم بحاجة قوتو أكثر من أي وقت قربو منو وخوه شاف مع وجهو ماغجبوش ماكانش شخص فالدنيا بعد هوسو يعرفو مليح غير خوه وصاحب عمرو بقى يشوف معاه زمان خايف عليه لين تكلمت أمهم تسأل فيه
أسيا:واش يلي صار خوك والطفلة واش حوالهم مازال ماكاين حتى خبر عليهم أتكلم واش بيك هكا
قبل مايرد عليها باب العمليات خرج الطبيب وجهو أحمر والعرق يقطر من جبينو ورقبتو تنطرو ليه لكل حتى فاضل وظافر جاوهم بعدما كانو قاعدين عالكراسى موش قادرين يقوفو على رجليهم تلكم
👨:حالة المريض تعدت مرحلة الخطر ولكن لانستطيع الفرح كثيرا فهناك رصاصة كانت قريبة جدا من القلب نزعناها ولكن قد تؤثر على صحته
أسر:هل يمكننا أن نراه بعدما تخرجونه من غرفة أسف ولكن با العمليات نريد أن نطمئنو عليه أكثر
👨:أسف ولكن لايمكنكم فنحن سنضع المريض فغرفة الإنعاش حتى تستقر حالته عن إذنكم الأن
راح الطبيب مخليهم الكل واقفين عينيهم عالباب يستناو فيهم يخرجوه ربع ساعة والباب تفتح وخرجوه الممرضين دواه لغرفة الإنعاش وهم معاه ماعدا فاضل وظافر يستناو فخبر على إيلينا بعدما ريڨلولو الممرضات أمورو فالغرفة خرجو وخلاوه خاوتو وأمو وسيلا يشوفو معاه من لڨزاز قلوبهم دم عليه فرحة الدار وضحكتها ملوح لداخل من غير ولا حركة هو يلي كل ما يكون موجود الضحكة ماتفارقش وجوهم أرسلان ماعادش فيه يحس فروحو قاعد يتحرق دخلاني وقلبو نبضاتو ضعافو حتى الدم إختفى من وجهو رجع أبيض شافت معاه أمو يلي غير لمحت حالتو عيطت بإسمو عيطة قريب تهدو عليها حيطان المستشفى بخوف
أسيا:أرسلاااااان واش بيك ياولدي واش يلي😭 صابكم لثلاثة اليوم مانطمن عالأول يلحق الثاني
أسر على صيحت أمو قلبو طاح من الخوف (الزحي البكية جاتني ماسخيتش فالسفاح الله لاتباركلك ااامصطفى شيبة الهم) على خوه شاف معاه لقاه على شعرة يضيع منو قربلو وسندو عكتفو وصل بيه للكرسي قعدو وفتحلو زرار الشوميز وحط صبعو يتحسس فنبضو لقاه ضعيف نده عالطبة تلمو بيه إذا قبيلة وعلى خاطر لمريض أخ لمعلم المستشفى إستنفر درك الحالة ماأكثر جابو السرير وهزوه يجريو للغرفة باش يسعفوه وخوه معاه شاف مع الممرضة وتكلم بكل حدة يأمر
أسر:أريد مأزرا فأنا من سوف يفحصه ويكون المشرف على حالته تحركي بيدك دقيقة لتجلبيه
حركتلو راسها وخرجت أما هو بقى يفحص فخوه يتفقد فمؤشراتو ويديه يرجفو من سنين مهنة الطب مامارسهاش ولا خمم أنو يرجعلها من الليلة المشؤومة هاذيك صحيح هكر ومن أكبر رجال المافيا فروسيا وأوروبا أما نقطة ضعفو لولاد هو فشل فأنو ينقذ طفل صغير من الموت فشل يخلي ملاك صغير عايش بسبب ظروف أهلو السيئة ما أسعفوهش فالوقت المناسب ومات وهو بين يديه يقدملو فالإسعافات من يومها حلف عالمهنة العظيمة هاذي وشرف ممارستها(تحية لجيش البدلة البيضاء جنود المحنة الحالية)رجع للحاضر على الممرضة تحكي معاه لأنها جابتلو يلي طلبو منها شدو عليها لبسو ورجع يشوف فحالة خوه خذا عينة صغيرة من دمو وأمرهم يعملو بيها تحليل والنتيجة تحضر حالا يسيبو كل شئ فيدهم ويتلهاو بيها وبعدها ركبلو المصل وفيه مهدأ
👑Raniucha👑