💥هوس 💥السفاح💥

41

💥هوس السفاح 💥41
بقلمي✏رنوشة ✏
عزيزة:أنت حبلة فشهرك الأول هذا أش قالت الدكتورة كيف جات قبيلة وأرسلام مايعرفش قلت نخبرك وأنت تعرف كيف باش تخبريه وتقنعيه
دمعتها طاحت والدوخة لعبت عليها حطت يدها خايفة من ردة فعلها هو من شوية كان يحذر فيها وأنو رافض فكرة الحمل والأولاد الوقت الحالي موش لأنو مايحبهاش لا العكس لا هو يعشقها وخايف عليها وعلى ولادهم شدتها عزيزة تكلمت
آيات:خليه عليا خالتي أنا نلقى الوقت المناسب والطريقة باش نخبرو هيا خلينا نرجعو عندو درك لأنو لو تأخرنا رايح يتقلق ويبدأ يشك تعرفيه هيا
غسلتلها وجها وخرجتها رجعت لعندو شافت معاه زمان وبعدها قعدت فحجرو وهو زير عليها فحضنو موش مطمن لنظراتها ولتصرفات عزيزة لغريبة هاذو باسها من فمها ويحكي وهو يلعب عليهم بفمو
أرسلان:واش كاين علاش وجهك لونو مخطوف تقول كاين شكون ناوي يقتلك أحكيلي بصراحة
تشوف مع عينيه وشهوتها جاتها عليهم تبوسهم بالوحدة هو يحكي وهي مغيبة غارقة فبحرهم هزت يدها تمسح عليهم وهو غمضهم مستحلي لمسة يدها طلعت يفمها ليهم باستهم بالوحدة وقربت لوذنو تحكي بهمس وصوت ذابل وتاعب
آيات:الصراحة أني حابة نروح للبحر درك ونتمشى عالشط فيه بليز خلينا نروحو أنا وأنت أرسلان البقوص حبيبي السفاح أنت نهون عليك تبكيني
تبسم عليها وصغر عقلها وحركات لولاد يلي تعمل فيهم باش تتهرب من الإجابة عالأسئلة نتاعو عضها من فمها وهز الملعقة يوكل فيه وهي مطاوعتو أصلا جيعانة والشخشوخة تموت فيها(كيفي أنا يامامي خاصة إذا كانت بالفول 😍😍😍😋😋) يحكي وهو يتبع فيها وهي تستبن فالماكلة شهاتو يرجع يغطس فيها ويذوقها
أرسلان:كملي كولي وبعدها نروحو وين حابة أما مانطولوش البرد عليك وغدوة عندي شغل كبير والحفلة لازم تحضري روحك ليها ماتعتارضيش
حركتلو راسها بإيه وهو تحمل لين صاي هجم عشفافها عضها وحدة قوية وجعها أما هي بدل ماتبكي رجعت تضحك وتعدي فلسانها عليهم زادت جننتو وشعلت نيرانو باستو من رقبتو و وحضنتو كمل وكلها ومام هي وكلتو بيدها ووقفو هزها بين يديه وطلعها للغرفة خيرلها لبستها جيب فالغوز سور طاي يهبل طويل مع بيل صوف أسود قصير لفوق الصرة وطالون أسود وفيدها الفاست نتاعها وهو لبس سروال باج مع بيل أبيض مكتوب أسود وفوقو فاست نوار وخرجو اليد فاليد وخرجو ركبها فالطموبيل BMWوديمارا بيها للشط ليقارد وراهم للحماية مدة نصف ساعة وكانو فالشط هبط وهي معاه يتمشاو اليد فاليد وليڨارد معاهم مخليين مسافة مليحة بينهم باش يلقاو راحتهم موش عاملين للعينين الخبيثة يلي قاعدة تراقب فيهم شافت معاه ومع لبحر فلحظة تعنكشت فيه وغرست راسها فرقبتو ورجليها مدورتخا، على حزامو وهو دور يديه عليها تحكي بدلال وغنج
آيات:أنا عندي طلب منك بليز نفذهولي ياك أنت حبيبي وقلتلي مانحبكش تبكي ولا تزعفي قول
حركلها راسو بمعنى كملي أحكي تبسمت وتكلمت
آيات:نحب نشوفك وأنت تعوم فالبحر درك وهنا نعرف أنو البرد أما والله جات فخاطري وحبيتها
حل عينيه على وسعهم من طلبها أكيد موش فعقلها الطفلة الليلة ناوية تقتلو فالبحر وترتاح منو
أرسلان:أنت مليحة عارفة واش طلبتي مني درك لا أكيد موش فعقلك مازالت الحمى مأثرة عليك أكيد
حركتلو راسها بلا ودموعها نزلو وحدهم بعدت عليه وأطلقت العنان لشهقاتها يلي قواو تمشي مبعدة عليه مخليتو مبهم ففعايلها وردفعلهادموعها نازلين كيف لمطر تنهد من عروش قلبو ولحقها فرمشة عين جابها فحضنو يحكي فرد وقت لسانو يلحس فدموعها
👑Ranoucha👑