💥هوس 💥السفاح💥

17

💥هوس السفاح 💥17
بقلمي✏رنوشة✏
بعد لقاء دام أربع ساعات ركب طموبيلو وبقى يسوق تايه وحزين موش عارف واش يدير ولا من وين يرجع يبدأ يحوس عليهم وصل لهنا يعني مابقاش ويلقاهم يعوف أصلو وعايلتو ويرتح قلبو بعد سياقة فالشوارع لمدة ساعتين لقى روحو مڨاري قدام العمارة وين هي سارقة قلبو عدى يدو على وجهو بقلة حيلة ونزل طلع لعندها تنفس ودق الباب شئ ماردتش بقى يدق لمدة خمس دقايق الخوف عليها تسرسب لداخلو جبد النسخة الثانية من المفتاح وفتح الباب دخل صوتها غايب وريحتها ماكنش فالصالون والكوزينة قصد غرفة النوم غير دخل ضربتو ريحتها مخلطة بريحة أخرى رجالية وقت ثبت فيها عرفها نتاع صاحبو عروقو ظهرو وعينيه حمارو هز الكأس كان فوق الطاولة ضربو فالمراية نتاع لكوافاز يعني وصللها وقدر يسرقها منو مرة أخرى قدر يديها لازمو يلقاها ويبعدها عليه للأبد هو يحبها وموش مستعد يسلم فيها لغيرو هز روحو وخرج ديراكت ركب طموبيلو وقصد القصر لازم يحكي معاه ويفظها على صحيحة...... فجيهة أخرى فالطائرة تفتح فعينيها بالشوية راسها تحسو باغي يطرطق من لوجيعة والدنيا فلو الصورة موش واضحة تحرجت شوية ريحتو دخلت لخشمو فطنت جات تتحرك توجعت ودمعتها نزلت تحكي معاه وهي ترعش منو خايفة وموش حاملة قربو يلي صار رعبها منو
آيات:أبعدني 😭😭😭ماتقربليش بليز ماعدتش قادرة على لوجيعة راك قتلتني ياعبد ربي 😭😭
مارجعلهاش وجبدها جابها فحجرو وجعها يمسح فدموعها ويحكي بحنية عكس النار يلي حارقتو لداخل من نفورها هذا يخبي فنخزات قلبو منها
أرسلان:أنت ماتقدريش تبعدي عليا خطوة من غير إذني أنا وأخر مرة نحذر عالدموع قلت ممنوع ينزلو حبات الؤلؤ خاصة قدامي وحكاية هروبك المرة هاذي فاتت عليك باللطف أما مرة أخرى وقت تخمي فيها برك نمحيك من الدنيا بيديا مازال ال*****نتاع أسر حسابو معايا كبير وعسير نقتلو وربي كبير هكا باش يكون عبرة لغيرو ولكل واحد يخمم يقرب منك أنت هوسي وحدي من حقي نقربلك ونلمسك درك كولي شويا وأرجعي أرقدي لين نوصلو وننوضك وأتذكري كلامي مليح مفهوم
تحكي معاه ودموعها نازلة تحرق على خدها
تترجى فيه باش يرحمو هو كل يلي عملو ساعدها وقت طلبت يساعدها ماعندوش ذنب فيلي دارتو
آيات:موافقة نقعد معاك وأسيرتك يامهووس أما بشرط أنك توعدني ماتلمسوش ولا تعملو شئ ماتحاسبوش على غلطتي أنا هذا شرطي وطلبي
شاف معاها كيفاش خايفة منو وتحكي برجاء وتطلب منو ما يأذيهش براكين الغيرة لهبت فيه تكلم ووعدها فوق من قلبو وهو غلو من أسر زاد
أرسلان:وعد مراحش نمسو ولا نأذيه أما هاذي أول وأخر مرة تطلبي مني نسامحو مرة أخرى نقتلو بدم بارد وأنت تشوفي رايحة
تبقاي عشيقتي وملكيتي طول لحياة مابعدنا على بعضانا غير الموت وأنا كلمتي رصاصة وقت تخرج
طلبلها الماكلة شوية وجابوهالهم بدأ يوكل فيها بيدو وهي مستسلمة مابيدهاش حيلة عليها تضحي تتحملو هو وقربو ولمساتو باش تحمي أسر مسكين كل يلي عملو أنو هربها وهذا مقرر يقتلو مستحيل تسمح يتأذى شخص بسبتها ماترضاش كلات وكملت رجع حطلها راسها على صدرو باش ترقد وهي باقي فحجرو أما النوم هرب منها باقية تخمم فحياتها وين رايحة توصل وين كانت ووين رجعت عشيقة بوص فالمافيا الروسية مغتصبة وحريتها مقيدة حياة شخص أخر مرهونة بخطأ وتهور صغير منها دموعها ماحبوش يكفو عينيها وجعوها وهو باقي يمسح على شعرها وسارح بتخمامو فحكايتو معاها وصاحبو يلي خانو ومايقدرش يحاسبو بعدما وعدها وهو وعدو رصاصة وقت يخرج يتنفذ مافيهاش نقاش هاذي
👑Ranoucha 👑