💥هوس 💥السفاح💥

77

💥هوس السفاح 💥77
بقلمي✏رنوشة✏
أسر:هو ظهر عميل فالأنتربول يامعلم هههه السيد كان متزوج ببنت عدو اللدود وقت هربت معاه تقطعت أخبارهم ولقاهم باباها يوم ولدت ببنتهم الأولى بعدها بيومين حاولو يقتلوه هو وبنتو أما مرتو ضحات بروحها حماتهم ثنيناتهم وماتت بنتو طيلة 16سنة واحد مايعرف عليها شئ اليوم ظهرت وتكون نفسها هوس السفاح هي آيات
يسمعلو مصدوم وهي تشخنن فحضنو موش مستوعبة لحقيقة يلي يحكي فيها حست بضربات فكرشها حطت يدها عليها وهو تانيك معاها تكلم
أرسلان:أشششش روح البابا واش حكينا حنا قبيلة أقعدو عاقلين ما تأذيوليش هوسي ولا نعاقبكم
آيات:نحب نشوف خالتي عزيزة وينها هي وسيلا نحب يكونو معايا درك 😭😭😭ناديلهم يجيو
تنهد وهو محروق من دموعها واش يسلكها معاها درك وهذ طالبتهم لثنين وحدة فالعناية المشددة والثانية معاها مرافقة باسها من فمها وبدأ يحكي
أرسلان:حبيبي هم مايقدروش يجيو درك لأنو سيلا متصاوبة وخالتي معاها ڨارد ملاد أرتاحي ياروحي
آيات:أهأه نحب نروح لعندهم درك مانفهم شئ أديني ليهم توحشتهم ووخاصة خالتي يعيش حبي
قصت عليهم هي محضرة روحها وكانت خارجة تخنقت فالفيلا ووحدها شافها قلبو حسو طاير شافت معاه وبعدها معاها حست بالغيرة منها حتى وهي فحضنو ماقدرتش تتحمل أنها تكون قدامو غيرها ويشوفها(هاي الغيرة ولا لوح نستعرف بيك كنتي ماتراطيش) حمحم وتكلم يسأل فيها مخلي زوج قلوب يتحرقو ينيران الغيرة من غير علمو
أرسلان:وين بيها روزا من غير ماتخبريني يافحلة
روزا:نحب نتمشى شوية تخنقت وضاق خاطري
أرسلان:مايجيش تخرجي وحدك وأنت ماتعرفيش لبلاد هاو أسر يديك وين ماتحبي أنت أمانة زوزا
زيرت على يدو وعضتو من رقبتو وجعتو خلاتو يتبسم عليها عرفها غايرة من هدرتو مع غيرها
آيات:الليلة موتك ياسفاح أنت مسكن طفلة فدارك من غيري وتحكي معاها قدامي ماعليه أتحمل هذا
بعدت عليه مخليتو يشوف معاها قربت من أسر وعضتو من رقبتو خلاتهم ثلاثتهم مصدومين وهو أكثر واحد فيهم هي عملتها وقربت من غيرو لا وكيفاش عضتو بحضورو أسر تكبس صحيح هي مرتو أما طيهنا 3أشهر مالمسش شعرة منها إعجابو بيها وإصرارو على أنو يملكها تحديه لصاحبو صورهملو عقلو أنو حبها أما وقت شاف روزا كل حاجة حسها وقت كان يشوفها هي تلاشات روزا مبهمة هي علاش عملت هكا ومع أسر بالذات كيفاش قدرت تقرب منو وبحضور السفاح وتعضو
عينيهم فثلاثة توجهو ليه أسر بقلة حيلة روزا بعدم فهم وهي بنصر عارفة عملتها رايحة تكلفها أما فنظرها يستاهل هو حكى مع غيرها ومسكنها هنا
كابس بونية يدو عينيه دم من الزعاف مغلغل منها من غير مايحكي هز روحو ووقف قاصدها شدها من يدها مكركرها وراه طلع بيها للغرفة ولثنين الباقيين شافو مع بعض زمان وبعدها فطن وتكلم
أسر:تفضلي خلينا نروحو هذاك هو خلي نفرحو بيك ونضيفوك رغم أنك رجعتي بنت الدار
حركتلو راسها وخرجت معاه رايحين يديها
تحوس مخلين السفاح كيف التور الهائج مع هوسو قتلتو بعملتها مأخذ البال لحملها وموش حاب يغلط معاها مقعدها عالسرير وهو رايح جاي قدامها يحكي معاها وعينيه دم رجعها تبكي من عياطو
أرسلان:،واش ندير معاك أنت أه واش الحل باش تفهمي أنك وحدك حبي ومولات قلبي أنت نتاعي
هو يهدر ومايحس غير بيها فحضنو راسها على صدرو ويديها على حزانو تبكي بالشحقة وتحكي
آيات:أنا نغير عليك نحبك موت مانقدرش نتحمل أي وحدة تقرب ليك ولا تحكي وليها يعيشلي حبي
تنهد من عروش قلبو على قد ماراهو متغشش منها بدموعها حرقتو وخلاتو يستسلم قدامها وليها مشى بيها للسرير تكاها وهو فوقها يبوس ففمها
👑Ranoucha👑