💥هوس 💥السفاح💥

02/10

💥هوس السفاح💥10/02/
بقلمي ✏رنوشة✏
دخل وخلاهم مشوكيين موش عارفين واش يديرو لقاها بدات تفطن زرب قرب منها وشدلها يدها باسها منها وهي غير فتحت عينيها وشافتو دموعها نزلو يحرقو كيف لجمر عخدها حالتها تبكي لحجر موش قادر يشوفها وهي فالحالة هاذي وضعيفة هكا صحيح هي شخصيتها موش قوية أما ولا مرة شافها هكا حتى بعدها إغتصبها وسرق منها شرفها ماكانتش بالضعف هذا تكلم معاهابحب
أرسلان:حبيبي هوسي يانور عينيا أنت علاش تحرقي فينا هكا ولادنا بحاجتك وأنا أكثر أحكي معايا سمعيني صوتك نحب تحكيلي وجيعتك وتشكيلي ياك أنا سفاحك حبيبك وأب ولادك أحكي
من غير ماتحكي غير دموعها نازلين تنطرت لحضنو مكبشة فيه كيف الطفلة الصغيرة وقت تكبش فباباها ومن غير ولا كلمة زمان وحسها هدات شافها لقاها رقدت باسها من جبينها وتكاها فبلاصتها وغطاها وخرج لعند خاوتو عارف مراحش يتحركو غير وقت يعرفو كل شئ منو وقف مقابلهم يشوف معاهم وتيليفونو صونا فتحو لقاه ميساج من نفس الرقم تاريخ ووقت العملية غمض عينيه وعاود فتحهم وبدأ يحكيلهم عالخطة
أرسلان:بعد 48ساعة من درك عندنا عملية تهريب شحنة لروسيا ل******يلي عندو فاضل ومانحبش الدولة تعرف بالحكاية الأمر يخص مرتي وولادي أي غلطة تكلفني خسارتهم مفهوم
أسر:مفهوم أما لدرك ماعرفناش نتاع واش الشحنة هاذي من وكتاش حنا ندخلو فحاجة بغير بحث أه
أرسلان:التجارة بالبنات مجبورين نرجعولها ونتخلاو عوعدنا إذا ماوفقين خبروني من درك
كرم:لحكاية موش لعب ولاد صغار عارف ولا نن يعني المئات من لبنات حياتهم مرهونة بينا عندي خطة ليكم رايحة تخدمنا لكل وخاصة انتو لثنين
أسر:أتكلم ألي هي نسمعو فيك ماتقليش نبطلو ونخليو الراجل يلي يكون نسيبنا بين يديه ال$$$
كرم:لا خطة ما أحسن والله تفيدكم وتخلينا لكل نفرحو، فالأخير خلي وقت يوصل وقتها نخبركم
أسر:أوكي يمالا أحنا لكلنا غدوة مع الظهر نطلعو لروسيا وأنت غير تطمن على مرتك وولادك تلحقنا معاهم هيا أنا نخليكم راه تبعث فالميساجات هههه
أرسلان:جهز كل شئ وخليهم يحضرو الفيلا لأخرى ليه هو ماتنساش مرتي موش متعودة تتقيد بحد نحبها تكون مرتاحة وعزيزة ويما غير تشد روحها شوي نرسلهم لعندك أتهلاو فيهم مليح أرجعو درك
قبل مايروحو شافو رجال الشرطة جاية قاصدتهم تنفسو بعصب ثنيناتهم أما كرم طمنهم بعينيه يهدو
👮:السلام عليكم جينا بشأن التحقيق فقضية إطلاق النار يلي صار فالعرس وصلناخبر عن وفاة
كرم:خلينا نروحو للمركز حضرة الشرطي وأنا نحكيلك كل شئ لأنو حالة خويا ماتسمحش يجاوب على أسئلتك ماتخممش أنا نخبرك بالحادث
👮:أما أنا مجبور نستوجوبو ومام أنتهم كشهود عالحادث مانقدرش نزيد نماطل فالتحقيق أكثر
تنهد بقلة صبر وجبد بطاقتو وراهالو ماكانش حاي يستعملها هنا أما هو جبرو حالة خوه ماتسمحش للهدرة فيلي صار غير شافها الشرطي، بلع ريقو
كرم:نضنك فهمت عليا هيا خلينا نروحو للمركز أحسن لتماك خدمتنا تسهال أكثر سلام الخاوة ههه
حكى معاهم وتفاهمو بعدها خرجو كرم للمركز مع حضرة الشرطي باش يحكيلهم عالحادثة ويتكفل هو بالموضوع من غير مايوجع رأس خاوتو أصلا كل واحد وهمو الأول مرتو فحالة وموش عارف كيفاش يدير معاهاولادو فالحاضنة والثاني مرتو أونسانت وبحاجتو جنبها عليه يكون سند ليهم
وصل للقصر مع ال3نتاع الصباح تاعب وحيلو مهدود ديراكت طلع لغرفتو ماقدرش يرجعها لدارهم وهو ماكانش يخاف تصرالها حاجة وهي وحدها دخل البيت مظلمة غير ضوء الفبوز خفيف شاعل مع دور المفتاح وغلق الباب تكلمت هي ماكانتش راقدة ماقدرتش ترقد وهو موش موجود
👑Ranoucha👑