💥هوس 💥السفاح💥

02/04

💥هوس السفاح💥04/02/
بقلمي ✏رنوشة✏
حلمي تحقق وتجسد صار واقعا أنا الأن بين النجوم أتجول رافعا راية النصر بإفتخار منشيا
#منظر كان قبل ساعات يشوفو حتى ولو فالمنام متجسد قدامو وبأحلى حلة حبيبتو روحو بنت قلبو أميرتو وسلطانة عرشو مقابلتو فاطنة وولادهم فثلاثة فوق كرشها بخير تبسم والتبسيمة رجعت ضحكة تاهت فيه وغاست ناسية هم وين ووضعهم قرب منهم حط جبينو عجبينها يتأمل فوجها يخرج فالكلام بالسيف عاجز عالتعبير من فرحتو وأخيرا فرحتو رجعت وهم فأربعة بخير
أرسلان:الحمد لله عسلامتكم يادنيتي وأخيرا رجعتولي بخير من غيركم كنت نموت ومانعيشش
تبسمت عليه عارفتو خايف عليهم وماعندهاش القدرة تتكلم حالتها تاعبة وبحاجة للراحة نزل باس ولادو من راسهم وشم ريحتهم وأاااه يا ربي من ريحتهم مسك على حالها القطع الصغيرة هاذو قطعة منو من روحو ولادو أه ياربي وعلى نعمة الضنا ماأحلاها نعمة قصت عليهم الطبيبة تحكي
🙎:مدام مسيو مجبورين نديو الأولاد للحاضنات زادو قبل وقتهم وبزيادة توأم لازم يقعدو فاها فترة لين نطمنو علاهم مليح شوية وينقلوهم هيا
أرسلان:مانحب حد يدخل لعندهم من غيرك أنت ولا أنا وأمهم تتمس منهم شعرة نحرق لبلاد على روسكم بالواحد أتحركو ومتنسايش أنت وبرك
حركتلو راسها بخوف ودات الأولاد من عند أمهم بعدما شبعت فيهم بوس وقلبها موش مطاوعها تبعد على كبدتها داتهم الممرضة والدكتورة نظفتلها حالتها وخرجتها لغرفة عادية وهو معاها العايلة لكل يستناو لبرى فالكولوار باش يشوفوها خرجو الممرضات خلاوهم وحدهم قرب منها باسها من فمها يحكي وجبينو عند جبينها وهي عينيها بالدموع موش قادرة تبقى بعيدة على ولادها هكا
أرسلان:أششش لبكاء ماصدقت لربي رجعتولي من الموت يعيش حبيبي الزينة ماتزيديش عليا والله
حركتلو راسها بإيه وباستو من فمو ...عند الجماعة لبرى غير أطمنو عليها راح هو ومرتو لوين لولاد وقفو قدام لڨزاز يشوفو فيهم هي الأولى وهو وراها يديه عكرشها ووراسو عكتفها يحكي بهمس
أسر:بعد أشهر يشرف ولدنا ويكون عندو خاوتو وأختو زعمو باش يكون طفلة ولا طفل ياجوهرتي
تشوف معاهم وتسمع فيه يحكي عاجبتها فرحتو بولدهم وحماسو لجيتو صحيح عذبتو طيلة 3أشهر كعقاب ليه على عملتو معاها أما هي تعشقو وماعادش فيها تزيد، تتحمل بعدهم هكا من الليلة ترجع ترقد فحضنو دات لعندو ودورت يديها على رقبتو فمها عند وذنو تحكي بدلال خلاتو يشعل
روزا:حبيبي نحب عليك أنا تو خلينا نرجعو لدارنا والله تعبت وبزيادة ولدك جاع يحب ياكل شوية
أسر:يخليلي جوهرة حبيبها هي لعسل نتاعي تأمري أما قبل نبشروهم بجية ولي العهد نتاعنا
روزا:ممم خبرهم أنت نحب الكل يفرحو بيه أما باش تقولهم عمرو شهر ونصف يخليلي حبيبي بليز
أسر:مجبورين نخبيو عمرو يكفي تكوني أنت وهو بخير تملاو حياتي ونهزوه نشمو ريحتو ياجوهرتي
واقفة وراهم سمعت أخر كلامو وعرفت سرهم تكلمت من غير مقدمات تلوم فيهم عالتخبية هاذي
عزيزة:برافو والله برافو أنت وهي حبلة ومخبيين علينا علاه بابا جايبينو فالحرام ماو معرسين قولو
دارو ليها ثنيناتهم مخلوعين شاف معاها وتكلم
أسر:ماكانش فنيتنا نخبيو عليكم عرفنا البارح وكنا مقررين نخبروكم فالعرس أما على عينيك الحادثة
عزيزة:مبروك ياعزيزتي مبروك يانور عيني هيا ياميما أرجعو للدار أرتاحي وماترجعشي هني هيا
روزا:أما آيات ماشفنهاش عيب نروحو قبل مانطمنو عليها هي ونباركولها هي نروحو عندهم
راحو ثلاثتهم لعند آيات مع دخلو قابلوهم دايرين بيها ويحكيو معاها وهي شادة فيدو باينة خايفة
أسر:تعرف يافرار والله ولادك مشاء الله عليهم على سلالة أقوياء وتحملو كل شئ باش يجيو للدنيا
كرم:ولشكون راح يطلعو لغير باباهم راهم أولاد السفاح محاربين مبروك خو والله لاراني مصدق اني صرت عم ياسلام أنا نطير لعندهم نشوفهم ههه
👑Ranoucha👑