💥هوس 💥السفاح💥

02/37

💥هوس السفاح 37/02/
بقلمي✏رنوشة✏
دخلت تجري للمستشفى قابلها باباها واقف بجنب غرفة يحكي فالتيليفون غير شافها تصدم كوبا وتقدم لعندها وهي ترمات فحضنو دموعها عخدها يمسح عشعرها ويحكي حابها تسكت موش مليح
فاضل:أميرتي ياغالية علاش لبكاء درك أرحمي روحك وأرحميني هو مريض وبربي يشفى خلاص
تحكي فحضنو ودموعها ويدان خايفة عسفاحها
آيات:نحب نشوفو نحب نكون جنبو بليز هو وين؟
غمضلها عينيه ودخلها معاه للغرفة يلي واقفين بجنبها مع دخلو قابلها راقد فالسرير وصدرو عريان وجهو أبيض هارب منو الدم والسيروم معلق فيدو أسر غير شافها عينيه تفتحو صحافي هاذي واش تدير هنا هم هربو بيهم من لمدينة للمزرعة باش يحميوهم وهم ولا على بالهم الأول أمو حلفت تجي لولدها يلي بين الحياة والموت ودرك بنت خالتو تنهد بقلة حيلة وتكلم يجاوب فيها عالأسئلة يلي فعينيها واضحين حابة تعرف واش صار لحبها
أسر:هو متعرض لمحاولة قتل كاين شكون حاب يسممو وبالشوية لقينا سم بطئ المفعول فقهوتو وهذا الشئ يخليه يتخنق ويتقلق بالخف ياآيات
ماردتش عليه وقربت من راجلها طبعت بوسة عشفافو لا همها فباباها ولا فسلفها شافو مع بعض وبعدها خرجو مخليينها وحدها معاه غلقت الباب وراهم بالمفتاح غير سمعوه تبسمو ورجعت لعندو تكسلت بجنبو عالسرير راسها عصدرو وتعدي فأناملها عليه بحنية وخوف نيران فقلبها شاعلة رغم أنو أسر رفض يصرح قدامها بإسم المتهم فالجريمة هاذي إلا أنها عارفتو ومتأكدة منو 1000%أنو مصطفى وهي توعدت أنها تكون هي عزرائيل نتاعو وتطلع بروحو هو درك عجل فموتو وقت حاول يحرمها من عشقها حب حياتها راجلها وأب ولادها....... متكي عالحيط راسو قريب يطرشق من التخمام خايف على بنتو وحيدتو يلي خرج بيها من الدنيا بعد صبر 4سنين زواج باش سهل ربي وحملت مرتو ونورت حياتو بأجمل بنوتة على هذا هو مخليها عراحتها ويلي تطلبو تلقاه عمرها وطات راسهم عارفة حدودها أصلا يتعاملو معاها أنهم صحابها تحكيلهم كل شئ حتى إعجابها وتعلقها بكرم فطن من سرحتو الباب نتاع العمليات وقت تفتح وخرج منو الدكتور ملامحو ماتبشرش بالخير قلبو حاسو راح يوقف تقدم منو من غير مايتكلم والثاني فهم عليه وجاوب على أسئلتو
👨:المريضة وضعها خطير وجد حرج لقد أخرجنا الرصاصتين ولكن قد تضرر ت كلوتها وهي بحاجة لنقل كبد هل يوجد أحد ثاني من العائلة للتبرع
حس بالدنيا وقفت وكحالت فوجهو حس بروحو رايح يطيح شد فالكرسي لحقوه فأخر لحظة أسر وفاضل يلي من عند أرسلان جاو يوقفو معاه تكلم
ظافر:رايح نخسر بنتي يا فاضل هههه بنتي وحيدتي ووردة حياتي تصارع الموت الداخل وحدها وأنا ماقدرتش نعاونها أديو كلوتي وأنقذوها
أسر:أهدأ عمي وبربي تسلك على خير إيلينا قوية وقد الإمتحان هذا دكتور ماذا جرى مع المريضة؟
👨:الإصابة تسببت لها فإتلاف كليتها وهي بحاجة للنقل عاجلا وإلا نخسرها أخبرو الجميع لإجراء التحاليل وإتخاذ التدابير لأجل العملية النقل الأن
مسح عوجهو بخنقة مالقاش بيها وين مغلوقة فوجهو من كل الجهات مرتو وولدو سلكو من الموت عشعرة الصباح خوه الصغير فغيبوبة الله وحدو العالم بحالتو والثاني متسمم وجسمو لكل متضرر لحقوه فالوقت وكملت خطيبة خوه تصارع فالموت وهو وسط هذا الكل مالقاش بيها وين تكلم
أسر:حسنا دكتور سوف نتصل بجميع معارفنا هنا ليئتو فالحال لأجل إجراء التحاليل أنتم كونو فوق رأسها وقومو بواجبكم إنها أختي يعني اخت الهكر
حركلو راسو بإيه ودخل لعندها وخلاهم وراه.... قدام غرفة الإنعاش حاطة يدها عالڨزاز ودموعها نازلين موجوعة مالقات تقعد جنب كرم يلي بعيد
👑Ranoucha👑