💥هوس 💥السفاح💥

38

💥هوس السفاح 💥38
بقلمي✏رنوشة ✏
فاتو ليام عليهم بين عشق وهبال السفاح وهوسو مع روحتو للخدمة ورجعتو كل عشية للدار تقابلو هي أول وحدة بالتحضان والبوسان تعود عليها عايش معاها كأنها مرتو حلالو تهتم بكل كبيرة وصغيرة تخصو ماترقد غير فحضنو إذا تأخر شوية تبدأ تتقلق وعقلها يصورلها أسوء السيناريوهات غيرتها عليه وصلت حتى لعزيزة غير يحكي معاها عينيها يدمعو ليها أيامات حالتها موش نورمال تحب غير تلعب بوشامو وتتأمل عينيه النوم تحرمت منو وحرمتو هو معاها غير يغمض عينيه تعمل منوحة كرهت الماكلة وريحتها جايتها عالشيكولا وبس خلاتو يجيبلها كل مايرجع من الخدمة فات عليهم من يومها 20يوم أسر كل يوم يتقابل معاه فالشركة مايحكيوش فغير الخدمة والنظرات القاتلة متبادلة بينهم الأول يوصلو فحقيقة أنها نتاعو ملكو حبيبتو وحدو ومهما يدير مراحش يبعدهم على بعض والثاني همو الوحيد يلقى الخطة باش يفرقهم ويديها هو مهما طال الحال داخل للدار بعد يوم لكلو تعب وإجتماعات الشراب نسى طعمتو كيفاش من يوم عرفها وهو كان مايفوتش نهار من غيرو غدوة كاينة حفلة غدوة بمناسبة عقد شراكة جديدة مع الإيطاليين وهو مجبر باش سدي معاه شكون ترافقو حالتها موش نتاع حفلات أما محتمة يديها لأنو مراحش يرافق غيرها هي حبييتو وهوسو ريتا من يوم رجع ماقابلهاش مام هي ماجاتوش ولا، طلبتو هكا أريحلو يقص علاقتو بيها حسب ظنو
دخل للدار ماقابلتوش كيف العادة فالباب إستغرب نادى عليها كيف كيف ماردتش راح للكوزينة قابلتو عزيزة توصي فالخدامة تجهزلها كيكة بالشيكولا وهي تطيب فالتيزانة سألها عليها شافت معاه وهبطت راسها شكوكها فحكاية وحم الطفلة مخليتها تايهة وخايفة عارفتو رايح يرفضو باش يحميها وتعرفو شحال يعشقها من جيهة أخرى آيات متأكدة أنها مستحيل تفرط فقطعة منهم خاصة وأنو يكون هو باباه حارت وحار دليلها مالقاتش حل يرضيهم لثنين إذا شكها يطلع صحيح أرسلان:خالتي نسأل فيك هوسي وين راهي حسها غايب واش صاير هنا علاش متجاهلتني أحكيلي
شافت معاه بلعت ريقها تحضر فالكلام بالسيف
عزيزة:هوسك فغرفتك عاملة منوحة عليك من ساعة وهي تعيطلك وأنت ماتهزش ولا جيتها عارفها تعلقت بيك زيادة عن اللزوم الأيام الأخيرة مايجيش هكا يا أرسلان حس بيها لبنية ماعندها غيرك أنت
حركلها راسو ومع، كملت كلامها كان فالدروج يسف فالدرجات سفان طالعلها غير لحق لغرفتو ودخل قابلتو قاعدة فالسرير لابسة الشوميز نتاعو فالنوار فخاضها عرايا وعينيها منفخين من كثرة البكاء غير حست بيه هزت عينيها فيه عاملة فيها متغشة قرب منها قعد بجنبها غير شمت ريحتو لمخلطة بالدخان خواطرها دارو ورايحة ترد وقفت تجري للدوش مخليتو مبهم لحقها مفجوع لقاها تتقيا(حاشاكم) وجها أبيض والدوخة لاعبة عليها على شعرة وجات فالأرض لولا يديه يلي شدوها فأخر لحظة غسللها وجها وهزها بين يديه مرجعها للغرفة وهي شبه فاقدة للوعي عضتو من رقبتو بقوة ليعتو أما باقي متحكم فروحو قوة موش وقت أنو يخمم فروحو وهي هكا مريضة مافيهاش الليلة لازم يجيبلها طبيبة تفحصها وتطمنو عليها حطها عالسرير وهي مدورة يديها عليه مانعتو يبعد إستسلم وأتكى بجنبها راسها غارستو فرقبتو ومغمضة عينيها هز تيليفونو كلم القارد يجيبلو الطبيبة والثاني راح ينفذ دق الباب ودخلت منو عزيزة هازة صينية فيها كأس تيزانة ليها غير شافت حالتها ترغبت سألتو برعبة عليها وخوف
عزيزة:شبيها الطفلة شنية صارلها كانت مليحة قبيلة شوية شنوة عملتلها أتكلم
أرسلان:مانعرفش دخلت لقيتها تبكي غير قربتلها وقفت للدوش تجري ودايخة قريب طاحت فأخر لحظة شديتها ودرك راكس تشوفي حرت معاها
👑Ranoucha👑