💥هوس 💥السفاح💥

90

💥هوس السفاح💥90
بقلمي ✏رنوشة✏
شمس نهار جديدة أشرقت باعثة أشعتها فأرجاء الغرفة قلقتها فنومتها جات تتحرك ماقدرتش هو كان مزير عليها تبسمت وباستو من صدرو ونحاتلو يديه بالشوية ووقفت عدلت الستائر باش يرقد براحتو(خلفتخالو هههه دارهالها قبل) ودخلت للدوش أدوشت ورجعت للغرفة لابسة سالوبات دجين مع بيل أبيض وشعرها عملتو ظفرة عجنب وهبطت لتحت تحضرلو فطورو لقات الخادمات حضروه ديجا تبسمتلهم وحطتو فالصينية وجات طالعة بيها دخلت من وراها تحكي وتعاتب فيها
روزا:شنوة يلي تعملي فيه أنت تو من كل عقلك تهزي الصينية وأنت كرشك لفمك هاتي عليك نهزها
آيات:أهأه خلي عليك مطلعتها للغرفة وهو راقد فيها عارفتني مانقدرش نتحمل غيري تقرب منو
تبسمت وهي تسمع فيها عارفتها وعارفة غيرتها عليه أصلا عندها الحق تحبو راه أب ولادها نتاعها
روزا:نعرف نعرف أما مايجيش تهزيه خلي نوصلو لحد باب الغرفة هكا أحسن يامغيارة هههه هيا هيا
هزت عليها الصينية وطلعت معاها لفوق وصلتهالها للغرفة ورجعت هبطت مخليها براحتها دخلت حطتها عالطاولة وشافت معاه راقد عظهرو ويدو وحدة عكرشو والثانية ععينيه تبسمت ونحات كلاكاتها وطلعتلو عكرشو تعدي فصبعيها عخدو وتحكي معاه بهمس وحنانة إبتسامة عوجها منورة
آيات:سفاحي أفطن يافنيان راح الحال عالخدمة ولا نسيت أصلا توحشت صوتك هيا أفطن نفطرو
تبسم على كلامها ولمسة يدها لحنينة فتح عينيه وقابلتو بوجها يلي يعشق الشوفة فيه هز يدو جبدها لعندو أكثر كرشها كانت العائق باش تلسق فيه هزت عينيها فيه وهو تانيك ذايب فيها عاللخر
أرسلان:علاش نايضة من بلاصتك موش الطبيبة توصي وتعاود الراحة والنوم التعب لاراكي حامل
آيات:قلقتني أشعة الشمس طيرت عليا النعاس وأنت تاعب أصلا ولادك عاقلين اليوم ماضربوش هيا لفطور يستنى أغسل وأرواح جعنا وأنت راقد
أرسلان:واش ندير معاك أنت أه واش الحل نحكي ونوصي الحركة والتعب لا الصينية ثقيلة هزيتيها لهنا باغية تهبليني ولا كيفاش أرحميني ياهوسي
آيات:أهأه ماتعبتش أصلا الصينية هزتهالي روزا لحد باب البيت ماتخافش يابڨوص راني نعشقك
تنهد براحة ووقف وهي فحجرو باسها من راسها ونزل باس كرشها يحكي وهو يضحك فرحان بيهم
أرسلان:صباح الخير پاپاتي أقعدو عاقلين اليوم عندنا أمور نفرزوهم أنا وعمو أسر وكرم ياك أبطالي
حطها عالسرير مخليها تتبسم عليه ودخل للدوش أدوش وركح أمورو ربع ساعة وخرج لابس وحاضر عاود باسها من فمها وقعد بجنبها جبدها جات فحجرو بداو يأكلو غير كملو تيليفونو صونا أسر يعيط شاف معاها حطت راسها فرقبتو وهو هز
أسر:طيارتها تأجلت لغدوة مراحش تقدر تجي بسبت مرضها كيفاش نديرو لازم نتقابلو معاها لكل
أرسلان:جيب الجماعة ومعاهم كرم وأرواحو لهنا عندي مانحكي وبعدها تفهم كل شئ ماتتأخروش
أسر:أنا أصلا كنت جاي لعندكم زوجتي المستقبلية لتماك ومتوحشها مراحش نطولو نجيبهم ونجيو
أرسلان:أوكي براحتك أنا نخليك تجي ونحكيو باي
كوبا مع خوه وهي عضتو من رقبتو (كنايني حكمهم لكلب يعضو فولادي ها مل أمكم بالشوية عليهم راهم كبدتي ومازال لبلية الأخرى يادرا واش تدير فيه المازوزي نتاعي) تحكي بغيرة
آيات:علاش تحب تلمهم لكل أنت محتاج خاوتك تحب تهبلني تشوفك سيلا وروزا وخالتي تبوسك أهأه مانحبش نغير ااا عبد ربي نغير نتاعي وحدي
زير عليها فحضنو يحكي وهو يبوس فجبينها بحب
أرسلان:هوسي يا روحي أنت لازمني نحكي معاهم لكل لأنو لحكاية تخصهم هم تاني وخالتي كبيرة
آيات:نحب نأكل لفراز درك والله تشهيتو بليز بليز شوف هاذو ركحو ماضربوش رجعو يتشهاو جيبو
أرسلان:ساهلة هيا نهبطو والخدامة تجيبهولك لعندك مانوصيش الهرج والحركة مع لبنات لتحت لا
حركتلو راسها بإيه وباستو من فمو هبطو اليد فاليد الضحكة فوجوهم منورتها لقاو روزا فالصالة
👑Ranoucha👑